Jocua 24:23 - JAM DE NHIALIC 2011

²³ Go Jocua lueel an, “Na cäk gam aya, ke we cuɛt yiëth cath në week wei taitai abï cïn tök. Ku nhiaarkï Bɛ̈nydït Nhialicdun në wepiɔ̈ɔ̈th ëbɛ̈n.”

Jocua 24:23 ပူးပေါင်းရင်းမြစ်များ

1 Mel 8:57

Në Bɛ̈nydït tɔ̈u ke wook cït man ɣɔn tɔ̈u En ke kuarkuɔ, ë cïï wo nyiëëŋ piny,

1 Mel 8:58

në gëm wook ŋɔ̈ɔ̈ŋ bï wok këde piɔ̈nde aa looi në këriëëcic ëbɛ̈n, ku buk lööŋke aa riëëu ëbɛ̈n, lööŋ ɣɔn cï gäm kuarkuɔ.

Diɛt 119:36

Gämë yɛn kueer bän lööŋku riëëu awär kuɛthdï në kajuëc.

Diɛt 141:4

Gël ɛn në kɔ̈ɔ̈r de luɔi rac ku në luɔi cän bï mat wo kɔc rac ë luɔi racic. Në ya cïï mät wo keek ë dhuëŋken yiic.

Diɛt 81:10

Yɛn ee Bɛ̈nydït Nhialicdun, raan ë bïï we bei ë Rip. Liepkï wethook, ke we bä cääm.

Bɛ̈n 20:23

Duökï röt lui yiëth bäk keek aa lam në Yɛn ëtök. Yiëth ke ateek, ku nɔn ee kek yiëth ke adhääp.

Kɛ̈ŋ 2:2

Të yïn jam de pɛlënɔm piŋ apiɛth mɛnhdï, ku ye them ë gɔk nɔn yök yïn e yic.

Ɣodh 14:8

“Yïn Yithriɛl, eeŋö bä bɛ looi në yiëth? Ee Yɛn ee lɔ̈ŋdu gam, ku dɔ̈t yïn apiɛth. Ka Yɛn ë ciët tim de ameth tɔ̈c ëbɛ̈n, mïth yïnke luɔk abïkï tëde Yɛn.

Jocua 24:14

Na wën, ke lëk ë Jocua keek an, “Ka week, jakï Bɛ̈nydït riëëu guöp arëët, ku yak luööi aläl në wepiɔ̈ɔ̈th ëbɛ̈n. Cuatkï yiëth wei kedhie, yiëth ɣɔn ye kuarkun lam lɔŋ de wɛ̈ɛ̈r ë Yuparat, ayï Rip. Ku Bɛ̈nydït yetök yen luööikï.