Jocua 2:9 - JAM DE NHIALIC 2011

⁹ “Aŋiɛc luɔi cï Bɛ̈nydït we gäm ee pinyë. Raan ëbɛ̈n në woyiic, ë riɔ̈ɔ̈c në week.

Jocua 2:9 ပူးပေါင်းရင်းမြစ်များ

Cäk 35:5

Na wën, ajël Jakop kekë mïthke, ke Nhialic ë tɔ kɔc nu në pɛ̈ɛ̈nydït thiääk në keek dɔm ë riɔ̈ɔ̈c. Gokï ke kɛ̈n bɛ̈n kuany cök.

2 Tham 17:10

Cakaa jööt ke kɔc cie riɔ̈ɔ̈c cït kɔ̈ɔ̈r, abïk riɔ̈ɔ̈c, në luöi ŋic ë kɔc ke Yithriɛl wuur luöi yen raan ŋic tɔŋ thɔ̈ɔ̈r, ku kɔcke aŋickï thɔ̈ɔ̈r aläl.

2 Mel 5:15

Na wën, ke puk e nɔm raan de Nhialic kekë kɔcke ku kɛ̈ɛ̈ckï ë yenɔm, ku luelkï, an, “Ënɔɔnë acä ŋic nɔn cïn en Nhialic nu ë tiɔp nɔm ëbɛ̈n, anu ë Yithriɛl etök, ënɔɔnë yïn läŋ, nöm miɔ̈c tëde lïmdu.”

2 Mel 7:6

Bɛ̈nydït ë kɔc ke Thiriya tɔ piŋ awuɔɔu de abëël ku jöŋgöör ke rem de tɔŋdït, go kɔc ke Thiriya cät an, cï melik de Yithriɛl meliik ke Ɣit ku Rip riɔp bïk ke bɛ̈n mak.

Neɣe 6:16

Ɣɔn aa lɔ kɔc ke aterda ee kënë piŋ, kek juöör thiääk ë wook ëbɛ̈n, acïk bɛ̈n yäär në biäk cïï raan ëbɛ̈n e ŋic nɔn cïï luɔi looi në kuɔɔny de Nhialic.

Ethta 8:17

Në pɛ̈ɛ̈nydït ë wuötiic kedhie, wuöt cïï ke lööŋ ke melik piŋ thïn, aaye miɛtëpiɔ̈u tëde kɔc ke Judai, agokï lɔ̈ŋ ku loikï dhuëëŋ. Ku kɔc juëc ke ee paanë, acïk röt bɛ̈n aa cɔɔl an yek kɔc ke Judai, në riɔ̈ɔ̈c riɔ̈ɔ̈c kek në keek.

Jop 19:25

Aŋiɛc ade Raan bï yɛn wɛ̈ɛ̈r bei, aŋiɛc nɔn pïïr En! Ku miäk le käŋ thäär adhöc, abï kɔ̈ɔ̈c në piny nɔm ëtënë ku kony ɛn,

Diɛt 112:10

Kɔc rac ayek ee kënë tïŋ ku göthkï, ayek ke lec reem ku jiëlkï, kë ye kɔc rac kɔɔr ee kë cïn naamde.

Diɛt 115:16

Paannhial ee këde Bɛ̈nydït yetök, ku acï piny gäm mɛnh ë raan bï cieŋ.

Bɛ̈n 18:11

Acä jɔ ŋic nɔn Yen Bɛ̈nydït Yen dït awär yiëth kedhie. Në luɔi cï yen kɔc ke Yithriɛl luök ɣɔn luui ë kɔc ke Rip keek në dhääl.”

Bɛ̈n 23:27

“Kɔc ee week kaaŋ nïïm abä keek aa riääc, ku nuɔɔn kɔc gɔ̈m në week. Ku kɔc de ater në week abä keek aa tɔ kɔt në week.

Wɛ̈ɛ̈t 8:12

Na cak raan ee karɛc looi awɛ̈ɛ̈c looi raan bɔt ku ŋoot ke pïïr, ka ŋiɛc këriëëc ëbɛ̈n abï dikëdik kekë kɔc ee Nhialic riëëu.

Yith 19:1

Kënë ee jam në biäk de Rip. Bɛ̈nydït abɔ̈ Rip ke riŋ arëët ë luät kɔ̈u. Yiëth ke Rip alɛthë keek në Ye nɔm, go kɔc ke Rip röt päl wei ë riɔ̈ɔ̈c.

Yith 23:5

Acakaa kɔc ke Rip të le kek thoŋ de Tayer piŋ, abï dɛ dhiënë piɔ̈u dït arëët.

Jeremia 27:5

“Ee Yɛn ë cak pinynɔm në riɛldiëndït, ku cak kɔc ku läi, ku gäm raan cä tïŋ ke piɛth të de Yɛn.

Naɣum 2:10

Acïn kë cï döŋ Ninebe, acï ya jɔ̈ɔ̈r cïï cieŋ! Ku riɔ̈ɔ̈c alɛth kɔc gup ëbɛ̈n. Acïn riɛl be nu, acïk nyïïn lɔ lɔ̈ɔ̈lɔ̈ɔ̈r në riɔ̈ɔ̈c.

Kuɛ̈n 20:14

Mothe ë kɔc bɛ̈n tooc Kadec, tuc keek melik de Edom, lek lɛ̈k en an, “Ke mïthëkɔckun lueelkï, kɔc ke Yithriɛl. Acïk lueel an katuc cuk guum ëbɛ̈n aŋiɛckï keek.

Kuɛ̈n 20:24

“Në baŋ wään cä wek löŋdï dhoŋ kɔ̈u në Meriba, Aron acï bï bɛ ɣet piny gäm Yithriɛl. Abï thou.

Math 20:15

Kënë päl ɛn nɔn bän kë nu ë yapiɔ̈u looi në kakï? Ku cï tiɛɛl yï dɔm, në baŋ de piath ë yɛn piɔ̈u?”’

Nyöŋ 11:25

Të bä wek lɔ thïn ëbɛ̈n në ee pinyë, Bɛ̈nydït Nhialicdun abï kɔc tɔ riɔ̈c në week, cït man cïï Yen ë thɔn, ku acïn raan bï we tɔ kääc.

Nyöŋ 2:25

ë kööl manë guöp yɛn bï riɔ̈ɔ̈cdït tääu në juöör ke pinynɔm piɔ̈ɔ̈th agokï aa riɔ̈ɔ̈c në week. Abïk käŋ aa piŋ në biäkdun ago keek lath ku rem keek piɔ̈ɔ̈th në këdun.

Nyöŋ 28:10

Ku ëtɛ̈ɛ̈n, abïï kɔc ke piny nɔm ëbɛ̈n jɔ tïŋ nɔn cïï Bɛ̈nydït week lɔc, bäk aa kɔc ke nɔmde, ku abïk aa riɔ̈ɔ̈c në week.

Nyöŋ 32:8

Bɛ̈nydït Awärjäŋ yen ee juöör gäm piny bï kek rëër thïn, ee të bïï kɔc ceŋ kedhie tek. Ku Yen ee jur ëbɛ̈n miɔɔc në wɛ̈ɛ̈t ke Nhialic.

Ɣeberuu 11:31

Aa ye gäm de yic aŋäth yen aa tɔ pɛ̈ɛ̈ny ke Jeriko wiëëk të ɣɔn wil ë kɔc ke Yithriɛl ke kɔ̈ɔ̈th në nïn kadhorou.

Jocua 2:11

Wok aa cïï riɔ̈ɔ̈c dɔm ɣɔn piŋ wok en, goku röt päl wei aläl në këdun. Bɛ̈nydït Nhialicdun Yen aye Nhialic de paannhial ku piny.

Jocua 2:24

Agokï Jocua lɔ guiëër këriëëc cïk yök ëbɛ̈n, luelkï an, “Acuk yök ë gök luɔi cïï Bɛ̈nydït wo gäm piny ëbɛ̈n. Kɔc nu ëtɛ̈ɛ̈n kedhie, ariɔ̈ckï aläl në wook.”

Jocua 2:8

Na wën, ŋoot ë nëëm ke ke kën guɔ tɔ̈c, ke Raɣap ë lɔ nhial ë ɣöt nɔm, le lɛ̈k keek an,

Jocua 5:1

Na wën, ke piŋ ë meliik ke Amor në wɛ̈ɛ̈r de Jordan kɔ̈u baŋ të lɔ aköl athɛ̈i, ku piŋ ë meliik ke Kanaan kedhie, në Wɛ̈ɛ̈rdïït ɣer kɔ̈u ëbɛ̈n nɔn cïï Bɛ̈nydït wɛ̈ɛ̈r de Jordan tɔ dëu, abï kɔc ke Yithriɛl tem të ril. Agokï riɔ̈ɔ̈c aläl, ku pɛ̈lkï röt wei në biäk de kɔc ke Yithriɛl.

Jocua 6:2

Na wën, ke lëk ë Bɛ̈nydït Jocua an, “Tïŋ Jeriko acä tääu ë yïciin, kekë melikde ku remdɛn ë tɔŋ.

Jocua 9:10

ku piŋku kë cï luöi meliik ke Amor në wɛ̈ɛ̈r de Jordan kɔ̈u baŋ të lɔ aköl athɛ̈i, ku kë cï luöi Thiɣon melik de Ɣecbon, ku Og melik de Bacan kɔc rɛ̈ɛ̈r Acetaroth.

Jocua 9:24

Gokï puk nɔm an, Aloiku aya bɛ̈ny, në luɔi cïï wok ë piŋ nɔn cïï Bɛ̈nydït Nhialicdun Mothe, awunde yɔ̈ɔ̈k ë yic nɔn bï yen en gäm piny ëbɛ̈n, ku tɔ näk kɔc tɔ̈u thïn kedhie në wenïïm tueŋ. Agoku riɔ̈ɔ̈c në wëikuɔ në biäkdun.

Jocua 9:9

Agokï pɔ̈k nɔm Jocua an, “Wok aa bɔ̈ piny mec arëët bɛ̈ny, në luɔi cïï wok Bɛ̈nydït Nhialicdun piŋ. Këriëëc cï looi Rip ëbɛ̈n acuk piŋ,

Bäny 7:14

Go mɛ̈thë puk nɔm an, “Kënë ee abätäu de Gidiɔn wën de Jowac, raan de Yithriɛl, acïn däŋ duëër ë nyuöthë lueel, acïï Nhialic gäm tiëm, bïï yen Midian tiaam kekë remdan ë tɔŋ ëbɛ̈n!”