Jocua 20:9 - JAM DE NHIALIC 2011

⁹ Kek wuöt ke thiaan ka, wuöt ɣɔn kuɛ̈ny ë kɔc ke Yithriɛl kedhie ayï kɔc lei rɛ̈ɛ̈r në keek. Raan ëbɛ̈n, raan cï raan wääth aaye lɔ thiaan ëtɛ̈ɛ̈n në baŋ de raan kɔɔr an, bï raan ë näk guöör, ku acïï duëërë nɔ̈k ke jamde ë kënë kɔn lueel në akutnɔm nɔm.

Jocua 20:9 ပူးပေါင်းရင်းမြစ်များ

Kuɛ̈n 35:13

Ku lɔckï pɛ̈ɛ̈nydït ke thiaan kadhetem.

Kuɛ̈n 35:15

Pɛ̈ɛ̈nydïtkë kadhetem abï kɔc ke Yithriɛl aa lɔ thiaan thïn, ku alɛi ku kɔc rɛ̈ɛ̈r në ke yiic, ku raan cï raan nɔ̈k ëthiäu ke wɛ̈ɛ̈t.

Jocua 20:4

Të cï yen kat ke lɔ wun tök në ee wuötkë yiic, abïï ë kɔc lɛɛr ë kal thok, kal ë wut, ku tët röördït ke wut kë cï rɔt looi. Ku ëtɛ̈ɛ̈n, abïï röördït ke wut en jɔ tɔ lɔ wut, ku gëmkï tëde rëër ku tɔkï rɛ̈ɛ̈r ke keek.

Jocua 20:6

Ku abï rëër ëtɛ̈ɛ̈n gut të bïï ë jamde kɔn guiir në akutnɔm nɔm ku agut të bï bɛ̈nydïït ë kake Nhialic kɔn thou, bɛ̈nydïït ë lui në akööl e bïï yen në. Ku ëtɛ̈ɛ̈n aduëër rɔt jɔ pɔ̈k wunden, të ɣɔn ë kɔt en thïn.”

Jocua 20:8

Ku lɔckï Bedher në jɔ̈ɔ̈ric ë Jordan kɔ̈u të lɔ aköl amiäk de Jeriko, ku Bedher nu ë jɔ̈ɔ̈ric piny de Ruben, ku lɔckï Ramoth në Giliyad, në piny de Gad ku lɔckï Golan në Bacan, në piny de Manatha.