Jocua 9:13 - JAM DE NHIALIC 2011

¹³ Ku atheep ke mɔ̈u aya, piɛth ɣɔn gëm wok keyiic, ku ënɔɔnë tiëŋkï luɔi cïï kek riääk. Ku lupɔɔkuɔ, ayï wɛɛrkuɔ acïk riääk në cäthdïït ë jël wok të mec.”

Jocua 9:13 ပူးပေါင်းရင်းမြစ်များ

Math 9:17

Ayï mɔ̈n cï piac dhiim acie tääu ë athep thɛɛr yiic, na loi yen aya, ke atheep abïk yiic rɛɛt, ago mɔ̈u lɔ wei, ku riääk atheep, mɔ̈u cï piac dhiim aye tääu ë atheep cï piac looi yiic, agokï tɔ̈u apiɛth kedhie.”

Mak 2:22

Ku acïn raan ë mɔ̈n cï piac dhiim tääu ë atheep thɛɛr yiic: na loi en aya, ke mɔ̈n cï piac dhiim abï atheep reet yiic, go mɔ̈u lɔ wei, ku riääk atheep: mɔ̈n cï piac dhiim aye tääu ë atheep cï piac coŋ yiic.”

Luk 5:37

Ku acïn raan bï mɔ̈n cï piac dhiim tääu ë atheep thɛɛr yiic, na loi en aya, ke mɔ̈n cï piac dhiim ke jɔ atheep tɔ rɛɛt yiic, ku jɔ lɔ wei, ku jɔ atheep riääk.

Nyöŋ 29:5

Bɛ̈nydït acï week wat në jɔ̈ɔ̈ric në run kathiërŋuan yiic (40), ku lupɔɔkun ayï warkun akënkï bɛ̈n riääk.

Jocua 9:12

Tiëŋkï kuïïnkuɔn cï pam, aake mor ɣɔn jël wok wunda, ke wo bɔ̈ të nu wek. Ku ënɔɔnë tiëŋkï luɔi cï kek riɛl, ku acïk buk.

Jocua 9:14

Ago kɔc ke Yithriɛl nöm në kacaamkeniic ku cïkkï Bɛ̈nydït be luɔp në biäkden.

Jocua 9:4

ke matkï nɔn bïï kek Jocua math. Agokï lɔ tëde Jocua cït kɔc ë toc tëmec ka mulken ë aɣɛ̈ɛ̈ckï në cual cï nuat kɔ̈ɔ̈th, ku mukkï mɔ̈u në atheep cï dhiapiic, atheep cï piël ku cï ke niɔp kɔ̈ɔ̈th.

Jocua 9:5

Ku tɛ̈ɛ̈ukï lupɔɔ cï rɛt ë kekɔ̈ɔ̈th, ayï war cï niɔp. Ku nömkï kuïïn cï pam ril ku cïk buk.