Jocua 2:19 - JAM DE NHIALIC 2011

¹⁹ Ku raan ëbɛ̈n, raan lɔ bɛ̈n bei ɣööt ku le thou, ke gääkde anu në yeyeth yetök, acïï bï aa këda. Ku na de raan lɔ dɛ kë yök en ɣööt, ka bï nɔm aa wook.

Jocua 2:19 ပူးပေါင်းရင်းမြစ်များ

2 Tham 1:16

Go Debid lɛ̈k raan de Amalek an, “Yïn cï thuɔɔu yiɛ̈n rɔt. Ku yïn cï rɔt nɔ̈k yïtök, wën gɛm yïn en nɔn cï yïn raan cï Bɛ̈nydït lɔc ke ee melik nɔ̈k.”

2 Tham 4:11

Ku bïï thok jɔ tuöc adï tëde kɔc ee karɛc looi, kɔc cï raan cïn guöp awäc lɔ nɔ̈k ke nin ɣönde! Ënɔɔnë abä guöör në week, në biäk cä wek e nɔ̈k, ku nyaai week nyïïn ë piny nɔm!”

1 Mel 2:32

Abï Bɛ̈nydït gäm ariöpdɛn wään nɛ̈k en kɔc piɛthpiɔ̈ɔ̈th kaarou, kɔc wär en. Wäär aa cïï piɔ̈u mit në thon de Abener bɛ̈ny ë rem de tɔŋ de Yithriɛl ku Amatha bɛ̈ny ë rem de tɔŋ de Juda.

Bɛ̈n 12:13

Ku riɛm nu ë ɣööt thook, abï Yɛn nyuöth ɣööt rɛ̈ɛ̈r wek thïn. Të lan riɛm tïŋ ɣöt thok, wek bä aa winythook ke cïn kërɛɛc luöi week, të näk Yɛn kɛ̈i.

Bɛ̈n 12:22

Ku nɔ̈mkï wal, në wal ke ɣathopiic, ku juɔɔlkï ke në riɛm de nyök nu abïny yic, ku wiɛ̈ɛ̈thkï riɛm në ɣööt thook, ɣöt thok baŋ cuëc, ku baŋ cam ku ɣöt thok nhial. Ku ë cïn raan lɔ biic ɣönde aruu piny.

Bɛ̈n 12:23

Ku të le Bɛ̈nydït Rip caathic ke näk kɔc ke Rip, abï riɛm tïŋ ɣöt thok baŋë ku baŋë, ku baŋ nhial, ka cïï tuunynhial ë thuɔɔu bï bɛ tɔ lɔ ɣöndun le we nɔ̈k.

Lebai 20:11

Na lɔ raan tiiŋ ë wun nööm, acï wun yɔ̈ɔ̈r guöp, yen ë monyë kekë tiiŋë abïï keek dhil nɔ̈k, riɛmden abï nu ë keyiëth kapäc.

Lebai 20:9

Na lɔ raan wun kekë man läm aciɛɛn raanë abï dhil nɔ̈k, në biäk cïï yen wun kekë man lam, ku riɛmde abï nu ë yeyeth yetök.

Math 24:17

Ku raan nu ë ɣöt nɔm nhial ë cïï bɔ̈ piny bï käŋ bɛ̈n bɛ̈ɛ̈i bei ɣönde.

Luɔi 18:6

Ku të cï kek ater cak ku lɛ̈ɛ̈tkï, ke Paulo teŋ lupɔde, ku jɔ keek yɔ̈ɔ̈k an, “Ë riɛmdun tɔ̈u ë weyiëth, yɛn liu thïn, ëlë ënɔɔnë, yɛn bï lɔ tëde Juöör.”

Luɔi 20:26

Yɛn cï guɔ aa cäätɔ ë wenïïm ee köölë an, Riɛm ë raan ëbɛ̈n aliu ë yayeth.

Luɔi 27:31

Go Paulo bɛ̈ny de rem yɔ̈ɔ̈k, ku yöök rem de tɔŋ kɔ̈k an, “Të kënë kɔckë rëër ë abëlic, ke we cïï duëërë kony.”

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

Ɣeberuu 10:29

Në täŋdunic, duëër aa këtuc dïït cït ŋö, yen kuöm bï röŋ ke raan bï Wën ë Nhialic dhɔɔt guöp? Në reec reec yen En, ku kɛ̈c në yecök, ku ee riɛm de löŋ cï piɛc mac bï yen tɔ piɛthpiɔ̈u tɔ cïn naamde, ku ye Wëidït ɣer ke dhuëëŋdepiɔ̈u läät ë lɛ̈ɛ̈t rac.

Jocua 2:12

Ku ënɔɔnë, kuɛ̈ɛ̈ŋkï në Nhialicdun, nɔn bä wek baaida looi apiɛth wadäŋ, cït man luɔi ɛn week apiɛth ënɔɔnë. Ku nyäŋkï yɛn kë bän e ŋic nɔn bä wek en looi.

Jocua 2:14

Go nëëm lɛ̈k en an, “Wëikuɔ ayek nïïm wëikun! Të kɛ̈n wek wook luɛɛl, ke wek buk ŋiëc looi apiɛth në piɔ̈nda ëbɛ̈n wadäŋ, të le Bɛ̈nydït wo gäm ee pinyë.”

Jocua 2:20

Ku na lɔ kë loiku luɛɛl, ke wok cïï gutguut cïï wok kuëëŋ në yïn bï bɛ mukic.