Jocua 6:18 - JAM DE NHIALIC 2011

¹⁸ Duökï de kë bäk nööm, në ka bï ke riɔ̈ɔ̈kiic, të la wek nööm thïn wek bï riääk bɛ̈ɛ̈i wun ë Yithriɛl.

Jocua 6:18 ပူးပေါင်းရင်းမြစ်များ

2 Tham 21:1

Ɣɔn ye Debid melik, cɔŋdït acï bɛ̈n tuöl, abïï run kadiäk lɛɛr. Go Debid Bɛ̈nydït lɔ̈ŋ. Go ë Bɛ̈nydït lɔ̈ŋde piŋ, ku puk nɔm en an, “Thaulo kekë dhiënde adekï gup aciɛɛn, në biäk cï kek kɔc ke Gibiɔn nɔ̈k.”

Wɛ̈ɛ̈t 9:18

Pɛlënɔm aril awär wëu ye ke tɔŋ thɔ̈ɔ̈r, ku raan töŋ ee karɛc looi aduëër kapiɛth juëc riɔ̈ɔ̈k.

Jona 1:12

Go puɔ̈k nɔm keek an, “Cuatkï ya wïïr ke amaŋ ë bï kɔ̈ɔ̈c. Ee këdï yen aa tɔ week yök ee amaŋ rɛɛcë.

Romai 12:9

Takkï nhiëër nu, nhiëër cïnic ruëëny. Yak kërac maan ëtaiwei, ku yak këpiɛth dɔm ë döm ril.

2 Kor 6:17

Go ë Bɛ̈nydït lueel an, “Yen bä wek bei në keyiic, abäk röt tɔ ye kɔc mɛɛn pei. Ku duökï kënhiany ee jak, ku we bä dɔm.

Epethiei 5:11

Ku duökï röt ee mat në luɔi de cuɔlëpiny, luɔi cïnic kë ye yök thïn, aŋuɛ̈ɛ̈n ë luɔi bä wek kɔc loi en aa jɔ̈ɔ̈ny.

Nyöŋ 13:17

Duökï kë cï kuöm riääk ee mɔ̈k röt, ke Bɛ̈nydït bï rɔt puk në agönhdɛn tuc yic, ku nyuth week kok de piɔ̈u. Abï piɔ̈u kok ke week ku tɔ week ee kɔc juëc, cït man cïï Yen ë thön kuarkun,

Nyöŋ 23:10

Na cï moc guöp rac, në biäk cï yen nyuöth wakɔ̈u, abï lɔ ë paany këc biic ku rëër ëtɛ̈ɛ̈n.

Nyöŋ 7:26

Duökï yanh tök në ee yiëthkë yiic leer ë ɣöötkun yiic, na lak looi wäkya, ke aciɛɛn cït aciɛɛn tɔ̈u ë ke kɔ̈ɔ̈th abï tääu ë we kɔ̈ɔ̈th. Wek bï ee yiëthkë dhil maan ku biankï keek gup, në biäk tɔ̈u aciɛɛn ë Bɛ̈nydït ë ke gup.

Jakop 1:27

Riëëu de Nhialic kï, riëëu lɔ yic wai, ku cïnic tënhiany ë Nhialic Wääda nɔm an: Nɛ̈m ee raan abɛɛr ku diëër cïn nïïm röör neem në këdɛn tuc dhal keek, ku luɔi ee raan rɔt ŋiëc muk ke cïn piɔ̈u tëcol ë bïïyë ka ke piny nɔm.

Jocua 7:1

Ku kɔc ke Yithriɛl akënkï jam ë Bɛ̈nydït bɛ̈n döt, jam wään lëk keek nɔn cïn en kë nömkï ë Jeriko në ka bï riɔ̈ɔ̈kiic kedhie. Raan cɔl Akan ë jamë bɛ̈n dhɔ̈ŋic. Go Bɛ̈nydït piɔ̈u diu arëët kekë kɔc ke Yithriɛl. (Akan ee wën de Karemi de Dhabedi de Dhera wën raan dhiën ë Juda).

Jocua 7:13

Ka yïn, jɔt rɔt! Ku tɔ kɔc waak abïk ɣɛɛr, ku ë ke guiir röt bïk bɛ̈n në yanɔm. lɛ̈kë keek bïk bɛ̈n ë Yanɔm miäk, ke bä keek bɛ̈n guiëër ee kënë ke piŋkï, an, ‘Yithriɛl, ka wään lɛ̈k week an, riäkkï keek, taitai, acä wek kɔ̈k thiaan! Ka kɔckuön ke ater abïk week aa tiaam, agut të bä wek ee kakë kɔn nyaai nyïïn kedhie taitai!’

Jocua 7:15

Ku raan la kuɛ̈ny bei, ku le yök ke muk ka cän ke jaai, abï ɣaak kekë baaide ku këriëëcde ëbɛ̈n. Në luɔi cï en Yithriɛl yɔ̈ɔ̈r, ku dhoŋ mändï kɔ̈u.”

Jocua 7:25

Na wën, ke Jocua ë lop Akkan an, “Eeŋö lui yïn wook ee riääk cït ee kënë? Yïn bïï Bɛ̈nydït riɔ̈ɔ̈k ee köölë!” Go kɔc Akan biɔ̈ɔ̈k kedhie në kur abïï thou. Na wën, acïk kɔc ke baaide biɔ̈ɔ̈k ayadäŋ në kur, ke ke jɔkï ɣɔ̈k mac.

1 Jɔn 5:21

Wek mïththiaakäŋ, yak röt tiit në yiëth, (ka ye lam ku cïkï ë Nhialic). Amiin.

1 Tham 15:9

Ku Thaulo kekë kɔcke acïk Agak bɛ̈n pɔ̈l, ku akënkï thök piɛth ayï ɣɔ̈k piɛth nɔ̈k, ayï daau piɛth, ayï amɛ̈l piɛth, kekë këriëëc piɛth ëbɛ̈n, ku riäkkï këriëëc cïn naamde ëbɛ̈n.