Jocua 22:5 - JAM DE NHIALIC 2011

⁵ Lak cök ë dɔ̈t wek lööŋ ɣɔn gëm ë Mothe awun de Bɛ̈nydït week ë gɔk. Lööŋ ɣɔn lëk week an, ‘Yak Bɛ̈nydït Nhialicdun nhiaar, ku yak lööŋke döt, ku yak luööi në wepiɔ̈ɔ̈th ëbɛ̈n ë cieŋ.’

Jocua 22:5 ပူးပေါင်းရင်းမြစ်များ

Diɛt 106:3

Thieithieei në kɔc ee yicde döt, kɔc ee piathëpiɔ̈u looi aköölnyïïn.

Diɛt 78:7

Në ë kueerë keek ayadäŋ, abïk Nhialic aa ŋɔ̈ɔ̈th, ku cïkï nïïm bï määr ë kë cï looi, ku abïk lööŋke aa riëëu aköölnyïïn.

Bɛ̈n 15:26

Lëk keek an, “Na bäk röl de Bɛ̈nydït Nhialic gam ë yic, ku bäk yic aa looi, ku dɔ̈tkï lööŋkï, wek cä bï tuöc jɔɔk cït jɔɔk wään cä tuöc kɔc ke Rip. Ee Yɛn Bɛ̈nydït raan ee we tɔ dem.”

Bɛ̈n 20:6

Ku Yɛn ee nhiëërdiën agɔk nyuöth aguum ke rɛm nhiaar Ɛn, ku yek lööŋkï gam.

Bɛ̈n 23:13

“Piŋ kë lɛ̈k yïn ëbɛ̈n, Yɛn Bɛ̈nydït. Du yiëth kɔ̈k ee lam, ayï rinken du ke ee lueel.

Bɛ̈n 23:25

Të la wek Ɛn aa lam, Yɛn Bɛ̈nydït Nhialicdun, wek bä thiëi kacaam ku pïïu, ku nyaai jɔɔkkun.

Kɛ̈ŋ 4:23

Kiɛmë yïnɔm piny në kueer yïn tɛk thïn, pïïrdu abï täŋdu ye kiɛm piny.

Yith 55:2

Eeŋö aa wek wëu riɔ̈ɔ̈r në ka cïï week bï kueth? Eeŋö aa wek ariöpdun thöl ku yak ŋoot ke we nɛ̈k cɔk? Piɛŋkï kë luɛɛl, ku luɔikï cït man luɛɛl Ɛn en, ku yïn bï piɔ̈u miɛt we këcam mit wär kacaam ëbɛ̈n.

Jeremia 12:16

Na lek Nhialic de kɔckï gam ë kepiɔ̈ɔ̈th ëbɛ̈n, ku lek kuëëŋ luelkï an, ‘Cït man pïïr ë Bɛ̈nydït’, cït man cïï kek kɔckï kɔn wɛ̈ɛ̈t bïk aa kuëëŋ ë Baal, ka keek aya abïk aa kɔckiën kɔ̈k ku abïk kuɛth.

Math 22:37

Go Yecu yɔ̈ɔ̈k an, “Nhiaar Bɛ̈nydït Nhialicdu në piɔ̈ndu ëbɛ̈n, ku në wëiku ëbɛ̈n, ku në nɔmdu ëbɛ̈n.

Math 4:10

Go Yecu yɔ̈ɔ̈k an, “Nyai, Catan, acï gɔ̈ɔ̈r an, ‘Ye Bɛ̈nydït Nhialicdu lam, ku yen ee luööi etök.”’

Math 6:24

Acïn raan duëër rɔt tɔ ye lïm de bäny kaarou, ka bï tök maan, ku nhiaar tök, ku abï tök dɔm ku tɔ tök cïn naamde. Wek cïï röt duëër tɔ ye lïïm ke Nhialic ku lïïm ke wëu ayadäŋ.

Luk 1:74

“Bï wo luäk bei ë kɔc cin kɔc de ater në wook. Agoku ka ke yen aa looi ke cïn riɔ̈ɔ̈c,

Jɔn 12:26

Të de yen raan ë kakï looi, në ye ya biɔɔth cök, ago bɛ̈n të nuö yɛn, yen abï raan ee kakï looi nu thïn ayadäŋ: të de yen raan ee kakï looi, yen abï Wäär ŋic.

Jɔn 14:15

Të nhiaar wek ɛn, ke we döt lööŋ thɔ̈n week.

Luɔi 11:23

Na wën, aa cï bɛ̈n, ago dhuëëŋ de Nhialic piɔ̈u tïŋ, ke jɔ piɔ̈u miɛt, ku yöök keek kedhie an, bïk cök ë tɔ̈u kek në Bɛ̈nydït në piɔ̈n ril.

Luɔi 27:23

Tunynhial aa kääc ë yalɔ̈ɔ̈m wënakɔ̈u, tuny de Nhialic, Nhialic a yɛn lïmde ku ee yen ya lam,

Romai 1:9

Nhialic, Raan aa luööi në wëikï në wëlpiɛth ke Wënde, yen aye cäätɔdï, në luɛl aa yɛn cool ë luel këdun acïn pëk ë lɔ̈ŋdïyic,

Romai 12:9

Takkï nhiëër nu, nhiëër cïnic ruëëny. Yak kërac maan ëtaiwei, ku yak këpiɛth dɔm ë döm ril.

Romai 8:28

Cöök ŋicku kï, an, Këriëëc ëbɛ̈n ee mat ëtök, bï kɔc nhiaar Nhialic bɛ̈n luöi këpiɛth, kɔc cï cɔɔl ë këde piɔ̈nde.

Nyöŋ 10:20

Riëëukï Bɛ̈nydït Nhialicdun, ku yak lam Yen Yetök, yak aa kɔc adöt tëde Yen, ku yak kuëëŋ në rin ke Yetök.

Nyöŋ 11:1

Go lueel an, “Nhiaarkï Bɛ̈nydït Nhialicdun ku yak lööŋke riëëu kedhie ë ceŋ.

Nyöŋ 11:13

Ka week, jakï lööŋ cä gäm week ee köölë riëëu Nhialic Bɛ̈nydït Nhialicdun ku yak luööi në piɔ̈ndun ëbɛ̈n.

Nyöŋ 11:22

Riëëukï lööŋ cä gäm week kedhie në piɔ̈n adöt, nhiaarkï Bɛ̈nydït Nhialicdun, luɔikï këriëëcdun cï lueel ëbɛ̈n, ku yak röt tɔ ye adööt tëde Yen.

Nyöŋ 13:4

Kuanykï Bɛ̈nydït cök ku riëëukï, yak riëëu guöp, ku mɔ̈kkï lööŋke, ku lamkï, ku takï röt adööt tëde Yen.

Nyöŋ 4:29

Ku ëtɛ̈ɛ̈n, wek bï Bɛ̈nydït Nhialicdun kɔɔr, ku na lak lɔ kɔɔr në piɔ̈ɔ̈thkun ëbɛ̈n abäk yök.

Nyöŋ 4:4

ku wek kɔc adööt ee jam de Bɛ̈nydït Nhialicdun gam, wek ŋoot ke we pïïr aɣët cï ëköölë.

Nyöŋ 4:6

Riëëukï keek ë piɔ̈n adöt, yen ee kënë abï pɛlënɔmdun ku ŋïnydekäŋdun nyuöth juöör. Të lee kek ë lööŋkë piŋ kedhie, abïk aa lueel an, ‘Ee yic jurë aŋic käŋ ku ade pɛlënɔm dït!’

Nyöŋ 4:9

Tiɛtkï röt apiɛth! Ku ŋiɛckï ë gɔk aguɔkï nïïm cuö mär në pïïrdunic ëbɛ̈n, ka cäk tïŋ në wenyïïn kedhie. Lɛ̈kkï keek mïthkun ku mïth ke mïthkun.

Nyöŋ 5:10

Ku Yɛn ee nhiëër agɔk nyuöth aguum ke rɛm de kɔc nhiaar Yɛn ku yek lööŋkï gam.

Nyöŋ 6:17

Ku dɔ̈tkï apiɛth nɔn bä wek lööŋ cï gam kedhie aa riëëu.

Ɣeberuu 12:15

Yak yïn ke cïn raan töŋdun bï löny ku cïï dhuëëŋ de Nhialic piɔ̈u bï yök, tiir tök ee tiir riɔ̈ɔ̈k, yen ya wek cök ë wɔi wek röt apiɛth ke cïn mei de kɛcëpiɔ̈u bï cil në weyiic ku tɔ kɔc juëc lɔ në këracic

Jakop 1:12

Thieithieei raan ee thëm guum, të cï en thök ë thëm, ka bï göl ë pïïr yök, göl cïï Bɛ̈nydït kɔn lueel, an, bï gäm kɔc nhiaar en.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

Jocua 23:8

Bɛ̈nydït Nhialicdun yen kuanykï cök anandun, cït man ya wek en kuany cök ë caaŋdun agut cï ënɔɔnë.

Nyuuth 15:3

Ku kitkï din ë Mothe lïm ë Nhialic, ku din ë Nyɔŋamääl, luelkï, an: “Yïn Bɛ̈nydït Nhialic Awärjäŋ, luɔidu adït ee kɔc tɔ gäi! Yïn Melik de Juöör kuɛɛrku apiɛthkï ku yek yith!

1 Tham 12:20

Go Thamwɛl lueel an, “Duökï riɔ̈c, cakaa nɔn cä wek kërac looi, duökï kueer ë Bɛ̈nydït päl, ku luööikï ë piɔ̈ndun ëbɛ̈n

1 Tham 12:24

Riëëukï Bɛ̈nydït, ku luööikï apiɛth në piɔ̈ndun ëbɛ̈n. Takï wenïïm në kajuëc cï keek luöi week

1 Tham 7:3

Ago Thamwɛl lɛ̈k baai de Yithriɛl an, “Na lak wenïïm puɔ̈k Bɛ̈nydït në piɔ̈ɔ̈thkun ëbɛ̈n, ke we pälkï yiëth ke juöör ëbɛ̈n ku kïn de yanh cɔl Acetaroth. Takï röt ee kɔc ke Bɛ̈nydït ku Yen bäk aa lɔ̈ŋ Yetök, ago week kony ë kɔc ke Pilithiin cin.”