Jocua 7:26 - JAM DE NHIALIC 2011

²⁶ Ku jɔkï Akan thɔ̈c nɔm kut ë kurdït. Kek ee kurkë aŋootkï ke ke tɔ̈u agut cï ye köölë. Yen aŋoot ee wak ke ye cɔɔl an wak de Akor. Ku ëtɛ̈ɛ̈n, Bɛ̈nydït ë agönhde jɔ bɛ̈n pɔ̈l.

Jocua 7:26 ပူးပေါင်းရင်းမြစ်များ

2 Tham 18:17

Gokï guöp de Abthalom nööm ku cuɛtkï ë pul thuth tharic nu roor, ku kutkï nɔm në kur. Na wën ke Yithriɛl kedhie ë ke kɔt lekï ë bɛ̈iken yiic.

2 Tham 21:14

Go kɔc yom ke Thaulo kekë Jɔnathan tɔ̈ɔ̈u në Dhela piny de dhiën ë Benjamin në raŋ de Kicic wun Thaulo, gokï jam cïï melik lɛ̈k keek jɔ looi ëbɛ̈n. Na wën ke Nhialic ë jɔ lɔ̈ŋ gam në biäk de paanden.

2 Lëk 29:10

“Acä lueel ee köölë nɔn bän löŋ mac wokë Bɛ̈nydït, Nhialic de Yithriɛl, ke cïï bï bɛ gɔ̈th ke wook.

Edhr 10:14

Takï bänykuɔn rɛ̈ɛ̈r ë Jeruthalem cɔl amatnɔm ëbɛ̈n, ku dɔmkï ee luɔiyë, ku takï raan ëbɛ̈n raan cï thiëëk ë nyan ë jur bɔ̈ në kööl cï lueel kekë röördït ke wunden ku bɛ̈ny ee löŋ guiir, bïk aa bɛ̈n në wuöt, ku ee kënë abïï agönhdïït ë Nhialic nyaai në woyiëth.”

Diɛt 85:4

Nhialic Bɛ̈nyda pɔ̈kë wonïïm ciëën, ku päl luɔi yïn piɔ̈u diu we wook.

Bɛ̈n 32:12

Eeŋö bï Yïn e tɔ lueel ë kɔc ke Rip an ë yï bïï kɔcku bei Rip bä ke bɛ̈n nɔ̈k ë kuriic, ku riäär kenyïïn taitai? Du loi në diu ë piɔ̈u, ku du kërɛɛcë lui kɔcku.

Yith 40:2

Rit kɔc ke Jeruthalem piɔ̈ɔ̈th. lɛ̈kë keek nɔn cïï kek gum arëët të cï bɛ̈ɛ̈r, ku keek ënɔɔnë acï ke päl awɛ̈ɛ̈cken, acä ke luöi këtuc acïn kë cä päl keek në awɛ̈ɛ̈cken yiic kedhie.”

Yith 65:10

Abïk ɛn aa lam ku watkï thökken, ku ɣɔ̈kken bïk lɔ nyuäth në riaaŋ de Caron yic në biäk të lɔ aköl athɛ̈i, ku në wak de Agööth yic në biäk të lɔ aköl amiäk.

Dhiëëu 3:53

Acïk ɛn cuat ë pulic ke ya pïïr, ku kumkï pul nɔm në kuur.

Ɣodh 2:15

Ku Yɛn bï wak de Akor puk aye kueer de aŋäth. Yithriɛl abä puɔ̈k nɔm duumkɛn ke tiim. Ka Yithriɛl abï piɔ̈u bɛ miɛt ke Yɛn cït man ɣɔn yen meth, në akööl ɣɔn bɛ̈ɛ̈i Yɛn en bei paan ë Rip.

Ɣodh 2:17

Ku rin ke Baal abä keek nyaai në kethook, ka acïkï bï bɛ aa lɔ̈ŋ në rinke.

Jowɛl 2:13

Takï piɔ̈ɔ̈thkuön cï dhuɔɔŋ nyooth dhiën ë piɔ̈u, Rɛ̈t ya wek lupɔɔ rɛt yiic acïï käŋ bï thöl. Puɔ̈kkï röt Bɛ̈nydït Nhialicdun. Në luɔi Yen adhuɛ̈ŋ ee piɔ̈u kok. Acie dap gɔ̈th, ku ee nhiëër agɔk nyuɔɔth, ee kɔc dap päl karɛc ku cïï kɔc lui këtuc.

Jowɛl 2:18

Ku ëtɛ̈ɛ̈n, Bɛ̈nydït abï piɔ̈u bɛ gɔ̈ɔ̈i në biäk de pinyde. Ku be piɔ̈u kok kekë kɔcke.

Jona 1:15

Ku jɔkï Jona jat nhial ku cuɛtkï wïïr, go pïïu jɔ guɔ lɔ lik raantök wïïr.

Dhek 6:8

Na wën, ke tunynhial ë cɔl ɛn, lueel an, “Jöŋgöör wën cï lɔ piny lɔ të lɔ rut acïk agönh de Bɛ̈nydït tɔ lɔ köi piny.

Kuɛ̈n 25:8

Ku biɔɔth raan cï duet bɛ̈ɛ̈i ɣönde, ku thɛɛr keek kaarou abï tɔŋ paal në keyiic kaarou. Ku ëtɛ̈ɛ̈n, jɔŋ ë näk kɔc ke Yithriɛl ë bɛ̈n kɔ̈ɔ̈c.

Nyöŋ 13:17

Duökï kë cï kuöm riääk ee mɔ̈k röt, ke Bɛ̈nydït bï rɔt puk në agönhdɛn tuc yic, ku nyuth week kok de piɔ̈u. Abï piɔ̈u kok ke week ku tɔ week ee kɔc juëc, cït man cïï Yen ë thön kuarkun,

Nyöŋ 13:18

të cä wek lööŋkɛn cä gäm week ee köölë kedhie riëëu, ku luɔikï kë kɔɔr.

Jocua 10:27

Na wën, në lɔ piny de akɔ̈l, ke Jocua ë yöök kɔc nɔn bïï ë gupken bei, ku deenyë keek në kökic, köŋ wën cï kek thiaan thïn. Ku tɛ̈ɛ̈uwë gökdïït ke kur në kök thok, kek ee kurkë aŋootkï ayï wälë.

Jocua 7:24

Ago Jocua Akkan dɔm, ku dɔm ë kɔc ke Yithriɛl en kedhie, ku nömkï ateek, ku lupɔ, ku adhääp, ayï wɛ̈ɛ̈t ke Akkan, ayï duetke, ayï ɣɔ̈kke, ayï thökke, ayï paanyde ku këriëëcde ëbɛ̈n, ku leerkï ke në wak de Akor.

Jocua 8:29

Ku Jocua ë melik de Ai bɛ̈n mac nhial ë tim nɔm, ku tɔ col nhial ëtɛ̈ɛ̈n agut cï thëën. Na ɣɔn thëën në lɔ piny de akɔ̈l, ke Jocua yöök kɔc bïïkï bei. Ago bɛ̈ɛ̈i bei, ku cuɛtë piny në kal ë wut thok. Na wën, ke kum kɔ̈u në kurdït. Kek ee kurkë aŋootkï ëtɛ̈ɛ̈n agut cï ye köölë.