Jocua 22:31 - JAM DE NHIALIC 2011

³¹ Go Pineɣath wën de Eleyadhar, bɛ̈ny de kake Nhialic lueel an, “Acuk jɔ ŋic ënɔɔnë luɔi tɔ̈u ë Bɛ̈nydït ke wook, ku në luɔi kɛ̈n wek jamde dhoŋ kɔ̈u. Ku Bɛ̈nydït acïï Yithriɛl bï bɛ luɔi kë tuc.”

Jocua 22:31 ပူးပေါင်းရင်းမြစ်များ

2 Lëk 15:2

go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

Edhr 7:5

ku Buki ee wën ë Abicua, ku Abicua ee wën ë Pineɣath, ku Pineɣath ee wën ë Eleyadhar, ku Eleyadhar ee wën ë Aron bɛ̈nydïït ë kake Nhialic.

Diɛt 68:17

Në aguumkɛn juëc ke abëël ke tɔŋ, Bɛ̈nydït aa bɔ̈ në Thinai, abɔ̈ tëɣeric.

Bɛ̈n 25:8

Ku tɔ kɔc yïk Ɛn tëɣeric, ke Yɛn bï bɛ̈n rëër në keyiic.

Yith 12:6

Tɔ raan rɛ̈ɛ̈r ë Dhiɔn ëbɛ̈n moc kiɛɛu ku kët an! Nhialic Ɣeric de Yithriɛl adït, ku arɛ̈ɛ̈r ë kɔcke yiic.”

Dhek 8:23

Acï Bɛ̈nydït de rɛm lueel an: Në aköölkë yiic, alɛi kathiëër në juöör ke thook yiic ëbɛ̈n, abïk aa bɛ̈n tëde raan töŋ ë Judai, ku lëkkï yen an, ‘Tɔ wo lɔ të le yïn thïn në yïn ëtök. Acuk piŋ nɔn tɔ̈u ë Nhialic ke week.’

Math 1:23

“Tiëŋkï, dhueny kën kɔn yök kekë moc abï meth yök, ago mɛwä dhiëëth, ku abïk meth cäk rin, an, Emanwɛl, (të pukë yen ë thoŋda, yen aye, “Nhialic ee tɔ̈u kekë wook”).

1 Kor 14:25

Ago ka cï thiaan ë yepiɔ̈u jɔ tïc, ago rɔt cuat piny ë yenɔm, ku lɛm Nhialic, ku jɔ lueel an, “Nhialic anu ë weyiic ëdhöc!”

Jocua 22:30

Na wën, aacï Pineɣath bɛ̈ny de kake Nhialic kekë bäny ke akutnɔm kathiëër kɔ̈kë jam piŋ, jam de dhiën ë Ruben kekë dhiën ë Gad, ku biäk de dhiën ë Manatha tɔ̈u të lɔ aköl amiäk, ke kueth kepiɔ̈ɔ̈th.

Jocua 22:32

Ago Pineɣath yenɔm puk Kanaan kekë bäny ke dhiëën ke Yithriɛl, ke nyiëëŋkï dhiën ë Ruben piny Giliyad kekë dhiën ë Gad, ku lek kɔc ke Yithriɛl guiëër kë cïk lɔ yök.

Jocua 3:10

Yen abä wek en jɔ ŋic ë gɔk luɔi nu ë Nhialic Pïïr në weyiic, ku gamkï aya yen luɔi bï Yen kɔc ke Kanaan cuɔp wei në wenïïm tueŋ, ku cop kɔc ke Ɣit, ku kɔc ke Ɣib, ku kɔc ke Peridh, ku kɔc ke Girgac, ku kɔc ke Amor, ku jɔ aa kɔc ke Jebuth.