Jocua 9:17 - JAM DE NHIALIC 2011

¹⁷ Ago kɔc ke Yithriɛl jäl lekkï ë pɛ̈ɛ̈nydït nu kek thïn. Na wën aa cïk nïn kadiäk thöl ke ke cath, ke ke jɔ ɣet në pɛ̈ɛ̈nydïtkɛn rëër kek thïn: Gibiɔn, kekë Kepira, ku Beeroth ku Kiriath Jiriim.

Jocua 9:17 ပူးပေါင်းရင်းမြစ်များ

2 Tham 4:2

Ku Yiciboceth ade nɔm kɔc kaarou ayek bäny ke rem ë pëëc. Raan tök acɔl Baana, ku raan däŋë acɔl Rekap, ayek wɛ̈ɛ̈t ke Rimon, raan wun ë Beeroth, në dhiën de Benjamin yic (Wun cɔl Beeroth ee këde dhiën ë Benjamin.

1 Lëk 2:50

Kakë ayek käu de Kalep. Wën kɛ̈i de Kalep acɔl Ɣur në tiiŋdɛn Eparath. Cobal wën de Ɣur ee yen ë gɔl wun cɔl Kiriath Jiriim,

1 Lëk 2:52

Cobal raan wään gɔl Kiriath Jiriim, ee yen ee kuɛɛrë de kɔc ke Ɣaroi, ku biäk de kɔc ceŋ Menuɣoth.

1 Lëk 2:53

Ku dhiën kɔ̈k ë rɛ̈ɛ̈r në Kiriath Jiriim, ee kɔc ke Yithir, ku kɔc ke Puth, ku kɔc ke Cumath, ku kɔc ke Micera (ku kɔc ke pɛ̈ɛ̈nydït ke Dhorath, ku Ecetawol ayek kɔc ke dhiënkë.)

1 Lëk 21:29

Në ye aköölkë yiic, paany de män de Bɛ̈nydït, wään bï ë Mothe looi ë jɔ̈ɔ̈r yic, ku yïïŋ de miɔ̈c ye nyop ëbɛ̈n, aake ŋoot ke ke nu të de läm ë Gibiɔn.

Jeremia 26:20

(Aa de monydäŋ, Yuria wën de Cemaya raan wun ë Kiriath Jiriim, raan cï jam në rin ke Bɛ̈nydït, në biäk ee pänydïïtë ku jur cït man cï ë Jeremia ye looi.

Jocua 10:2

Ku kënë acï kɔc ke Jeruthalem riääc aläl, në luɔi ë ye Gibiɔn gök de pänydït cït man ë pɛ̈ɛ̈nydït de nïïm meliik, aa dït në Ai, ku kɔcke aake ye kɔc ril ke tɔŋ.

Jocua 15:60

Ku pɛ̈ɛ̈nydïtkɛn kɔ̈k ee Kiriath Baal (yen aye Kiriath Jiriim ayadäŋ) ku Raba, ayek pɛ̈ɛ̈nydït kaarou në bɛ̈i thiääk në keek

Jocua 15:9

Ku bɛɛric ëtɛ̈ɛ̈n, le në nyin ë pïïu ke Neptowa, Ku bɛɛric pɛ̈ɛ̈nydït thiääk në kuur Eperon. Ku le rɔt puɔ̈k Baala ëtɛ̈ɛ̈n (Baala yen aye Kiriath Jiriim),

Jocua 18:14

Ku ëtɛ̈ɛ̈n, ku ë yenɔm bɛ̈n cök tëdäŋ. Ë rɔt bɛ̈n apuɔ̈k të lɔ wöuwic në kuur thok piny baŋ të lɔ aköl athɛ̈i, kuur tuööm nɔm kekë Bethɣaron, ku le kɔ̈ɔ̈c në Kiriath Baal (yen acɔl Kiriath Jiriim ayadäŋ) ee wun ë dhiën ë Juda. Yen akenden ka në biäk të lɔ aköl athɛ̈i.

Jocua 18:15

Ku akenden të lɔ wöuwic, ee rɔt gɔl në Kiriath Jiriim këc, ku bɛɛric ëtɛ̈ɛ̈n le Eperon ku le në nyin ë pïïu ke Neptowa.

Jocua 9:16

Na ɣɔn aa cï mät nïn aa diäk, ke piŋ ë kɔc ke Yithriɛl nɔn rëër ë kɔc ke Gibiɔn në kelɔ̈m ë gök.

Jocua 9:18

Ku akën ë kɔc ke Yithriɛl ke bɛ̈n nɔ̈k, në luɔi ë cïï bäny ke akutnɔm kuëëŋ në rin ke Bɛ̈nydït Nhialic de Yithriɛl. Ago akutnɔm ëbɛ̈n dok në bäny gup në këde ee kënë.

Jocua 9:3

Na wën aa piŋ kɔc ke Gibiɔn yen kë cïï Jocua luöi kɔc ke Jeriko ku kɔc ke Ai,

Jocua 9:9

Agokï pɔ̈k nɔm Jocua an, “Wok aa bɔ̈ piny mec arëët bɛ̈ny, në luɔi cïï wok Bɛ̈nydït Nhialicdun piŋ. Këriëëc cï looi Rip ëbɛ̈n acuk piŋ,

Bäny 18:12

Gokï piɔ̈ɔ̈t ë biäk të lɔ aköl athɛ̈i de Kiriath Jiriim ë Juda. Wun ye cɔɔl an, Maɣan Dan aɣet cï ee köölë.

1 Tham 6:21

Agokï kɔc tuɔɔc Kiriath Jiriim lek lɛ̈k keek an, “Kɔc ke Pilithiin acïk Athänduŋ de Män ë Bɛ̈nydït puk nɔm. Ka week bäk diëckï.”

1 Tham 7:1

Go kɔc ke Kiriath Jiriim Athänduŋ de Män ë Bɛ̈nydït nööm ku leerkï paan ë raan cɔl Abinadap, Abinadap aa rɛ̈ɛ̈r ë kuur lɔ̈ɔ̈m. Agokï Eleyadhar wënde lɔc bï ye muk.