Jocua 8:29 - JAM DE NHIALIC 2011

²⁹ Ku Jocua ë melik de Ai bɛ̈n mac nhial ë tim nɔm, ku tɔ col nhial ëtɛ̈ɛ̈n agut cï thëën. Na ɣɔn thëën në lɔ piny de akɔ̈l, ke Jocua yöök kɔc bïïkï bei. Ago bɛ̈ɛ̈i bei, ku cuɛtë piny në kal ë wut thok. Na wën, ke kum kɔ̈u në kurdït. Kek ee kurkë aŋootkï ëtɛ̈ɛ̈n agut cï ye köölë.

Jocua 8:29 ပူးပေါင်းရင်းမြစ်များ

2 Tham 18:17

Gokï guöp de Abthalom nööm ku cuɛtkï ë pul thuth tharic nu roor, ku kutkï nɔm në kur. Na wën ke Yithriɛl kedhie ë ke kɔt lekï ë bɛ̈iken yiic.

Ethta 7:10

Gokï Ɣaman nöök ee timë kɔ̈u, timdɛn wään cï looi an bïï yen Modekayo tɔ nök. Go Melik piɔ̈u jɔ lɔ piny në agɔ̈th.

Diɛt 107:40

acï kɔc yɔŋ keek bɛ̈n nyuöth agɔ̈th ku tɔ keek tɔ tai në jɔ̈ɔ̈ric, jɔ̈ɔ̈r cïn yiic kuɛɛr.

Diɛt 110:5

Bɛ̈nydït atɔ̈u ë baŋ cuënydu, të cï yen gɔ̈th, abï meliik tiaam.

Jɔn 19:31

Ku ëköölë aaye kööl ë Guiɛɛk: ago Judai piɔ̈ɔ̈th ciën luɔi bï kɔc gup tɔ̈u ë tim kɔ̈u ëkööl ë Thabath (kööl ë Thabathë aaye kööl dït), agokï Pilato lɔ̈ŋ an, bï kɔc dhuööŋ cök, ku jötë ke bei.

Luɔi 12:23

Na wën, ee tëthiinë, ke yup tunynhial de Bɛ̈nydït, luɔi kën en Nhialic leec, go käm cam, go thou.

Jocua 10:30

Ago Bɛ̈nydït kɔc ke Yithriɛl tɔ tiam ee wunë kekë kɔcke ayadäŋ. Ku acïn raan cïk bɛ̈n pɔ̈l apïïr, acïk keek bɛ̈n nɔ̈k kedhie. Acïk melik luöi kë wään cïk kɔn luöi melik de Jeriko.

Jocua 10:33

Ku ëtɛ̈ɛ̈n, Ɣoram melik de Gedher, acï bɛ̈n an bïï Lacic bɛ̈n luök. Ago Jocua ye tiaam kekë rem de tɔŋde, ku näkkï keek kedhie abïï ciɛ̈n raan töŋ dɔ̈ŋ.

Jocua 12:9

Ku kɔc ke Yithriɛl tiam meliik ke ee wuötkë: meliŋ de Jeriko, ku meliŋ de Ai (në Bethel lɔ̈ɔ̈m),

Jocua 7:26

Ku jɔkï Akan thɔ̈c nɔm kut ë kurdït. Kek ee kurkë aŋootkï ke ke tɔ̈u agut cï ye köölë. Yen aŋoot ee wak ke ye cɔɔl an wak de Akor. Ku ëtɛ̈ɛ̈n, Bɛ̈nydït ë agönhde jɔ bɛ̈n pɔ̈l.

Jocua 8:23

Ee melik de Ai yetök yen acï bɛ̈n dɔm apïïr ku yïnë Jocua.