Jocua 22:9 - JAM DE NHIALIC 2011

⁹ Ago dhiën ë Ruben, ku dhiën ë Gad, ku biäk de dhiën ë Manatha, jäl ë Cilo piny ë Kanaan, lekkï Giliyad pinyden ku nyiëëŋkï Yithriɛl ëtɛ̈ɛ̈n. Giliyad yen aaye piny de nɔmden, piny ɣɔn gëmë Mothe keek cït man cïï Bɛ̈nydït ye lɛ̈k en.

Jocua 22:9 ပူးပေါင်းရင်းမြစ်များ

2 Tham 2:9

Go Abener Yiciboceth looi ke ee melik de Giliyad ëtɛ̈ɛ̈n, ku Acuur, ku Jedhreel, ku Eparaim, ku Benjamin ku kɔc ke Yithriɛl kedhie.

1 Lëk 5:9

Keek ayek kɔc de nïïm ɣɔ̈k juëc piny de Giliyad, gokï baai guɔ rum ëtɛ̈ɛ̈n abïk ɣet të lɔ aköl amiäk ë jɔ̈ɔ̈ric të thiääk ke wɛ̈ɛ̈r ë Yuparat.

Diɛt 60:7

Giliyad ee këdï, kekë Manatha ayadäŋ. Ku Eparaim yen aye akupdï, ku Juda ee thienydiën ë dhuëëŋ.

Kuɛ̈n 32:1

Ënɔɔnë wɛ̈ɛ̈t ke dhiën ë Ruben, kekë dhiën ë Gad, ye kɔc de ɣɔ̈k ku thök juëc. Na ɣɔn aa cïk ye tïŋ ke piny de Jadher kekë Giliyad ee piny piɛɛth de ɣɔ̈k,

Kuɛ̈n 32:20

Go Mothe bɛ̈ɛ̈r an, “Të yen kë luelë yen kɔɔr bä looi ë yic, ee tënë në Bɛ̈nydït nɔm cuɔckï röt ke we bï lɔ tɔŋ.

Kuɛ̈n 32:22

Ku Nämkï piny, ku ëtɛ̈ɛ̈n wek duëër röt jɔ puk në biäk cä wek këduön wään cäk mac an bäk luöi Bɛ̈nydït kekë kɔckuön ke Yithriɛl thöl në luɔi. Ku ëtɛ̈ɛ̈n abï Bɛ̈nydït jɔ ŋic nɔn ye wɛ̈ɛ̈r de Jordan lɔŋ të lɔ aköl amiäk këduön.

Kuɛ̈n 32:26

Mïthkuɔ ku diäärkuɔ ku ɣɔ̈kkuɔ, ku thökkuɔ abïk döŋ në pɛ̈ɛ̈nydït ë Giliyad yic ee tënë.

Kuɛ̈n 32:29

“Të le wɛ̈ɛ̈t ke Gad ku Ruben wɛ̈ɛ̈r de Jordan teem ke ke cï röt coc lek tɔŋ në riɛl ë Bɛ̈nydït ku cïk we kuɔny agut të bä wek piny lëu në döm, abä keek jɔ gäm piny de Giliyad ke ye këden.

Nyöŋ 3:18

“Guɔ week yɔ̈ɔ̈k ɣɔn ë aköölkë an, ‘Bɛ̈nydït Nhialicdun acï week gäm ee pinyë bäk nööm. Ku kɔckuön lëu tɔŋ kedhie, kɔc cï röt kiëët në biäk de tɔŋ. Abïk kiir kɔn teem tueŋ, në mïthëkɔcken nïïm kɔc ke Yithriɛl.

Nyöŋ 3:20

Agut kööl bï Bɛ̈nydït mïthëkɔckun tɔ lɔ̈ŋ, cït man cä wek lɔ̈ŋ. Ku keek aya acïk piny cï Bɛ̈nydït Nhialicdun gäm keek nööm në Jordan nɔm lɔŋtui, ëtɛ̈ɛ̈n ŋɛk ë we yiic abïï jɔ lɔ ciëën piny wään cä gäm week.’

Nyöŋ 34:1

Go Mothe jäl në riaaŋ de Mowapic ke lɔ të nu kuur de Nebo, leer në kuur de Pithga nɔm në Jeriko të lɔ aköl amiäk. Go Bɛ̈nydït nyuöth piny ëbɛ̈n ëtɛ̈ɛ̈n, gɔl në paan de Giliyad ɣeet rut ya të lɔ wun de Dan.

Jocua 13:11

Ku acï Giliyad mat thïn ayadäŋ, ku piny de Gecur, ku piny de Maaka, ku kur ke Ɣermon kedhie, ku piny de Bacan ëbɛ̈n agut cï Thaleka.

Jocua 13:25

Ku pinyden agɔl rɔt Jadher, ku pɛ̈ɛ̈nydït ke Giliyad, ku biäk de piny de kɔc ke Amor, agut cï Aroyer, në Raba kɔ̈u të lɔ aköl amiäk.

Jocua 13:31

Ku mɛt biäk de Giliyad thïn, kekë Acetaroth, ku Ederi, ku pɛ̈ɛ̈nydït ke ciɛɛŋ ɣɔn cieŋ ë melik Og në Bacan. Kek wuöt ë gëmë biäk de dhiën ë Manatha ka, mïth baai ke ɣön ë Makir thok, wën ë Manatha.

Jocua 22:10

Na wën, acï dhiën ë Ruben, ku dhiën ë Gad, ku biäk de dhiën ë Manatha nu të lɔ aköl amiäk ɣet Geliloth piny nu ë Jordan lɔ̈ɔ̈m, piny de Kanaan thok, ke ke yïk yïïŋ dïït cï kuöc läk.

Bäny 20:1

Go kɔc ke Yithriɛl kedhie gɔl ë Dan leer Biirceba, ku dɔm piny de Giliyad ëbɛ̈n. Gokï kenïïm mat ke ke ya akutnɔm dïït tök ë Bɛ̈nydït nɔm ë Midhpa.

Bäny 5:17

Dhiën de Gad arɛ̈ɛ̈r në Jordan të lɔ aköl amiäk, ku dhiën de Dan acï döŋ në abëël wïïr yiic. Dhiën de Acer arɛ̈ɛ̈r wath thok, acïk döŋ ë wɛ̈ɛ̈r yɔu.