Jona 2:6 - JAM DE NHIALIC 2011

⁶ Yɛn aa ɣet piny ya në mei ke kur thäär, të ye athïïnke thiöök aɣet athɛɛr. Ku Yïn Bɛ̈nydït Nhialicdï, Yïn ë ya dɔ̈k nɔm ciëën tëthuth ke ya pïïr.

Jona 2:6 ပူးပေါင်းရင်းမြစ်များ

Jop 33:24

Në kok de piɔ̈u abï tunynhial lueel an, “Lony! Yen acï bï lɔ paan ë thuɔɔu, kënë yen ee kë cï ye wɛ̈ɛ̈r bei gëmë nɔm lääu.

Jop 33:28

Apën ɛn lɔ paan ë thuɔɔu, ku yɛn ŋoot ke ya pïïr.

Diɛt 104:6

Yïn abäpdit tääu ë yenɔm cït awiɛɛi, ku jɔ pïïu kur kum nïïm.

Diɛt 104:8

Ayek wat ë kur nïïm lekkï ë wɛ̈k yiic, lekkï të cï luöi keek.

Diɛt 116:3

Wïïn ke thuɔɔu aake cï ya tuɔɔk cil, ku pɔ̈l ke paan ë thuɔɔu aake cï thiɔ̈k në yalɔ̈ɔ̈m, aguɔ thiäŋ wo riɔ̈ɔ̈c ku jiɛthëpiɔ̈u.

Diɛt 143:7

Bɛ̈nydït bɛ̈ɛ̈rë lɔ̈ŋdï ënɔɔnë! Yɛn cï nɔm ciën aŋäth ëbɛ̈n. Du rɔt thian ë yɛn, na cie yen ke yɛn bï tɔ̈u në kɔc bï lɔ paan ë thuɔɔu.

Diɛt 16:10

në luɔi cï Yïn a gël në riɛl de thuɔɔu, yen aa luööi ɛn Yïn në piɔ̈ndï ëbɛ̈n, ku Yïn cïï ya bï päl paan ë thuɔɔu.

Diɛt 18:5

Yɛn cï duöt në wïïn ke paan ë thuɔɔu, ku wïn ë dɛ̈p de thuɔɔu anu në yanɔm tueŋ.

Diɛt 30:3

Yïn ee ya bɛ̈ɛ̈i bei në raŋic piny, Yïn ë ya luäk bei piny paan ë thuɔɔu.

Diɛt 30:9

“Eeŋö piɛth bï yök në thondï yic, lɔdï rɛɛŋ bï yï yiɛ̈n ŋö? Bï kɔc cï thou yï leec? Bïk kake piɔ̈nduön adöt luɛɛl?

Diɛt 55:23

Ku yïn Nhialic, bɛ̈ɛ̈iyë kɔc ee kɔc nɔ̈k ku kɔc ee käŋ töör, tɔ ke lɔ në raŋic, ke biäk de runken ë kën kɔn thök. Ku në biäkdï, yɛn bï Nhialic ŋɔ̈ɔ̈th.

Diɛt 65:6

Yïn cï kur tääu tëden në riɛldu, nyooth Yïn riɛlduön dït.

Diɛt 69:2

Yɛn muɔu në booric, ku acïn të ril nu, yɛn cï bɛ̈n ë pïïu thuth yiic, ku apiöök akɔɔr bï ya mou.

Yith 38:10

an, “Aa ya cät an aköölkiën ke miɛtëpiɔ̈uwë. Yɛn bï lɔ paan ë thuɔɔu runkiën kɔ̈k ke pïïr abï ke tɛɛm wei.

Yith 38:17

Tuöcëpiɔ̈ndï abï rɔt puk ke ee mät. Yïn ë ya luök wëi në karɛc yiic ëbɛ̈n Yïn cï ya päl awänydï ëbɛ̈n.

Yith 40:12

De raan duëër dït de abäpdit yic them në yeciin, ku nɔn them en paannhial në yeciin? De raan duëër tiɔɔm de piny nɔm muk në abïny ku nɔn them thiɛk de kuur në kë ye thëm?

Edhekiɛl 26:20

Wek bä ke tuɔɔc piny paan ë thuɔɔu, bäk röt lɔ mat në kɔc cï kɔn pïïr ɣɔn thɛɛr. Wek bä tɔ rɛ̈ɛ̈r në piny thar të de ka cï riääk thɛɛr, ku jakï rëër në kɔc cï thouwiic. Kë tɔ̈u yïn cïï bï bɛ cieŋ, ku jɔ tëdu nööm në piny de kɔc pïïr yiic.

Edhekiɛl 31:14

Ku gɔl ënɔɔnë lee tueŋ, acïn tim bï bɛ dït ke bäär ke lɔ nhial cï yen, ku jiëp yenɔm nhial ë luäät yiic, cakaa yen ë ye piɔɔk. Keek kedhie abïk ŋoot ke ke thou cït mɛnh ë raan, abïk lɔ piny cï kɔc ee lɔ paan ë thuɔɔu.”

Ɣabakuk 3:10

Të cïï kur Yïn tïŋ aye ke lath, Yïn ë pïïu wäl piny nhial. Piääu dït riŋ piny ayek roor, ku moc apiöŋ ë wɛ̈ɛ̈r rɔ nhial ya.

Ɣabakuk 3:6

Të jɔt En rɔt ciɛth, piny aye lath, të cï Yen E nyin cuat, kɔc juöör aye ke lath. Ee kur ɣɔn thɛɛr tɔ lɔ thorthor abïk wɛɛr, ku tɔ kur kor cur piny kur wään Yen cath thïn ɣɔn thɛɛr.

Math 16:18

Ku yïn yɔ̈ɔ̈k, yïn Petero, yïn ee kuur, ku yɛn bï ɣön ë Nhialicdï yïk ee kuurë nɔm, ku acïn riɛl ë paan ë thuɔɔu bï yen tiaam.

Nyöŋ 32:22

“Agönhdï abï biöl cït mac, ku nyop këriëëc ëbɛ̈n ë pinynɔm. Ku abï lɔ ë piny thar ku nyop mei ë kur thäär.