Jocua 7:15 - JAM DE NHIALIC 2011

¹⁵ Ku raan la kuɛ̈ny bei, ku le yök ke muk ka cän ke jaai, abï ɣaak kekë baaide ku këriëëcde ëbɛ̈n. Në luɔi cï en Yithriɛl yɔ̈ɔ̈r, ku dhoŋ mändï kɔ̈u.”

Jocua 7:15 ပူးပေါင်းရင်းမြစ်များ

Cäk 34:7

Ago piny lɔ rɔ̈m ke wɛ̈ɛ̈t ke Jakop, ke ke bɔ̈ roor të wën cï kek thok piŋ. Aake cï piɔ̈ɔ̈th kuöc diu arëët në ayärdïït cïï Cekem luöi kɔc ke Yithriɛl. Në biäk cï yen nyan ë Jakop wiëët. Ku keek acïkï karɛc cït ee kakë ee kɔɔr nɔn bï ke looi.

2 Tham 13:13

Yɛn cïï ayär cït ee kënë bï lëu! Ku yïn bï ciët dhän cïn gup ayäär në Yithriɛl! Yïn läŋ jamë wekë melik, ku abï yïn tɔ thiak ɛn.”

Jocua 7:11

Kɔc ke Yithriɛl acïk wööc! Acïk män cä mat wokë keek dhoŋ kɔ̈u, män wään cä lɛ̈k keek an dötkï. Acïk ka kɔ̈k nööm në ka wään cä kuöm riääk. Acïk keek kual, ku matkï keek në kaken.

Jocua 7:16

Na ɣɔn amiäk aduduur, ke Jocua ë bïï Yithriɛl bei, ke ke cath në wuöt, wunë në wut cök, go wun ë Juda kuɛ̈ny bei.

Bäny 20:10

Wo bï töŋ de thiëër aa nööm në dhiëën ke Yithriɛl yiic kedhie, ku bɔt në agumic, ku agum në aguum kathiëër yiic, bïk rem de tɔŋ aa miɔɔc në kacaam, ku kɔc kɔ̈k abïk röt guöör në kɔc ke Gibia, në baŋ de awäny cïk looi në Yithriɛlic.”

Bäny 20:5

Na ɣɔn akɔ̈u ke röör ke Gibia ke ke bɔ̈ ku tookkï ɣöt, akɔɔrkï bïk a nɔ̈k. Agokï tiiŋ mɔ̈thdï wiëët abïï thou.

Bäny 20:6

Aguɔ tiiŋ mɔ̈thdï nööm ku tɛm ë thïïm juëc, ku tuöcke dhiëën ke Yithriɛl kathiëër ku rou, në luɔi cïï kɔckë ayär dït rac looi paan ë Yithriɛl.

1 Tham 26:21

Go Thaulo bɛ̈ɛ̈r, an, “Yɛn cï awäc looi, bäär ciëën, Debid mɛnhdï! Yïn cä bï bɛ luöi kërac, në biäk cïï yïn wëikï bɛ luök ee wɛ̈ɛ̈rë yic. Yɛn cï ya dhɔ̈n! Yɛn cï kërac arëët looi!”