Jocua 22:28 - JAM DE NHIALIC 2011

²⁸ “Na wadäŋ ale mïthkun ye lɛ̈k mïthkuɔ aya, ke bïï mïthkuɔ puk nɔm, an, “Kɛ̈nkï yïïŋ ë yïk ë kuarkuɔ tïŋ ka. Akït ke yïïŋ de Bɛ̈nydït guöpde, ku acuku bï tɔ ye yïïŋ de miɔ̈c ye nyop ëbɛ̈n, ku cie këde ka näk. Ee yïïŋ bï wook aa nyuɔɔth nɔn ye wok kɔc ke Yithriɛl.”

Jocua 22:28 ပူးပေါင်းရင်းမြစ်များ

Cäk 31:48

Ku lëk ë Laban Jakop an, “Akuttë yen aye cäätɔ në kaamda wo yïn.” Yen aa ciëkë yen rin an Giliyad.

2 Mel 16:10

Na ɣɔn aa lɔ melik Aɣadh lɔ Damathko le Tiglath Pilethar melik de Athiriya loor nɔm, go yïïŋ tɔ̈u ë Damathko tïŋ, go melik Aɣadh Yuria bɛ̈ny de kake Nhialic tuöc täu de ee yïïŋë, ayï kathii akäŋ në biäkde acï ke tuɔɔc.

Bɛ̈n 25:40

Loi ke cït man nyuöth Ɛn ke yïn në kuur nɔm.

Yith 19:19

Të lee köölë bɛ̈n, abï dɛ yïïŋ ë Bɛ̈nydït piny de Rip, ku mën ë kuur bï gäm En në aken ë Rip nɔm.

Ɣeberuu 8:5

Kek ë bänykë, ayek luui tëɣeric, paany cït kë nu paannhial, yen atïm de paany yic nu paannhial. Ɣɔn kɔɔr ë Mothe an bï ɣöt yïk, acï Nhialic lɛ̈k en an, “Woi ku looi këriëëc ëbɛ̈n ke thɔ̈ŋë guöp kë wään nyuthë yïn në kuurdït ë Thinai nɔm.”

Jocua 22:27

Ee yïïŋ bï ya cäätɔ në kaamda në week, ku mïth bï lɔ̈ɔ̈k tɔ̈u në wocök, nɔn ye wok Bɛ̈nydït lam në miɔ̈c ye nyop ëbɛ̈n, ku miɔ̈c ë rɛɛp cï geet, ku miɔ̈c de mät. Aa yïkku ke cïï mïthkun bï lɛ̈k mïthkuɔ wadäŋ an, “Wek cie kɔc ke Bɛ̈nydït.’

Jocua 22:29

Wok cïï löŋ de Bɛ̈nydït duëër kɔn dhoŋ kɔ̈u, ku acuku duëër kɔn puɔ̈l cök ku yïkku röt yïïŋ de miɔ̈c cï nyop, ku nɔn yen miɔ̈c de rɛɛp cï geet, ku nɔn yen miaac. Acïn yïïŋ däŋ pei duëërku yiëk röt, tën cïn yïïŋ töŋ de Bɛ̈nydït Nhialicda nu në paany de Bɛ̈nydït thok tueŋ.

Jocua 24:27

Ku lëk ë Jocua keek kedhie an, “Tiëŋkï ee kuurë! Yen abï ya cäätɔɔ, në baŋ cï yen jam de Bɛ̈nydït piŋ ëbɛ̈n. Ee yen abï week aa täk nïïm, ke we cïï Nhialicdun bï wööc piɔ̈u.