Jocua 23:8 - JAM DE NHIALIC 2011

⁸ Bɛ̈nydït Nhialicdun yen kuanykï cök anandun, cït man ya wek en kuany cök ë caaŋdun agut cï ënɔɔnë.

Jocua 23:8 ပူးပေါင်းရင်းမြစ်များ

2 Mel 18:6

Yen aaye adöt tëde Bɛ̈nydït, ku akën kɔn rɛɛc thok, ku aaye lööŋ ɣɔn cïï Bɛ̈nydït ke gäm Mothe döt apiɛth.

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

Nyöŋ 10:20

Riëëukï Bɛ̈nydït Nhialicdun, ku yak lam Yen Yetök, yak aa kɔc adöt tëde Yen, ku yak kuëëŋ në rin ke Yetök.

Nyöŋ 11:22

Riëëukï lööŋ cä gäm week kedhie në piɔ̈n adöt, nhiaarkï Bɛ̈nydït Nhialicdun, luɔikï këriëëcdun cï lueel ëbɛ̈n, ku yak röt tɔ ye adööt tëde Yen.

Nyöŋ 13:4

Kuanykï Bɛ̈nydït cök ku riëëukï, yak riëëu guöp, ku mɔ̈kkï lööŋke, ku lamkï, ku takï röt adööt tëde Yen.

Nyöŋ 13:5

Ku näkkï raan ëbɛ̈n raan ee nyuöth waaric ayï tiët ee we yöök, an, bäk Bɛ̈nydït Raan ë kony week ë Rip rɛɛc, të wään ya wek lïïm thïn. Kɔc cït ee kakë ayek karɛc looi, ku akɔɔrkï bïk week thɛl wei në pïïric, pïïr cï Bɛ̈nydït lɛ̈k week an bä wek pïïr. Abï keek dhil nɔ̈k aguɔkï kërɛɛcë jɔ bɛ̈ɛ̈i bei ë weyiic.

Nyöŋ 4:4

ku wek kɔc adööt ee jam de Bɛ̈nydït Nhialicdun gam, wek ŋoot ke we pïïr aɣët cï ëköölë.

Nyöŋ 8:20

Na cäkkï Bɛ̈nydït lɔ riëëu, ke we bï riɔ̈ɔ̈r nyïïn cït juöör ɣɔn kɔn ë ke riɔ̈ɔ̈r nyïïn në wenïïm, në baŋ kɛ̈n wek röl de Bɛ̈nydït Nhialicdun piŋ.

Jocua 22:5

Lak cök ë dɔ̈t wek lööŋ ɣɔn gëm ë Mothe awun de Bɛ̈nydït week ë gɔk. Lööŋ ɣɔn lëk week an, ‘Yak Bɛ̈nydït Nhialicdun nhiaar, ku yak lööŋke döt, ku yak luööi në wepiɔ̈ɔ̈th ëbɛ̈n ë cieŋ.’

Jocua 23:7

Ku duökï röt liëëp në juöör cï döŋ në weyiic. Duökï yiëthken ee cɔɔl rin, ku duökï ee kuëëŋ në rinken. Duökï lam, ku duökï keek ee luööi.

Jocua 23:9

“Bɛ̈nydït ë göök dït ke juöör ril cop në wenïïm tueŋ, wuöt juëc aläl. Ku acïn wun töŋ cï we tiaam.