Jocua 22:22 - JAM DE NHIALIC 2011

²² “Awärjäŋ yen aye Nhialic! Yen aye Bɛ̈nydït! Awärjäŋ Yen aye Nhialic! Yen aye Bɛ̈nydït! Aŋic kë ë luiku ee kënë. Ku akɔɔrku bäk ŋic ayadäŋ! Na cuk löŋ ë Bɛ̈nydït dhoŋ kɔ̈u ee köölë, ke we näk wook!

Jocua 22:22 ပူးပေါင်းရင်းမြစ်များ

1 Mel 8:39

Piŋ lɔ̈ŋden ɣöndu paannhial, pälë keek awɛ̈ɛ̈cken, ku kony ke. Yïn Yïtök, Yïn ŋic kë nu ë mɛnh ë raan piɔ̈u. Ye raan ëbɛ̈n luöi kë rɔ̈ŋ kekë kë cï looi,

Jop 10:7

Na cakaa nɔn ŋic Yïn en luɔi cïn en kë cä wööc, ke acïn raan bï ya luäk bei në Yïcin.

Jop 23:10

Ku Yen aŋic të nu yɛn, na le ya them, abï ya yök ke ya lɔ gɔk cït adhääp.

Jop 31:22

ke arɔ̈ŋ duëër köŋdï thok puut bei në thuŋde yic ë ya aŋok, lööny piny,

Diɛt 136:2

Gämkï lɛc Nhialic wär yiëth ëbɛ̈n, nhiëërdɛn agɔk atɔ̈u athɛɛr.

Diɛt 37:6

abï piathëpiɔ̈ndu tɔ riau cït man akɔ̈l, ku riau yicdu cït man aköl athɛ̈i.

Diɛt 40:9

Luɔi cï yïn a kony, acä lɛ̈k akutnɔm dïït de kɔc juëc Bɛ̈nydït, acä ke guiëër wëlpiɛth. Aŋic nɔn cän bï kɔ̈ɔ̈c në guiɛɛr ë wëlpiɛth.

Diɛt 44:21

ke Yïn aduɛ̈ɛ̈rë ŋic, ë luöi ŋic Yïn kë cïï ë raan thiaan në yepiɔ̈u.

Diɛt 44:22

Në biäkdu, wok ee nɔ̈k ë akööl nyïïn ëbɛ̈n, wo cï tɔ cït thök ye tɛm röt.

Diɛt 50:1

Awärjäŋ Bɛ̈nydït Nhialic ajam, acɔl pinynɔm ëbɛ̈n, gɔl aköl amiäk le aköl athɛ̈i.

Diɛt 82:1

Nhialic ë nyuc tëde ë löŋdɛn athɛɛr nɔm, ku jɔ löŋ guiir ë tuucnhial yiic,

Diɛt 95:3

Në biäk ye Bɛ̈nydït Nhialic Awärjäŋ, ku Ye Meliŋ dïït wär yiëth kedhie.

Diɛt 97:7

Kɔc ee yiëth lam abïk gup yäär, yiëth kedhie ayek kenïïm guöt piny në Bɛ̈nydït nɔm.

Bɛ̈n 18:11

Acä jɔ ŋic nɔn Yen Bɛ̈nydït Yen dït awär yiëth kedhie. Në luɔi cï yen kɔc ke Yithriɛl luök ɣɔn luui ë kɔc ke Rip keek në dhääl.”

Jeremia 12:3

Ku Bɛ̈nydït, Yïn ŋic yɛn, Yïn ee kë luɔi woi, ku Yïn nhiaar aläl. Thɛlë kɔc ee karɛc looi wei, cï thök le nɔ̈k, tit keek aɣet të bïï ë kaam nɛ̈kë keek bɛ̈n.

Jeremia 17:10

Yɛn Bɛ̈nydït, Yɛn ee täŋ de kɔc kɔɔriic, ku thɛm kɔc piɔ̈ɔ̈th. Yɛn ee ŋɛk looi, cït man ë kueerdɛn ee yen ceŋ, ku cït man ë këdɛn ee looi.”

Danyel 11:36

“Ku melik de Thiriya abï lui cït man ë kë kɔɔr ë piɔ̈nde. Abï rɔt leec nɔn dïït en ë yiëth kɔ̈k awär Nhialic dït aya. Abï rɔt lɛɛc aya agut kööl bï Nhialic yen luöi këtuc. Ku Nhialic abï këdɛn cï kiëët looi ëdhöc tëde.

Danyel 2:47

Ago ë melik lueel an, “Nhialicdu yen adït në yiëth kedhie, ee Bɛ̈nydït nu në meliik nïïm, ku raan ee kacïmoony nyuɔɔth. Yɛn ŋic ee kënë në luöi cï Yïn ee këcïmoonyë wɛ̈ɛ̈ric yɛn.

Maika 7:9

Yɛn ë Bɛ̈nydït wööc piɔ̈u, ka yɛn bï yök ke ya gum agönhde ë määth. Na miäk, abï ya kony, ku nyooth yinydï. Abï ya bɛ̈ɛ̈i të ɣer, ka yɛn bï yinyde tïŋ.

Malakai 3:18

Ku ëtɛ̈ɛ̈n, wek bï kë loi rɔt jɔ ŋic në kaam de raan ɣer piɔ̈u kekë raan ee karɛc looi, ku kaam de raan ee Nhialic luööi kekë raan cïï Nhialic ee luööi.

Jɔn 21:17

Go bɛ thiëëc raandiäk an, “Thimon, wën ë Jona, nhiaar ɛn?” Petero piɔ̈u diu luɔi cï en e thiëëc raandiäk an, “Nhiaar ɛn?” Go lueel an, “Bɛ̈nydït, yïn ŋic këriëëc ëbɛ̈n, aŋic nɔn nhiaar ɛn yïn.” Go Yecu yɔ̈ɔ̈k an, “Nyuääthë amɛ̈lkï.”

Luɔi 1:24

Agokï lɔ̈ŋ an, “Yïn Bɛ̈nydït, yïn ŋic piɔ̈n ë kɔc kedhie, nyuöthë wook raan cï lɔc ë kɔckë kaarou yiic,

Luɔi 25:11

Ku na de kë cä wööc, ku na de kërɛɛc cä looi kërɛɛc röŋ ke luɔi bï a nɔ̈k, ke yɛn cïï duëër jai ë thuɔɔu. Ku të cïï kek ee yith, kek kak ë gɔɔny kek ɛn, ke luɔi duëër raan a tɔ yïnë keek aliu. Yɛn bï këdï lɛɛr ë Kaithar nɔm.”

2 Kor 11:11

Ee käŋö? Ee luɔi cän we nhiaar? Nhialic en aŋic en!

2 Kor 11:31

Nhialic Wun Bɛ̈nydan Yecu Kërtho, yen aŋic en nɔn cän lueth tör, yen acath ke athiɛɛi aɣet athɛɛr.

2 Kor 5:11

Yen ka, luɔi ŋic wok riɔ̈ɔ̈c bï kɔc dhil riɔ̈ɔ̈c ë Bɛ̈nydït, ke wo ye kɔc guët nïïm, ku Nhialic aŋic wopiɔ̈ɔ̈th, ku yɛn duëër piɔ̈u miɛt të cä wek wook ŋic piɔ̈ɔ̈th ayadäŋ në jam ë yak yök ë wepiɔ̈ɔ̈th.

Nyöŋ 10:17

Bɛ̈nydït Nhialicdun anu nhial ë yiëth nïïm ëbɛ̈n, ku riɛl nïïm ëbɛ̈n. Yen Adït ku Awärjäŋ, ku abïï ë dhil riɔ̈ɔ̈c. Yen acïï tɛ̈ɛ̈k yic ee nyuɔɔth, ku acïï kumthok ee gam.

1 Tim 6:16

Yen etök, yen acath ke ciën thuɔɔu, ku ye rëër tëɣer të cïn raan duëër thiääk ke ye, Raan cïn raan cï ye tïŋ, ku cïï duëërë tïŋ aya: ëye tɔ̈u ke riëëu ku riɛldït aɣet athɛɛr ya. Amiin.

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

Jocua 22:21

Ago dhiën ë Ruben puk nɔm kekë dhiën ë Gad, ku biäk de dhiën ë Manatha tɔ̈u të lɔ aköl amiäk, lëkkï bäny ke Yithriɛl kathiëër an,

Nyuuth 19:16

Ku acath ke rin cï gɔ̈ɔ̈r ë lupɔde kɔ̈u ku gäär ë yeɣäm an, “MELIK NU Ë MELIIK NÏÏM, KU BƐ̈NYDÏÏT NU Ë BÄNYDÏT NÏÏM.”

Nyuuth 2:23

Ku mïthke abä ke nɔ̈k abïk thou, ku abï ɣööt ke Nhialic ŋic kedhie, nɔn aa yɛn raan ee kɔc caath piɔ̈ɔ̈th, ku wɔi kë nu ee kɔc yiic thïn: ku yɛn bï raan ëbɛ̈n gäm kë rɔ̈ŋ ke luɔide week wedhie.

1 Tham 15:23

Në luɔi cït ë ciën gäm kërɛɛc de cäär, ku cït riɛl ë nɔm kërɛɛc de läm ë yiëth. Në biäk cïï yïn jam de Bɛ̈nydït rɛɛc ënɔɔnë acï yïn rɛɛc aya luɔi bï yïn aa melik.”

1 Tham 2:3

Du ee cool ë jam ke yï leec rɔt, ayï jam ee yïn jam ke yï ɣɛ̈ɛ̈c yïnɔm. Në luɔi ŋic ë Bɛ̈nydït Nhialic këriëëc ëbɛ̈n, ku Bɛ̈nydït ee këriëëc ye raan ëbɛ̈n looi them.