Jocua 6:21 - JAM DE NHIALIC 2011

²¹ Agokï këriëëc jɔ nɔ̈k ëbɛ̈n wutic në abätɛ̈ɛ̈u, röör ku diäär, mïth ku kɔcdït, ɣɔ̈k ku thök, ku mul.

Jocua 6:21 ပူးပေါင်းရင်းမြစ်များ

1 Mel 20:42

Go tiët lɛ̈k melik an, “Acïï Bɛ̈nydït lueel an, ‘Në biäk cï yïn raan tɔ bän ë yïcin, raan ë kaar bïï nɔ̈k, ku ënɔɔnë yïn bï raanë cool nɔm në wëiku, ku remduön ëtɔŋ abï riɔ̈ɔ̈k në biäk cïï kek rem de tɔŋde tɔ kual röt.’”

Jeremia 48:18

Wek kɔc wään cëŋ në Dibon, bäär piny tëduön de dhuëëŋ ku nyuc piny në abuui yic. Raan riäk Mowap yekï eenë ku acï wuötkɛn cï gël riɔ̈ɔ̈k.

Nyöŋ 13:16

Bɛ̈ɛ̈ikï kake kɔc ceŋ ee wunë tëtök kedhie, ku kuötkï kenïïm wutic cil. Ku nyuɔpkï keek wutic kekë këriëëc nu thïn ëbɛ̈n, ke ee miɔ̈c de Bɛ̈nydït Nhialicdun. Abï pɔ̈l ke cï riääk aɣet athɛɛr, ku acïï bïï bɛ nyɔk ë yïk taitai.

Nyöŋ 2:34

Ku në ëköölë wok cï pɛ̈ɛ̈nydïtkë bɛ̈n nööm kedhie ku riäärku keek nyïïn taitai, röör ku diäär, ku mïth thiiakäŋ. Acïn raan töŋ cuk pɔ̈l ke pïïr.

Nyöŋ 7:16

Riäkku jur nyin ëbɛ̈n, jur cïï Bɛ̈nydït Nhialicdun tääu ë wecin, ku duökï keek nyuth kokëpiɔ̈u. Duökï yiëthken lam, kënë abï rac aläldïïtë tëde week.

Jocua 10:28

Jocua ë Makeda bɛ̈n muɔɔk piny ee köölë, ku rum ayï melikde. Ku nɛ̈k kɔc ke wut kedhie abïï ciɛ̈n raan töŋ döŋ ke pïïr. Ku lui melik de Makeda ke wään kɔn luöi melik de Jeriko.

Jocua 10:39

Ku peckï wut, ayï melikde, ayï wuöt thiääk në yen kedhie. Acïk wut bɛ̈n riɔ̈ɔ̈k taitai, ku näkkï kɔc nu thïn kedhie abïï ciɛ̈n tök. Jocua ë Debir kekë melikde bɛ̈n luöi kë wään kɔn luöi Ɣebron kekë libna në meliiken.

Jocua 11:11

Agokï kɔc nɔ̈k kedhie abïï ciɛ̈n raan töŋ pïïr, ku ɣɔɔkkï wut.

Jocua 11:14

Ku kɔc ke Yithriɛl aake cï këriëëc piɛth peec ëbɛ̈n, ayï këriëëc pïïr në ee pɛ̈ɛ̈nydïtkë yiic, ku nömkï kaken. Ku acïk kɔc bɛ̈n nɔ̈k kedhie, abïï ciɛ̈n raan töŋ dɔ̈ŋ ke pïïr.

Jocua 8:2

Ku Ai kekë melikde abäk keek luöi kë ɣɔn cäk kɔn luöi Jeriko kekë melikde. Ka kë jɔ nu yetök, ee luɔi bä wek këriëëc cäk peec ë Ai nööm ëbɛ̈n ke ye kakun ayï ɣɔ̈k. Guiɛɛrkï röt, ku lak thiaankï në pänydït kɔ̈u ciëën.”

Jocua 8:22

Ku kɔc ke Yithriɛl wën cï wut rum, acïk bɛ̈n mɛt tɔŋ ayadäŋ. Ago kɔc ke Ai röt yök acï gɛɛu cil në kɔc ke Yithriɛl. Acïï kɔc ke Yithriɛl keek bɛ̈n nɔ̈k kedhie. Acïn raan töŋ cï bɛ̈n ban, ku cïn raan töŋ cï bɛ̈n döŋ apïïr.

Jocua 9:3

Na wën aa piŋ kɔc ke Gibiɔn yen kë cïï Jocua luöi kɔc ke Jeriko ku kɔc ke Ai,

Nyuuth 18:21

Na wën, ke tunynhial ril aläl kuany kuur cït kuurdïït ee guär, deeny ë wɛ̈ɛ̈rdïtic, lueel, an, “Dhuur bï gök de pänydït Babilon dhuöör piny ë rup kï, ku cïï bï bɛ tïc ëliŋliŋ.

1 Tham 15:3

Lɔ ku makë kɔc ke Amalek, ku riäk këriëëcdɛn cath ke keek liŋliŋ. Cïn kë nyääŋë piny, näk röör ku diäär, ayï mïthdït ayï mïthkor, ayï ɣɔ̈k, ayï thök ayï thɔ̈rɔ̈ɔ̈l ku mul.”

1 Tham 15:8

go Agak melik de kɔc ke Amalek peec ke pïïr ku nɛ̈k kɔc kedhie.