Jocua 18:28 - JAM DE NHIALIC 2011

²⁸ ku Dhela, ku Ɣalep, ku Jebuth (yen aye Jeruthalem), ku Gibia, ku Kiriath Jiriim. Aake ye pɛ̈ɛ̈nydït kathiëër ku ŋuan kedhie, mɛ̈tkï në bɛ̈i thiääk në keek. Yen piny ë nööm ë dhiën ë Benjamin ka, ke ye pinyden.

Jocua 18:28 ပူးပေါင်းရင်းမြစ်များ

2 Tham 21:14

Go kɔc yom ke Thaulo kekë Jɔnathan tɔ̈ɔ̈u në Dhela piny de dhiën ë Benjamin në raŋ de Kicic wun Thaulo, gokï jam cïï melik lɛ̈k keek jɔ looi ëbɛ̈n. Na wën ke Nhialic ë jɔ lɔ̈ŋ gam në biäk de paanden.

2 Tham 5:6

Na wën ke melik kekë kɔcke jäl bïk Jeruthalem lɔ mak. Aaye kɔc ke Jebuth ceŋ ëtɛ̈ɛ̈n ye tak nɔn cïï ë Debid pänydït bï peec agokï lueel an, “Cöör ku aduɛɛny aduëërkï yïn gël, ke yï cï bï ɣëët thïn.”

2 Tham 5:8

Go Debid kɔcke yɔ̈ɔ̈k ee köölë an, “Raan kɔɔr bïï kɔc ke Jebuth mak abï tëëk ë nyïïn ke pïïu yiic piny, wek bï ŋöl ku cöör mak.” Në biäk cï ë ye lueel an, “Ŋöl ku cöör acïkï bï lɔ ë Luaŋdïtic.”

1 Lëk 8:28

Kakë ee kek ee bäny ke ɣööt thook cït man de täu de ciɛɛŋ de kuat rɛ̈ɛ̈r ë Jeruthalem.

Yith 10:29

Acïk kueer teem kɔ̈u, ku lek niin ë Geba! Kɔc nu wun cɔl Rama acïk riɔ̈ɔ̈c, ku kɔt kɔc nu ë Gibia wun ë yï melik Thaulo.

Jeremia 6:1

Acïï Bɛ̈nydït lueel an, “Bääkï wëikun wei, wek kɔc ke Benjamin! Bäkkï bei në Jeruthalem! Kuɔthkï kaaŋ në Tekowa, ku kuɔthkï many de tɔŋ në Bethɣakerem. Wek bïï riääk bɔ̈ të lɔ rut yök ee nïnkë.

Ɣodh 10:9

Aye Bɛ̈nydït lueel an, “Yithriɛl, wek cï wäc, gɔl në akööl wään ke Gibia agut cï ee köölë, we ŋoot ke we wäc. Kën tɔŋ kɔc ee karɛc looi bɛ̈n riɔ̈ɔ̈k ɣɔn në Gibia?

Kuɛ̈n 26:38

Ku bɛ̈i ke wɛ̈ɛ̈t ke Benjamin kï: Bela yen ade baai de Bila. Ku Acebel yen ade kɔc de Acebel. Ku Aɣiram yen ade baai yen ade dhiën de Aɣiram.

Kuɛ̈n 26:54

Gämë dhiën dït piny lääu, ku gämë dhiëën kor piny koor rɔ̈ŋ ke keek. Tɛ̈kkë keek në deeny de gɛk. Tɛ̈kkë dhiëën dït piny dït në gɛk, ayï dhiëën kor tɛ̈kkë keek aya në gɛk.

Kuɛ̈n 33:54

Tɛ̈kkï piny ɣööt ku dhiën në deeny ë gɛk, ago biäkdït aa gäm dhiën dït, ku biäk koor ke dhiën koor, cït man ë täu ë dhiëënken.

Jocua 15:63

Ku kɔc ke Juda akënkï kɔc ke Jebuth bɛ̈n lëu në cup, kɔc ɣɔn rɛ̈ɛ̈r ëtɛ̈ɛ̈n në kɔc ke Juda ëtök.

Jocua 15:8

ku tëëk në bäny de Ɣinom, në kuur baŋ të lɔ wöuwic, kuur ɣɔn nu ë Jeruthalem de kɔc ke Jebuth ë yelɔ̈ɔ̈m. Ku tëk akeu në kuur nɔm në bäny de Ɣinom baŋ të lɔ aköl athɛ̈i, në Repaim thok të lɔ rut.

Jocua 18:16

Ku jël ëtɛ̈ɛ̈n le ë kuur thar piny, kuur tuööm nɔm kekë bäny de wën ë Ɣinom, në bäny ë Repaim këc të lɔ rut. Ku tëëk në bäny de Ɣinomic, le tëëk në Jebuth lɔ̈ɔ̈m baŋ të lɔ wöuwic, ku le Enrogel.

Jocua 18:27

ku Rekem, ku Yipriilo, ku Tarala,

Jocua 19:1

Ku gaak ye kek rou ëbɛ̈n lɔ löny kekë baai de Thimion në dhiënken. Ku pinyden aɣet thok në piny ë Juda.

Bäny 1:21

Ku kɔc ke Benjamin akënkï kɔc ke Jebuth, rɛ̈ɛ̈r në Jeruthalem cop, ago kɔc ke Jebuth ŋoot ke ke rɛ̈ɛ̈r ë kɔc ke Benjamin në Jeruthalem, aɣet cï ë köölë.

Bäny 19:10

Ku acïï lebai kɔɔr bï bɛ niin, go jäl ke wel e nɔm Jebuth (yen aye Jeruthalem) kekë mul kaarou ku tiiŋ mɔ̈thde.

1 Tham 10:26

Ku jɔ Thamwɛl jäl ayadäŋ ke lɔ Gibia. Ago kɔc riil cïï Nhialic gut piɔ̈ɔ̈th cath në yen ëtök.