Jocua 24:32 - JAM DE NHIALIC 2011

³² Ku kɔc ke Yithriɛl cï guöp de Jothep jɔt ke keek të ɣɔn jël kek Rip. Agokï lɔ tɔ̈ɔ̈u Cekem në piny wään cïï Jakop ɣɔɔc në bɔt (100) ateek tëde wɛ̈ɛ̈t ke Ɣamor (ku Ɣamor yen aaye wun Cekem). Ku pinyë acï bɛ̈n lɔ̈ɔ̈k aa piny de mïth ke Jothep.

Jocua 24:32 ပူးပေါင်းရင်းမြစ်များ

Cäk 33:19

Go piny ɣɔɔc në bɔt ë wëëth, tëde käu de Ɣamor wun Cekem.

Cäk 48:22

Ku yïn gäm Cekem, acie mïthëkɔckun kek gäm en. Piny ŋic luɔk, piny wään ruöm tëde kɔc ke Amor në abätɛ̈ɛ̈ukï ku dhɛ̈ŋkï.”

Cäk 50:24

Ago Jothep lɛ̈k mïthëkɔcken an, “Yakï cï thiɔ̈k wo thuɔɔuwë, Nhialic abï we lɔ̈ɔ̈k tiit, ku löök we bɛ̈ɛ̈i bei piny ë Rip. Ku abï we lɛɛr piny wään cï thɔ̈n Abraɣam kekë Yithaak ku Jakop.”

Cäk 50:25

Ku tɔ Jothep mïthëkɔcken loi gutguut lëk keek an, “Gamkï luɔi bä wek guöpdï jɔt wadäŋ, ke week ëtök të le Nhialic we bɛ̈ɛ̈i bei në ee pinyë yic. Ku leer week piny wään cï than.”

Bɛ̈n 13:19

Acïï Jothep than piny ɣɔn lueel an, “Miäk të le Nhialic we luök, ke we jɔt guöpdï eenë lɛɛrkï në week ëtök.” Na ɣɔn aa jëlkï, ke Mothe ë jɔt guöp ë Jothep, cït man ɣɔn cïï Jothep ë thɔ̈n kɔc ke Yithriɛl.

Jɔn 4:5

Ago bɛ̈n të nu paan töŋ de Thamaria, ee pänydïït cɔl Thukara, athiääk kekë dom cïï Jakop gäm wëndɛn Jothep.

Luɔi 7:15

Go Jakop lɔ Rip, ku thou, yen kekë kuarkuɔ.

Luɔi 7:16

Gokï lɛɛr Cekem, lek tääu ë raŋ ɣɔn cïï Abraɣam ɣɔɔc ë wëu tëde wɛ̈ɛ̈t ke Ɣamor raan ë Cekem.

Ɣeberuu 11:22

Wään cï Jothep thiɔ̈k ke thuɔɔu, ee gäm de yic aŋäth yen atɔ yen ŋic luɔi bï Nhialic kɔc ke Yithriɛl wɛ̈t bei paan ë Rip. Ago thɔ̈n ke an bïk yomke luath në keek ëtök