Jocua 15:8 - JAM DE NHIALIC 2011

⁸ ku tëëk në bäny de Ɣinom, në kuur baŋ të lɔ wöuwic, kuur ɣɔn nu ë Jeruthalem de kɔc ke Jebuth ë yelɔ̈ɔ̈m. Ku tëk akeu në kuur nɔm në bäny de Ɣinom baŋ të lɔ aköl athɛ̈i, në Repaim thok të lɔ rut.

Jocua 15:8 ပူးပေါင်းရင်းမြစ်များ

2 Tham 5:18

Ago Pilithiin bɛ̈n në Wak de Repaim yic ku ɣɛ̈pkï ëtɛ̈ɛ̈n.

2 Tham 5:22

Na ɣɔn ke Pilithiin ë ke be bɛ̈n në Wak de Repaim yic ku ɣɛpkï.

2 Mel 23:10

Go melik yïïŋ de Topeth tɔ nhiany, ɣɔn nu ë Wak de wɛ̈ɛ̈t ke Ɣinomic, ke cïn raan bï wënde ku nɔn ee nyande be lɔ gam ke ye miɔ̈c nyupë yanh cɔl Molek.

1 Lëk 11:4

Ago melik Debid ke kɔc ke Yithriɛl kedhie jäl, ku mɛkkï pänydït de Jeruthalem. Aa ye cɔl Jebuth ɣɔn, ku kɔc ke Jebuth ɣɔn ceŋ piny, aake ŋoot ke ke nu ëtɛ̈ɛ̈n.

2 Lëk 28:3

ku ye nyuöp wal ŋïr në wak de Ɣinom yic, arëk abï wɛ̈ɛ̈tke aa gäm yiëth ke ke ye miɔ̈c ye nyop ëbɛ̈n, ku jɔ luɔi rɛɛc de juöör wään bï Bɛ̈nydït keek cuɔp wei në ye pinyë yic aa looi, të wään jɔ Yithriɛl lɔ ke ke bɔ̈ thïn.

Neɣe 11:30

Në Dhanowa në Adulam ku bɛ̈i thii thiääk ee wuötkë yiic, keek arëërkï në Lacic ku duum thiɔ̈k ëtɛ̈ɛ̈n yiic, ku Adheka ku bɛ̈ikɛn thiääk në yen. Ka kɔc ke Juda aake rɛ̈ɛ̈r në aken tɔ̈u në kaam de Biirceba në biäk de wöuwic ku wunthiin de Ɣinom në biäk lɔ rut.

Yith 17:5

Yithriɛl abï ciët dom de anyuɔl cït tök ku tem, abï yic ciɛ̈n raan cï dom cï nyääŋ piny ë wak de Repaim yic, të cï ë ye tet ëbɛ̈n.

Jeremia 19:14

Ku ëtɛ̈ɛ̈n yɛn cï Topeth jɔ nyääŋ piny, të wën cï Bɛ̈nydït ya yɔ̈ɔ̈k bä jamde lɔ lueel thïn. Yɛn cï lɔ ku la kɔ̈ɔ̈c tëde gööny ë Luaŋdïtic, ku ja kɔc yɔ̈ɔ̈k kedhie,

Jeremia 19:2

ku bä lɔ në kueer ë kal Thoŋ ë Potoced të lɔ bäny ë Ɣinom. Ku yɛn bï jam bïï gäm yɛn jɔ lueel ëtɛ̈ɛ̈n.

Jeremia 19:6

Ka ënɔɔnë akööl abïk bɛ̈n, akööl cïï ee tënë bï bɛ aa cɔl Topeth ku nɔn ee wak de Ɣinom. Abïï cɔl Wak de Tëm de Röl.

Jocua 15:63

Ku kɔc ke Juda akënkï kɔc ke Jebuth bɛ̈n lëu në cup, kɔc ɣɔn rɛ̈ɛ̈r ëtɛ̈ɛ̈n në kɔc ke Juda ëtök.

Jocua 18:16

Ku jël ëtɛ̈ɛ̈n le ë kuur thar piny, kuur tuööm nɔm kekë bäny de wën ë Ɣinom, në bäny ë Repaim këc të lɔ rut. Ku tëëk në bäny de Ɣinomic, le tëëk në Jebuth lɔ̈ɔ̈m baŋ të lɔ wöuwic, ku le Enrogel.

Jocua 18:28

ku Dhela, ku Ɣalep, ku Jebuth (yen aye Jeruthalem), ku Gibia, ku Kiriath Jiriim. Aake ye pɛ̈ɛ̈nydït kathiëër ku ŋuan kedhie, mɛ̈tkï në bɛ̈i thiääk në keek. Yen piny ë nööm ë dhiën ë Benjamin ka, ke ye pinyden.

Bäny 1:21

Ku kɔc ke Benjamin akënkï kɔc ke Jebuth, rɛ̈ɛ̈r në Jeruthalem cop, ago kɔc ke Jebuth ŋoot ke ke rɛ̈ɛ̈r ë kɔc ke Benjamin në Jeruthalem, aɣet cï ë köölë.

Bäny 1:8

Go kɔc ke Juda Jeruthalem mɔɔk piny ku peckï. Acïk kɔc ke wut nɔ̈k ku ɣökkï mac.

Bäny 19:10

Ku acïï lebai kɔɔr bï bɛ niin, go jäl ke wel e nɔm Jebuth (yen aye Jeruthalem) kekë mul kaarou ku tiiŋ mɔ̈thde.