Jocua 6:17 - JAM DE NHIALIC 2011

¹⁷ Pänydït kekë këriëëc nu thïn ëbɛ̈n ë ke riäk keek taitai, ke ye miɔ̈c de Bɛ̈nydït. Ee Raɣap akɔɔrröör yetök, yen acïï bïï nɔ̈k kekë baaide, në luɔi ɣɔn cï en nëëmkuɔ thiaan.

Jocua 6:17 ပူးပေါင်းရင်းမြစ်များ

Cäk 12:3

Kɔc ee yï thieei, abä keek aa thieei. Ku kɔc ee yï cieen, abä keek aa cieen. Ku juöör ke piny nɔm, abä keek thieei në yïyic.”

Edhr 10:8

Cït man cïï bäny nu në kɔc nïïm ku röördït löŋ tääu piny an, raan cïï lɔ bɛ̈n në thök de nïn kadiäk, ke kake abï ke nööm, ku copë wei në akutnɔm de kɔc ë bɔ̈ ciëën në pɛ̈cic.

Yith 34:6

Abätäude abï kɔ̈u thiäŋ në riɛmden ku kɔlden, cït man de riɛm ku kɔl de amɛ̈l ku bɔɔth ke miɔ̈c näk. Bɛ̈nydït abï ee miɔ̈cë gam ë pänydït de Bothera yic, abï ë nääkdïïtë looi piny de Edom.

Jeremia 46:10

Kënë ee kööl de Bɛ̈nydït Awärjäŋ, abï rɔt guöör ee köölë, ee köölë abï kɔc ke aterde luöi këtuc. Abïï abätäude ke cam abïï kuɛth, ku dek riɛmden abï thiäŋ. Ee köölë Awärjäŋ anäk kɔc ke aterde të lɔ rut, ë wɛ̈ɛ̈r ë Yuparat yɔu.

Edhekiɛl 39:17

Bɛ̈nydït Awärjäŋ acï yɛn an, “Mɛnh ë raan, cɔl diɛt kedhie ku läi bïk bɛ̈n në ɣään kedhie, bïk miɔ̈c näk cä guiëër keek bɛ̈n cam. Abï aa dhuëëŋ dït agök në kur ke Yithriɛl nïïm, të bïï kek rïŋ cuet ku dekkï riɛm.

Lebai 27:21

Ku të le ë dom puk nɔm në ruöön ë cuölëkäŋ, dom abï yic ɣɛɛr, cït dom cï gäm Bɛ̈nydït, abï aa këde bäny ke kake Nhialic.

Maika 4:13

Aye Bɛ̈nydït lueel an, “Jatkï röt wek kɔc ke nyan de Dhiɔn, ku luöikï kɔc ke ater këtuc. Wek bä tɔ cït thɔn cï jök cï leŋ tuŋ. Ka wek bï juöör juëc aa dhuööŋ. Ka wek bï Yɛn aa gäm këriëëcduön bäk lɔ rum ëbɛ̈n, ke ye miɔ̈cdï, Yɛn Bɛ̈nydïït de pinynɔm ëbɛ̈n.

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

1 Kor 16:22

Na de raan cïï Bɛ̈nydït Yecu Kërtho nhiaar, ka bï guöp dɛ aciɛɛn! Bɛ̈nydïïtda ka bɔ̈yë!

1 Kor 2:7

Wok ee pɛlënɔm de Nhialic lueel, pɛl cï yäl kɔ̈u bei, ee jam cï thiaan, jam cïï Nhialic kɔn lueel ë yepiɔ̈u të ŋootë piny ke liu an, bï aa këde dhuëëŋde.

Galatai 3:10

Ku kɔc ke luɔi de löŋ kek atɔ̈ukï ë aciɛɛnic kedhie: luɔi cï e gɔ̈ɔ̈r an, “Raan ëbɛ̈n raan cie cool ë döt ka cï gɔ̈ɔ̈r ë awerek de löŋic kedhie, bï keek aa looi, ka cï cieen!”

Galatai 3:12

Ku löŋ acie këde gäm: ku aye gɔ̈ɔ̈r an, “Raan ë keek looi, yen abï pïïr ë keyiic.”

Nyöŋ 20:17

Riäärkï kɔc nyïïn kedhie taitai, kɔc ke Ɣit, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth, cït man cïï Bɛ̈nydït we yɔ̈ɔ̈k an luɔikï.

Ɣeberuu 11:31

Aa ye gäm de yic aŋäth yen aa tɔ pɛ̈ɛ̈ny ke Jeriko wiëëk të ɣɔn wil ë kɔc ke Yithriɛl ke kɔ̈ɔ̈th në nïn kadhorou.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.

Jakop 2:25

Ku yen acït Raɣap akɔɔrröör aya. Kënë tɔ piɛthpiɔ̈u në luɔi aya, ɣɔn cï en kɔc cï tooc nyuööc, ago ke tɔ jël tëkkï ë kueer däŋ?

Jocua 2:1

Na ɣɔn, ke Jocua wën ë Nun ë tooc nëëm kaarou në wun cɔl Akacia, ke kuc kɔc. Lëk keek an, “Lak caathkï piny, ayï wun dïït de Jeriko guöpde. Na wën, acï nëëm ɣet Jeriko, ke ke lɔ ɣön ë tiiŋ akɔɔrröör cɔl Raɣap.

Jocua 2:22

Na wën, ke nëëm ë ke lɔ në kuriic, lek thiaan ëtɛ̈ɛ̈n. Go kɔc ke melik keek lɔ kɔɔr në kueer kɔ̈u ëbɛ̈n, në nïniic kadiäk, ku cïkkï keek yök. Agokï röt pɔ̈k Jeriko.

Jocua 7:1

Ku kɔc ke Yithriɛl akënkï jam ë Bɛ̈nydït bɛ̈n döt, jam wään lëk keek nɔn cïn en kë nömkï ë Jeriko në ka bï riɔ̈ɔ̈kiic kedhie. Raan cɔl Akan ë jamë bɛ̈n dhɔ̈ŋic. Go Bɛ̈nydït piɔ̈u diu arëët kekë kɔc ke Yithriɛl. (Akan ee wën de Karemi de Dhabedi de Dhera wën raan dhiën ë Juda).

1 Tham 15:3

Lɔ ku makë kɔc ke Amalek, ku riäk këriëëcdɛn cath ke keek liŋliŋ. Cïn kë nyääŋë piny, näk röör ku diäär, ayï mïthdït ayï mïthkor, ayï ɣɔ̈k, ayï thök ayï thɔ̈rɔ̈ɔ̈l ku mul.”

1 Tham 15:6

Go thok tuöc kɔc ke Ken, kɔc wään cï Yithriɛl ŋiëc luöi ɣɔn bï kek bei ë Rip, lueel, an, “Jälkï ku nyääŋkï kɔc ke Amalek piny, aguɔ week cïï nɔ̈k në keek ëtök.” Ago kɔc ke Ken jäl.