Jocua 24:25 - JAM DE NHIALIC 2011

²⁵ Go Jocua mät looi kekë kɔc ke Yithriɛl në Cekem ee köölë. Ku gëm keek lööŋ bï kek cath.

Jocua 24:25 ပူးပေါင်းရင်းမြစ်များ

Cäk 35:4

Agokï yiëth lɛɛn wään nu tëde keek gäm Jakop. Ku gëmkï jothkɛn ë yek cieŋ në keyïth. Ago Jakop ke lɔ wɛc piny ë tim de ɣok thar. Ku kut kenïïm ëtɛ̈ɛ̈n ë wun cɔl Cekem lɔ̈ɔ̈m.

2 Mel 11:17

Go Jeɣoyada bɛ̈ny de kake Nhialic, löŋ mac ë kaam ë Bɛ̈nydït kekë melik Jowac, në luɔi bï kek aa kɔc ke Bɛ̈nydït, ku mɛckï löŋ në kaam de melik kekë kɔc.

2 Lëk 15:12

Agokï kuëŋ looi nɔn bïk kek Bɛ̈nydït aa lam yetök, Nhialic de kuarken, në piɔ̈ɔ̈thken ku wëiken ëbɛ̈n.

2 Lëk 15:15

Kɔc ke Juda acïk piɔ̈ɔ̈th bɛ̈n miɛt arëët në biäk cï kek ee gutguutë looi ë piɔ̈ɔ̈thken ëbɛ̈n. Acïk piɔ̈ɔ̈th lɔyum ë läm de Bɛ̈nydït, ago keek gam ku gëm keek mät në ɣään kedhie.

2 Lëk 23:16

Go Jeɣoyada bɛ̈ny de kake Nhialic Melik Jowac cɔɔl kekë kɔc bïk mät looi në luɔi bïï kek aa kɔc ke Bɛ̈nydït.

2 Lëk 29:10

“Acä lueel ee köölë nɔn bän löŋ mac wokë Bɛ̈nydït, Nhialic de Yithriɛl, ke cïï bï bɛ gɔ̈th ke wook.

Neɣe 9:38

Në biäk de ee kënë ëbɛ̈n, wok kɔc ke Yithriɛl, wok bï löŋ mac ku gɛ̈ɛ̈rku piny, ku bänykuɔ, ku kɔc ke Lebai ku bänykuɔn ke kake Nhialic abïk thaanyic.

Bɛ̈n 15:25

Go Mothe Bɛ̈nydït lɔ̈ŋ në piɔ̈nde ëbɛ̈n, go Bɛ̈nydït e nyuöth tim. Na wën, ke Mothe ë nöm tim ku cuɛt ë pïïuwiic, go pïïu miɛt. Na wën, ke gëm ë Bɛ̈nydït ke lööŋ ëtɛ̈ɛ̈n, lööŋ ke rëër, ku them keek ëtɛ̈ɛ̈n ayadäŋ.

Bɛ̈n 24:3

Na wën, ke Mothe ë lɔ kɔc guiëër jam kedhie, jam cï Bɛ̈nydït lueel ëbɛ̈n ayï lööŋke. Go kɔc puk nɔm kedhie an, “Këriëëc cï Bɛ̈nydït lueel ëbɛ̈n abuk looi.”

Nyöŋ 29:1

Kakë ayek cök ke lööŋ cï Bɛ̈nydït lɛ̈k Mothe, bï ke mac kekë kɔc ke Yithriɛl piny de Mowap, kakë kedhie lɔ në män wään cïï Bɛ̈nydït kɔn mac ke keek në kuur de Thinai nɔm.

Jocua 24:1

Na ɣɔn, ke Jocua ë mat dhiëën ke Yithriɛl nïïm kedhie në Cekem. Cɔɔl röördït, ku bäny ke dhiën, ku bäny ke luk, ku bäny ke Yithriɛl. Agokï guëër në Nhialic nɔm.

Jocua 24:26

Na wën, ke Jocua ë gɔ̈ɔ̈r ee lööŋkë piny në awerek de lööŋ ke Nhialic yic. Ku ciëp gök dïït ë kuur thar piny në tim de ɣok thar tëɣeric në Bɛ̈nydït lɔ̈ɔ̈m.