Jocua 18:10 - JAM DE NHIALIC 2011

¹⁰ Ago Jocua gɛk dɛɛny ë Cilo në Bɛ̈nydït nɔm, tëk en keek piny, ku jɔ dhiën aa gäm pinydɛn cï löny ke yen, në dhiëën ke Yithriɛl ɣɔn kënë kɔn gäm piny.

Jocua 18:10 ပူးပေါင်းရင်းမြစ်များ

1 Lëk 24:5

Ku në biäk de yen bäny juëc ke luɔi de tëɣeric tɔ̈u në mïth ke Eleyadhar ku mïth ke Yithamar yiic, kɔc acïk keek bɛ̈n gäm luɔi, në deeny de gɛk.

Neɣe 11:1

Ku Bäny nu ë kɔc nïïm aake rɛ̈ɛ̈r në Jeruthalem, ku kɔc kɔ̈kkë abïk gɛk dɛɛny ago baai tök aa lɔc në bɛ̈i kathiëër thook në wuöt ëbɛ̈n bïk lɔ rëër Jeruthalem pänydït ɣeric, ku kɔc kɔ̈kkë abï lɔ rëër në wuöt kɔ̈k dït yiic ku bɛ̈i thii kɔ̈kkë.

Diɛt 47:4

Acï wo lɔ̈c piny rɛ̈ɛ̈r wok thïn, piny cï leec, piny de kɔckɛn nhiɛɛr.

Diɛt 61:5

Yïn cï gutguutdï piŋ Nhialic, ku Yïn cï ya gäm kakë kɔc ee Yïn riëëu guöp.

Kɛ̈ŋ 18:18

Cuat ë gɛk ee ater tɔ thök, ku pɛ̈ɛ̈k këde kɔc ril.

Jeremia 7:12

Lakkï Cilo, të wään bäk kɔn lɔc tueŋ bï ë Yɛn aa lam thïn, ku tiëŋkï kë cä luöi yen në biäk de karɛc ke kɔckï Yithriɛl.

Edhekiɛl 47:22

abäk nööm ke ye këdun anandun. Alɛi rɛ̈ɛ̈r në weyiic ku kɔc cï mïthken bɛ̈n dhiëëth ee tënë, abïk biäkden de piny nööm aya të la wek en tek. Abï keek dhil aa luööi cït man ë dïïl ke dhiëën ke Yithriɛl, ku abïk deeny ë gɛk në mïth ke Yithriɛl ëtök.

Edhekiɛl 48:29

Acïï Bɛ̈nydït Awärjäŋ lueel an, “Yen kueer bïï ë piny tek ka, abï tɛ̈k dhiëën ke Yithriɛl ke ye pinyden.”

Maika 2:5

Ku në baŋ de ee kënë, wek bï nïïm ciën raan bï piny tɛk në gɛk, raan bï nu në amatnɔm de kɔc ke Bɛ̈nydïtic.

Kuɛ̈n 34:16

Go Bɛ̈nydït lɛ̈k Mothe

Math 27:35

Gokï piäät ë tim cï rïïu nɔm kɔ̈u, ku tekkï lupɔɔke, në deeny deeny kek gɛk, luɔi bï jam aa yic jam ɣɔn cï lueel ë tiët an, acïk lupɔɔkï tɛ̈k röt kapäc, ku deenykï gɛk ë këde alulutdï.

Jɔn 17:2

Acït man cï yïn e gäm riɛl ë tiɔp nɔm ëbɛ̈n, ke bï kɔc gäm pïïr athɛɛr, kɔc cï gäm en kedhie.

Luɔi 13:19

Na wën, aacï juöör riɔ̈ɔ̈k kadhorou paan ë Kanaan, ke ke tek pinyden në deeny cï kek gɛk dɛɛny.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

Kolothai 1:12

abäk aa lueel an, Thieithieei Wääda, Raan cï wo tɔ röŋ në luɔi duëër wok dɛ këda në kë bï kɔc ɣerpiɔ̈ɔ̈th lɔ̈ɔ̈k lak, kɔc nu tëɣer.

Jocua 14:2

Ku piny de dhiëënkë kadhoŋuan, ku biäk de dhiën ë Manatha, aa tek në gɛk cït man wään cïï Bɛ̈nydït ë thɔ̈n Mothe.

Jocua 14:5

Kɔc ke Yithriɛl acïk piny bɛ̈n tek në gɛk cït man cïï Bɛ̈nydït ë thɔ̈n Mothe.

Jocua 18:11

Wën tek ë piiny, piny de Benjamin yen aa kɔn löny kekë dhiënke, ku ɣöötke. Agokï löny në piny nu në kaam de Juda kekë Jothep.

Jocua 18:6

Gäärkï täude ye piinykë kadhorou, ku yiɛ̈nkï ke yɛn. Ku abä ke bɛ̈n tɛ̈k week në gɛk eenë në Bɛ̈nydït Nhialicda nɔm.

Jocua 18:8

Na wën, aa jël kɔc lek piny caath, ke lëk Jocua keek an, “Lak caathkï piny ëbɛ̈n, ku pääkkï thok, ku jakï bɛ̈n ciëën të nu yɛnë. Yɛn bï gɛk bɛ̈n dɛɛny ë Bɛ̈nydït nɔm ë Cilo, tɛ̈k ɛn week piny.”

Jocua 18:9

Agokï piny lɔ caath ëbɛ̈n, ku tïŋkï luɔi bï kek en tɛ̈k dhiën kadhorou. Ku gɛ̈ɛ̈rkï wuöt dït rin piny. Ku jɔkï kenïïm puɔ̈k Jocua në Cilo.

Jocua 19:51

Ku piinykë aake tek e Jocua wën e Nun keek kekë Eleyadhar bɛ̈ny de kake Nhialic ku bänydït ke ɣööt ke dhiëën ke Yithriɛl, ku tekkï në gɛk lop kek Bɛ̈nydït në Cilo, në paany de Mät thok. Yen luɔi e tek kek piny ka.

Jocua 23:4

Ku aŋiɛckï nɔn cän dhiëënken tɛ̈k piiny ke juöör, tɔkï ee piinyken, piiny ke juöör ŋoot ke ke kënë peec, ku piiny ke juöör cä peec, gɔl në Jordan ale guut Wɛ̈ɛ̈rdïït ɣer kɔ̈u të lɔ aköl athɛ̈i.