Jocua 22:29 - JAM DE NHIALIC 2011

²⁹ Wok cïï löŋ de Bɛ̈nydït duëër kɔn dhoŋ kɔ̈u, ku acuku duëër kɔn puɔ̈l cök ku yïkku röt yïïŋ de miɔ̈c cï nyop, ku nɔn yen miɔ̈c de rɛɛp cï geet, ku nɔn yen miaac. Acïn yïïŋ däŋ pei duëërku yiëk röt, tën cïn yïïŋ töŋ de Bɛ̈nydït Nhialicda nu në paany de Bɛ̈nydït thok tueŋ.

Jocua 22:29 ပူးပေါင်းရင်းမြစ်များ

Cäk 44:17

Ago Jothep lɛ̈k en an, “Ei, acie yeka! Yɛn cïï kë cït ee kënë duëër kɔn looi ë caaŋdï! Raan ë jɔt abïny yetök yen abï ya lïmdï. Ku kɔc kɔ̈kë abïk kenïïm puɔ̈k wuönden ke cïn kërɛɛc yök keek.”

Cäk 44:7

Gokï puɔ̈k nɔm en an, “Eeŋö tɔ yï jam ë tatat aya bɛ̈ny? Ku wok ë kuëëŋ nɔn cïï wok ka lɔ thiäu cït ee kakë bï ya looi.

1 Mel 21:3

Go Naboth jam de Aɣap bɛ̈ɛ̈r, an, “Yɛn cï kuëëŋ ë Nhialic luɔi cän yïn bï gäm piny, piny aa lak tëde kuarkuɔ!”

2 Mel 18:22

Na lak lueel an, “Wok kɛn röt në Bɛ̈nydït Nhialicda, cie kur ke Bɛ̈nydït kekë yïk kek ka wään riɔ̈ɔ̈k ë Ɣedhekia keek? Ɣɔn yöök en kɔc ke Juda ku Jeruthalem an yïïŋ tök ye tök yen bï kek aa lam në Jeruthalem.

2 Lëk 32:12

Ku cie Ɣedhekia yen ë dhoŋ yïk ke Bɛ̈nydït piny ku lëk kɔc ke Juda ku kɔc ke Jeruthalem bïk aa lam ku nyopkï wal ŋïr në yïïŋ tök nɔm.

Romai 3:6

Acï bï aa yen! Të nu yen, ke Nhialic duëër löŋ de piny nɔm guiir adï?

Romai 6:2

Acie yen! Wok kɔc cï thou tëde kërac, buk ŋoot ë wo pïïr thïn adï?

Romai 9:14

Eeŋö buk jɔ lueel? De jam rɛɛc cath ke Nhialic? Ei, acie yen!

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Jocua 22:23

Yïïŋë acuku yïk bï wok miɔ̈c ye nyop ëbɛ̈n aa gam në yenɔm, ku nɔn yen miɔ̈c de rɛɛp cï geet, ku nɔn yen miɔ̈c de mät. Na cuk löŋ de Bɛ̈nydït dhoŋ kɔ̈u, ke Bɛ̈nydït yiɛnhde ë lui wook këtuc.

Jocua 22:26

“Agoku röt yiëk yïk. Ku acie yïïŋ de miaac.

Jocua 22:28

“Na wadäŋ ale mïthkun ye lɛ̈k mïthkuɔ aya, ke bïï mïthkuɔ puk nɔm, an, “Kɛ̈nkï yïïŋ ë yïk ë kuarkuɔ tïŋ ka. Akït ke yïïŋ de Bɛ̈nydït guöpde, ku acuku bï tɔ ye yïïŋ de miɔ̈c ye nyop ëbɛ̈n, ku cie këde ka näk. Ee yïïŋ bï wook aa nyuɔɔth nɔn ye wok kɔc ke Yithriɛl.”

Jocua 22:30

Na wën, aacï Pineɣath bɛ̈ny de kake Nhialic kekë bäny ke akutnɔm kathiëër kɔ̈kë jam piŋ, jam de dhiën ë Ruben kekë dhiën ë Gad, ku biäk de dhiën ë Manatha tɔ̈u të lɔ aköl amiäk, ke kueth kepiɔ̈ɔ̈th.

Jocua 24:16

Gokï puk nɔm an, “Wok cïï Bɛ̈nydït duëër kɔn puɔ̈l ananda, ku luuiku yiëth.

1 Tham 12:23

Na yɛn, yɛn cï kuëëŋ në Bɛ̈nydït nɔn bän aa lɔ̈ŋ në biäkdun. Kë bä looi ee luɔi bän we piööc bäk këpiɛth ku yic aa looi.