Jocua 24:14 - JAM DE NHIALIC 2011

¹⁴ Na wën, ke lëk ë Jocua keek an, “Ka week, jakï Bɛ̈nydït riëëu guöp arëët, ku yak luööi aläl në wepiɔ̈ɔ̈th ëbɛ̈n. Cuatkï yiëth wei kedhie, yiëth ɣɔn ye kuarkun lam lɔŋ de wɛ̈ɛ̈r ë Yuparat, ayï Rip. Ku Bɛ̈nydït yetök yen luööikï.

Jocua 24:14 ပူးပေါင်းရင်းမြစ်များ

Cäk 17:1

Ɣɔn cï run ke Abram aa thiërdhoŋuan ku dhoŋuan, ke Nhialic Awärjäŋ ë tul tëde yen, ku lëk en an, “Yɛn ee Nhialic Awärjäŋ lëu këriëëc ëbɛ̈n, ye kë cä lɛ̈k yïn piŋ, ku ye yic looi ë cieŋ.

Cäk 35:2

Ago Jakop lɛ̈k kɔc ke baaide, ku kɔc rɛ̈ɛ̈r në yen kedhie an, “Cuatkï yiëth lɛɛn cath në week wei. Ku wakkï wegup, abäk gup lipëlip. Ku waarkï lupɔɔkuön ciɛŋkï, në lupɔɔ kɔ̈k cäk waak.

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

Edhr 9:11

Kek lööŋ ë gämë wook në kueer ë lïïmkuön ee tïït, aa luelkï an, Piny bäk lɔ nöömë acï wookic ë juöör ceŋ en, gɔl ë piny biäkë ale guööt ë piny biäk tui në luɔi de kërac ëbɛ̈n.

Jop 1:1

Ade raan cɔl Jop ë nu piny de Udh, ku aaye raan adöt ku acie wäc, ee Nhialic riëëu, ka yen aye yen rɔt mɛc wei në luɔi de karɛciic.

Jop 28:28

Go lɛ̈k mɛnh ë raan an: “Riëëu de Bɛ̈nydït ee yen ee pɛlënɔm, ku pɔ̈kdu wekë luɔi de kërac ee yen ee yöŋ de käŋiic.”

Diɛt 111:10

Rïïu ye Bɛ̈nydït riëëu, ee göl de pɛlënɔm, ku yöŋ de käŋiic apiɛth anu tëde kɔc ee lööŋke looi kedhie. Bɛ̈nydït abï leec aɣet athɛɛr.

Diɛt 119:1

Thieithieei në kɔc ee cath në kuɛɛr cïn yiic gääk, ku yek ceŋ ke ke döt lööŋ ke Bɛ̈nydït.

Diɛt 119:80

Tɔ yɛn rïïu lööŋku apiɛth ku bïï yɛn päl ayär cï ya tiaam.

Diɛt 130:4

Ku Yïn ee wook päl awɛ̈ɛ̈ckuɔ, ke wo bï aa riɔ̈ɔ̈c ë Yïn.

Diɛt 81:10

Yɛn ee Bɛ̈nydït Nhialicdun, raan ë bïï we bei ë Rip. Liepkï wethook, ke we bä cääm.

Edhekiɛl 20:18

Ku ja dhuök jɔ̈ɔ̈ny në jɔ̈ɔ̈ric an: duökï luɔi wään bïï kuarkun looi be muk, duökï ciɛɛŋden kuany yic, ku duökï röt riäk në yiëthken.

Edhekiɛl 23:3

Wään ŋoot kek ke ke kor, aake rɛ̈ɛ̈r ë Rip, acïk dhuɛɛcden riɔ̈ɔ̈k, ku tɔkï röt aa akɔɔrröör.

Ɣodh 3:5

Ku ëtɛ̈ɛ̈n, mïth ke Yithriɛl abïk kenïïm puk, ku kɔɔrkï Bɛ̈nydït Nhialicden, ku kɔɔrkï meliŋ cït Debid. Wadäŋ në akööl ciëën, abïk aa bɛ̈n në Bɛ̈nydït lɔ̈ɔ̈m në riëëu, bïï ë keek bɛ̈n thieei.

Lebai 17:7

Kɔc ë ke cïï miɔ̈cden be näk yanh cɔl Bou, yanh wään cï kek röt gäm en yek lam, kënë abï aa ciɛɛŋden aɣet athɛɛr wadäŋ agut cï rɛm kɔ̈k bï lɔ̈ɔ̈k bɛ̈n.

Maika 6:8

Ei, acie yen, Bɛ̈nydït acï yï nyuöth këpiɛth yïn raan. Ku lëk yïn kë köör yïn bä looi an, Ye yic looi, ku nyuɔɔthë nhiëër agɔk, ku kuur ee yïn rɔt kuɔɔr piny në Nhialicdu nɔm.

Luk 8:15

Ku ka nu ë tiɔɔm piɛthic ayek kɔc cï jam piŋ, ku jɔkï muk në piɔ̈n yic ku piɛth, agokï luɔk në rum ee kek kepiɔ̈ɔ̈th rom.

Luɔi 9:31

Go ɣööt ke Nhialic jɔ rëër ke ke lɔ dïu ë Juda ëbɛ̈n ku Galili ku Thamaria, gokï jɔ riɛl ë gäm, ku yek cath ë riëëu de Bɛ̈nydït, ku në muŋdepiɔ̈u de Wëidït ɣer, agokï kenyïïn ŋuak.

2 Kor 1:12

Miɛt ë wopiɔ̈ɔ̈th kï, an, jam ë yok yök ë wopiɔ̈ɔ̈th aye lueel an, yok cath ë piɔ̈n cïnic ruëëny ku ciɛthku në yic de Nhialic, wok aacïï rɛ̈ɛ̈r në pɛlënɔm de kɔc, ee dhuëëŋ de Nhialic piɔ̈u, en aa rëër wok ë piny nɔm, ku en aa rëër wok ë weyiic awärkï kɔc kɔ̈k

Epethiei 6:24

Ë dhuëëŋdepiɔ̈u tɔ̈u ke kɔc kedhie kɔc nhiaar Bɛ̈nydan Yecu Kërtho në piɔ̈n agɔk. Amiin.

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 18:13

Yak röt gäm Bɛ̈nydït Nhialicdun taitai në piɔ̈n adöt.

Nyöŋ 6:13

Yak riɔ̈ɔ̈c në Bɛ̈nydït Nhialicdun, ku yen yak lam yetök, ku yak kuëëŋ në rinke yetök.

Pilipoi 1:10

abäk kapiɛth cök ë ŋiɛc wek keek, ke we bï yiic awai ku ciënkï piɔ̈ɔ̈th kërac aɣet kööl ë Kërtho.

Jocua 24:2

Na wën, ke lëk ë Jocua keek kedhie an, “Acïï Bɛ̈nydït Nhialic de Yithriɛl lɛ̈k week an, ‘ɣɔn thɛɛr, kuarkun rɛ̈ɛ̈r lɔŋ de wɛ̈ɛ̈r ë Yuparat. Aake ye yiëth lam. Ku raan tök në kuarkun ë lam yiëth, ee kuɛɛrëdun Tera, wun Abraɣam kekë Naɣor.

Jocua 24:23

Go Jocua lueel an, “Na cäk gam aya, ke we cuɛt yiëth cath në week wei taitai abï cïn tök. Ku nhiaarkï Bɛ̈nydït Nhialicdun në wepiɔ̈ɔ̈th ëbɛ̈n.”

1 Tham 12:14

Käŋ ëbɛ̈n abïk cath apiɛth tëde week të la wek Bɛ̈nydït Nhialic riëëu, ku riëëukï lööŋke, ku na lak kuany cök ë melikdun ëtök.

1 Tham 12:24

Riëëukï Bɛ̈nydït, ku luööikï apiɛth në piɔ̈ndun ëbɛ̈n. Takï wenïïm në kajuëc cï keek luöi week

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”