Jona 1:7 - JAM DE NHIALIC 2011

⁷ Go kɔc lui abël wïïric luel an, “Week wäthii bäk deenyku gɛk, ke wo bï raan de göc cï wo lɔ̈nyë yök. Na wën aa cïk gɛk dɛɛny, ke gaak ë nyoth Jona.

Jona 1:7 ပူးပေါင်းရင်းမြစ်များ

Ethta 3:7

Na wën, aacï Melik Athuwereth run thiëër ku rou ë bäänyic, ë pɛɛi tueŋ cɔl Nithan (yen aye Bildït në thoŋda), ke Ɣaman ë yöök kɔc bïk gɛk dɛɛny ku ayek gɛk cɔɔl an Pur, ke ke bï kööl bï kek kiɛɛrdɛn cïk mat looi thïn ŋic. Go gɛk pɛɛi ë thiëër ku rou lɔc, pɛɛi cɔl Adar (yen aye Aköldït në thoŋda).

Jop 10:2

Abä lɛ̈k Nhialic an, du ya yïk yeth gääk. lɛ̈kë yɛn kë cä looi tɔ Yïn gɔɔny ɛn.

Diɛt 22:18

Acïk lupɔɔkï tɛ̈k röt, ku deenykï gɛk tëk kek röt lupɔɔkï.

Kɛ̈ŋ 16:33

Kɔc ayek gɛk dɛɛny, ku kë bï rɔt lëu acath ke Bɛ̈nydït.

Kuɛ̈n 32:23

Na cäkkï këduön cak lueel e looi, ke wek bï ya kɔc cï kërac luöi Bɛ̈nydït, duökï awɛ̈ɛ̈c loi në biäk de ë kënë, ke we cïï bï kuööm në awänydun.

Math 27:35

Gokï piäät ë tim cï rïïu nɔm kɔ̈u, ku tekkï lupɔɔke, në deeny deeny kek gɛk, luɔi bï jam aa yic jam ɣɔn cï lueel ë tiët an, acïk lupɔɔkï tɛ̈k röt kapäc, ku deenykï gɛk ë këde alulutdï.

Luɔi 13:19

Na wën, aacï juöör riɔ̈ɔ̈k kadhorou paan ë Kanaan, ke ke tek pinyden në deeny cï kek gɛk dɛɛny.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

Jocua 7:10

Go Bɛ̈nydït lɛ̈k Jocua an, “Jɔt rɔt! Eeŋö tɔ yï tɔ̈u piny aya?