Jocua 17:11 - JAM DE NHIALIC 2011

¹¹ Ku në piny ë Yithakar kekë Acer, ku Beth Can kekë Yibiliim, aake ye wuöt ke Manatha. Ayï bɛ̈i thiääk në keek, ku ayï Dor kekë bɛ̈i thiääk në yen, ku Endor kekë bɛ̈i thiääk në yen, ku kɔc ceŋ Taanak, ayï bɛ̈i thiääk në yen, ku kɔc cieŋ Megido, ayï bɛ̈i thiääk në yen, ku wun ye wuöt diäk ee Napoth. Ku keek Kedhie ayek wuöt ke Manatha.

Jocua 17:11 ပူးပေါင်းရင်းမြစ်များ

2 Tham 21:12

go Debid yom ke Thaulo ku Jɔnathan lɔ bɛ̈ɛ̈i tëde kɔc ke Jabec në Giliyad. (Aake cï gupken lɔ kual në pëër de wutic, të wään cïï Pilithiin Thaulo ku Jɔnathan nöök ë pëër de Beth Canic, wään bïï kek ke nɔ̈k në kuur ë Gilbowa nɔm.)

1 Mel 9:15

Melik Tholomon acï kɔc luööi në riɛl bïk Luaŋdït yïk kekë ɣön ë bääny, ku tɔ keek kut piny nu të lɔ aköl amiäk de Jeruthalem, ku yïk kal de pänydït ëbɛ̈n. Ku be wuötkë yïk Ɣadhor ku Megido ku Jedher.

2 Mel 9:27

Na wën aa lɔ Aɣadhia melik de Juda ye tïŋ, go kat ë jöŋgörde ke wel e nɔm wun cɔl Bethɣagan, go Jeɣu cop cök ku lëk kɔcke an, “Näkkï aya.” Gokï moc në abëldɛn ë tɔŋ kɔ̈u, të wën ciɛth en në kueer lɔ Gur, tëthiääk ke wun cɔl Yibiliim. Ku acï bɛ̈n lëu bï ɣet Megido, ku jɔ lɔ thou ëtɛ̈ɛ̈n.

1 Lëk 6:70

Ku tëde biäk de Manatha nu të lɔ aköl athɛ̈i, acï keek bɛ̈n gäm wuöt ke yï Aner, ku Biliim kekë ɣäänkɛn ke nyuäth, ku kɔc kɔ̈k ke dhiën de Koɣath.

1 Lëk 7:29

Kuat de Manatha kek amac pɛ̈ɛ̈nydït ke Beth Can, Taanak, Megido, ku Dor ku wuöt thiääk ë keek. Ɣäänkë kedhie kek aa cieŋ ë kuat de Jothep wën de Jakop.

2 Lëk 35:22

Ku Jothia acï bɛ̈n ŋoot ke kɔɔr thɔ̈ɔ̈r. Acï kë cïï Nhialic lɛ̈k melik Neko rɛɛc bïï piŋ, go rɔt thiaan ë lupɔɔ kɔ̈k cie kake melik ku lee tɔŋ thɔ̈ɔ̈r ë riaaŋ de Megido yic.

Diɛt 83:10

Acï keek tiaam në Endor, ago gupken bɛ̈n dhiap piny.

Jeremia 49:2

Ku akööl abïkï akööl bän kɔc ke Rabba tɔ piŋ awuɔɔu de tɔŋ, ku abï nyääŋ piny ke cï riääk, ku bɛ̈ike abïï ke nyuɔp piny ë mac. Ku ëtɛ̈ɛ̈n Yithriɛl abï pinyde pɔ̈k nɔm ciëën tëde kɔc ɣɔn cï ye nööm tëde keek.

Dhek 12:11

Në ee köölë, dhiëëu abï dït arëët Jeruthalem cït man ë dhiën ë dhiëëuwë Ɣadad Rimon në riaaŋ de Megido yic.

Jocua 11:2

ayï meliik nu piny ë kuur, kur nu të lɔ rut, ayï meliik nu në Araba në Jordan yɔu në Baar ë Galili baŋ të lɔ wöuwic, ayï meliik nu në kur thäär, ayï wɛ̈ɛ̈r thok të thiääk kekë Dor të lɔ aköl athɛ̈i.

Jocua 12:21

ku meliŋ de Taanak, ku meliŋ de Megido,

Jocua 12:23

Ku meliŋ de Dor (në wɛ̈ɛ̈r yɔu), ku meliŋ de Goyim (në Galili).

Jocua 16:9

Wuöt ku bɛ̈i juëc nu piny ë Manatha, ku acïï kɔc ke Eparaim ke bɛ̈n nööm.

Jocua 17:10

Ku piny baŋ të lɔ wöuwic, aaye piny de Eparaim, ku piny baŋ të lɔ rut aaye piny de Manatha. Ku akenden në baŋ të lɔ aköl athɛ̈i, aaye Wɛ̈ɛ̈rdïït ɣer. Ku aake de akeu në Acer, në biäk të lɔ rut. Ku dekï akeu në Yithakar në biäk të lɔ aköl amiäk.

Jocua 17:16

Ago dhiën ë Jothep puk nɔm an, “Ë yic, piny ë kuur ë Eparaim akoor, acïï wo leer, ka töŋ jɔ nu cie luɔi de kɔc ke Kanaan nïïm abëël ke wëëth kedhie, abëël ke tɔŋ ke Kanaan rɛ̈ɛ̈r Beth Can, ayï kɔc rɛ̈ɛ̈r në bɛ̈i thiääk në yen, ayï kɔc rɛ̈ɛ̈r në Wak ë Jedhreel.

Bäny 1:27

Dhiën ke Manatha, akënkï kɔc rëër ë Beth Can në bɛ̈ike cuɔp wei, ku Taanak, ku Dor, ku Yibiliim, ku Megido, ku bɛ̈i thiääk në keek ŋoot ë kɔc ke Kanaan ke ke rɛ̈ɛ̈r thïn.

Bäny 5:19

Në Taanak, ë nyin de Megido, Meliik acïk bɛ̈n thɔ̈ɔ̈r, ku thäär Meliik ke Kanaan, ku acïn ateŋ töŋ cïk bɛ̈n jɔt.

1 Tham 28:7

Ago Thaulo bänyke cɔɔl, an, “Kɔ̈ɔ̈rkï ya tiiŋ tiët, ke bä lɔ luɔp.” “Gokï pɔ̈k nɔm en, an, “Tök atɔ̈u në Endor.”

1 Tham 31:10

Ëtɛ̈ɛ̈n gokï kakɛn ë tɔŋ tääu ë luaŋ de yanh cɔl Acetaroth yic, ku jɔkï guöpde piäät në päny de wun cɔl Beth Can kɔ̈u.

1 Tham 31:12

go jööt ril röt jɔt, ku ciɛthkï në wɛ̈ɛ̈ric ëbɛ̈n ke ke lɔ Beth Can. Gokï gup ke Thaulo kekë wɛ̈ɛ̈tke bɛ̈ɛ̈i piny në päny kɔ̈u, ku bïïkï ke Jabec ku nyopkï keek ëtɛ̈ɛ̈n.