Jocua 15:7 - JAM DE NHIALIC 2011

⁷ ku tëëk akeu në wak de Akor, ku le Debir, ku bɛɛric të lɔ rut, ku le rɔt puɔ̈k Gilgal ke tuööm nɔm kekë Adumim nu në wak thok të lɔ wöuwic. Ku tëëk në awɛɛŋ ke pïïu ke Encemec, ku bɛɛric Enrogel,

Jocua 15:7 ပူးပေါင်းရင်းမြစ်များ

2 Tham 17:17

Ku Jɔnathan wën de Abiathar, ku Aɣimaadh wën de Dhadok, aake tït ë Enrogel, në Jeruthalem thok, në luɔi cïï kek ye kɔɔr bï keek tïŋ ke ke lɔ Jeruthalem. Aa de nyan thiin lïm ee lɔ tëde keek biic, ku lëk keek kë loi rɔt. Ku jɔ Jɔnathan kekë Aɣimaadh ye lɔ lɛ̈k melik Debid.

1 Mel 1:9

Go Adonija thök, ku thön, ku miöör cuai nɔ̈k në Kuur ë Kërac lɔ̈ɔ̈m, të thiääk ke nyin cɔl Enrogel, ku cɔɔl mïthëkɔcken ëbɛ̈n, wɛ̈ɛ̈t ke melik Debid, ku bäny nu ë dhiën ë melik nɔm ëbɛ̈n në Juda.

Yith 65:10

Abïk ɛn aa lam ku watkï thökken, ku ɣɔ̈kken bïk lɔ nyuäth në riaaŋ de Caron yic në biäk të lɔ aköl athɛ̈i, ku në wak de Agööth yic në biäk të lɔ aköl amiäk.

Jocua 10:43

Ku ëtɛ̈ɛ̈n, Jocua ë yenɔm bɛ̈n dak Gilgal kekë rem de tɔŋde ë bɛ̈n.

Jocua 15:15

Ku jël Kalep ëtɛ̈ɛ̈n, lee tɔŋ Debir. (Debir aaye kɔn cɔɔl ɣɔn an Kiriath Theper)

Jocua 15:6

ku tëëk në Beth Ɣogla, ku le tëëk ë baŋ të lɔ rut në Beth Araba, ku bɛɛric në kuur de Boɣan wën ë Ruben,

Jocua 18:17

Ku puk rɔt të lɔ rut ëtɛ̈ɛ̈n, le Encemec, ku bɛɛric Geliloth, të tuööm nɔm kekë Adumim. Ku bɛɛric në kuur ë Boɣan (Boɣan ee wën ë Ruben)

Jocua 4:19

Ku kɔc tem wɛ̈ɛ̈r de Jordan kɔ̈u në kööl ye pɛɛi tueŋ thok thiëër, agokï lɔ piɔ̈ɔ̈t Gilgal, në aken ë Jeriko nɔm baŋ të lɔ aköl amiäk.

Jocua 7:24

Ago Jocua Akkan dɔm, ku dɔm ë kɔc ke Yithriɛl en kedhie, ku nömkï ateek, ku lupɔ, ku adhääp, ayï wɛ̈ɛ̈t ke Akkan, ayï duetke, ayï ɣɔ̈kke, ayï thökke, ayï paanyde ku këriëëcde ëbɛ̈n, ku leerkï ke në wak de Akor.

Jocua 7:26

Ku jɔkï Akan thɔ̈c nɔm kut ë kurdït. Kek ee kurkë aŋootkï ke ke tɔ̈u agut cï ye köölë. Yen aŋoot ee wak ke ye cɔɔl an wak de Akor. Ku ëtɛ̈ɛ̈n, Bɛ̈nydït ë agönhde jɔ bɛ̈n pɔ̈l.