Jocua 15:19 - JAM DE NHIALIC 2011

¹⁹ Go lɛ̈k en an, “Yɛn kɔɔr miɔ̈c däŋ: yïn ë ya gäm piny nu ë jɔ̈ɔ̈ric, ka yïn gäm ë yɛn awɛɛŋ ke pïïu ayadäŋ. Go Kalep en gäm awaŋ ë pïïu nu tëthöny nhial kekë awaŋ nu tëthuth piny.

Jocua 15:19 ပူးပေါင်းရင်းမြစ်များ

Cäk 12:9

Ku jɔ Abram bɛ baaric ke cath ke ye lɔ̈ŋ kueer, abï ɣet piny ë Kanaan thar ciëën ya, të lɔ wöuwic.

Cäk 33:11

Dɔm miɔ̈cdiën cä tuöc yïn, yïn läŋ, në luɔi cï Nhialic ya ŋiëc looi apiɛth, ka yɛn ë nɔm dɛ kajuëc aläl ënɔɔnë.” Na wën, acï Jakop Ethau lɔ̈ŋ arëët, ke dɔm ë Ethau keek.

2 Kor 9:5

Aguɔ lueel ë yapiɔ̈u an, bä mïthëkɔckuɔ dhil yɔ̈ɔ̈k an, bïk kɔn lɔ tëde week, lek kë cäk gam ë dhuëëŋ kɔn guik abï thök, kë cän këde kɔn lɛ̈k week, luɔi bï en aa këde dhuëëŋ, acie këde ciɛɛŋ cï we dhil cieŋ.

Nyöŋ 33:7

Ku lueel jamë në biäk de dhiën de Juda an: “Bɛ̈nydït, piŋ dhiënden të dhiëëu kek kuɔɔny, bɛ ë keek määt në dhiën kɔ̈kkë. Ku Ye tɔŋ thɔ̈ɔ̈r në baŋden, Bɛ̈nydït. Ku kuɔny keek në kɔc ke aterden.”

Jocua 15:18

Na wën, në kööl de thiëëk, go Othaniɛl lɛ̈k Acetha an, “Lip wuur në dom.” Na wën, ke Acetha lɔ piny ë muul kɔ̈u, go Kalep en luɔp në kë kɔɔr.

Jocua 15:20

Yen piny ë gëmë kɔc ke Juda kï në bɛ̈iken kedhie.

1 Tham 25:27

Ku miɔ̈c cï lïmdu yiɛ̈n bɛ̈nydï, ë gëmë kɔc ee yïn kuany cök.