Jocua 8:1 - JAM DE NHIALIC 2011

¹ Na wën, ke jɔ Bɛ̈nydït lɛ̈k Jocua an, “Jɔt rem de tɔŋdu ëbɛ̈n, ku lɔ Ai. Du riɔ̈c ku du rɔt pɛ̈l wei. Yïn bä tɔ tiam melik de Ai kekë kɔcke, ku ta yï nöm wunde kekë pinyde.

Jocua 8:1 ပူးပေါင်းရင်းမြစ်များ

Diɛt 27:1

Bɛ̈nydït ee ɣɛɛrdï ku ee konydï, acïn raan duɛ̈ɛ̈r ɛn bɛ riɔ̈ɔ̈c. Bɛ̈nydït yen aye yɛn gël ë kërac ëbɛ̈n, yɛn cïï bï kɔn riɔ̈ɔ̈c.

Diɛt 44:3

Kɔcku aake cïï piny rum në abätäu, acie cinken kek ë tɔ ke tiëm. Ee ciin cuënydu, kekë köŋdu. Ku many de Yïn nyin, në luɔi nhiɛɛr Yïn keek.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Yith 12:2

Nhialic ee konydï, abä ŋɔ̈ɔ̈th ku cä riɔ̈c. Bɛ̈nydït Nhialic ee ya gäm gök de riɛl, Yen ee konydï

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Jeremia 46:27

“Kɔckï duökï riɔ̈c, kɔc ke Yithriɛl duökï piɔ̈ɔ̈th pɛ̈u wei. Wek bä kony në ee piny mecë, piny ya wek kɔc cï peec thïn. Wek bï bɛ̈n ciëën baai ku rëërkï në mät, wek bï rëër ë läŋ ku acïn raan bï week bɛ tɔ riɔ̈c.

Jeremia 49:3

Cɔ̈tkï arëët! Kɔc ke Ɣecbon! Ai acï riɔ̈ɔ̈k! Lak dhiaukï diëër ke Rabba! Tääukï lupɔɔ ke cual ku dhuöörki. Yak riŋ ke wïïl piny në anuɔɔn. Yanhduön Molek abïï peec kekë gucke ku wɛ̈ɛ̈t meliikke.

Danyel 2:21

Ee akööl muk ayï nïn Ee meliik bɛ̈ɛ̈i ku nyiɛɛi keek Ee yen ee pɛlënɔm gäm kɔc pelnïïm ku gëm ŋïnydekäŋ kɔc ee käŋ yökiic.

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Danyel 4:35

Ee kɔc ke pinynɔm tïŋ ke ke cie këdäŋ, Tuuc nhial nu nhial ku kɔc nu pinynɔm anukï në yeciin. Ku acïn raan duëër këde piɔ̈nde jɔ̈ɔ̈ny ku cïn raan ee kë looi dhɔ̈ŋic

Math 8:26

Go keek yɔ̈ɔ̈k an, “Eeŋö riääc wek, wek kɔc dɛk ë gam?” Na wën, ke jɔt rɔt, go yom dït jɔ̈ɔ̈ny ku jiëëny wɛɛr, gokï lɔ dui arëët.

Nyöŋ 1:21

Tiëŋkï yeka. Lakï ku ɣapkï cït man wään cien we yɔ̈ɔ̈k, an, duökï lɔ wïlwïl ku duökï riɔ̈c.’

Nyöŋ 31:8

Ku Bɛ̈nydït guöp abï lɔ në wenïïm tueŋ ku abï tɔ̈u ke week, ku acïï week bï kɔn pɔ̈l ku cïï we nyiëëŋ wei. Du riɔ̈c ku du piɔ̈u jieth.

Nyöŋ 7:18

Duökï riɔ̈c në keek, takï wenïïm në kë cïï Bɛ̈nydït Nhialicdun luöi Melik de Rip kekë kɔcke kedhie.

Nyöŋ 7:21

Ka duökï riɔ̈c ee kɔckë Bɛ̈nydït Nhialicdun atɔ̈u ke week, Ee Nhialiny dït Raan duëërë riɔ̈ɔ̈c.

Jocua 1:9

Yïn cä yɔ̈ɔ̈k an rit yïpiɔ̈u, ku tɔ rɔt ril. Du rɔt tɔ riëëcë, ku du rɔt pɛ̈l wei, Bɛ̈nydït Nhialic abï tɔ̈u ke yïn alɔ të le yïn thïn.

Jocua 10:7

Ago Jocua jäl Gilgal kekë rem de tɔŋde ëbɛ̈n, agut cï kɔckɛn ril ke tɔŋ.

Jocua 10:8

Go Bɛ̈nydït lɛ̈k Jocua an, “Du riɔ̈c në keek. Acä ke tääu në yïcin. Acïn raan töŋ bï kɔ̈ɔ̈c lëu në yïnɔm.”

Jocua 2:24

Agokï Jocua lɔ guiëër këriëëc cïk yök ëbɛ̈n, luelkï an, “Acuk yök ë gök luɔi cïï Bɛ̈nydït wo gäm piny ëbɛ̈n. Kɔc nu ëtɛ̈ɛ̈n kedhie, ariɔ̈ckï aläl në wook.”

Jocua 6:2

Na wën, ke lëk ë Bɛ̈nydït Jocua an, “Tïŋ Jeriko acä tääu ë yïciin, kekë melikde ku remdɛn ë tɔŋ.

Jocua 7:9

Abï kɔc ke Kanaan en jɔ piŋ, ku piŋ ë raan ëbɛ̈n, raan rɛ̈ɛ̈r ee pinyë, abïk wo gɛɛu piny ku näkkï wook wodhie! Ka bä dhuëëŋdu jɔ döt adï?”