Jocua 15:17 - JAM DE NHIALIC 2011

¹⁷ Ago Othaniɛl, wën ë Kenadh mɛnhkënë Kalep wut rum. Go Kalep en gäm Aketha nyande, tɔ ye tik.

Jocua 15:17 ပူးပေါင်းရင်းမြစ်များ

1 Lëk 2:49

Na ɣɔn ke be yen dhiëth wɛ̈ɛ̈t kɔ̈k kaarou, Caap, ɣɔn gɔl wun cɔl Madmana, ku Ceba ɣɔn gɔl wuöt cɔl ke Makebena ku Gibia, Kalep ade nɔm nyan cɔl Aketha,

1 Lëk 4:13

Kenadh ade wɛ̈ɛ̈t kaarou: Othaniɛl ku Theraya. Othaniɛl aya ade wɛ̈ɛ̈t kaarou: Ɣathath, ku Minothai,

Kuɛ̈n 32:12

Kënë aa cuup kɔc kedhie, ee Kalep wën de Jepuna e kɔc ke Kenidhita, ku Jocua wën de Nun kek aa dɔ̈ŋ në biäk riëëu kek Bɛ̈nydït arëët.

Jocua 14:6

Ku ëtɛ̈ɛ̈n kɔc ke dhiën ë Juda acïk bɛ̈n lɔ të de Jocua në Gilgal, ke ke cath në Kalep wën ë Jepuna, raan ë Kenidhai. Go Kalep lɛ̈k Jocua an, “Yïn ŋic kë wään lëk ë Bɛ̈nydït Mothe, raan de Nhialic, në Kadec Barniya në biäkdï wokë yïn.

Jocua 15:16

Aa cïï Kalep lueel an, Aketha nyandï, abä gäm raan lɔ Kiriath Theper rum.

Bäny 1:13

Go Othaniɛl wën ë Kenadh, Kenadh mɛnhkënë Kalep thiinë wut peec, go Kalep nyande Aketha gäm en.

Bäny 3:11

Go piny jɔ dɛk mät në run kathiërŋuan ku jɔ Othaniɛl wën de Kenadh bɛ̈n thou.

Bäny 3:9

Na wën ke Yithriɛl ë dhiau ë Bɛ̈nydït nɔm, go raan tuööc bïï ke luök. Raanë acɔl Othaniɛl wën ë Kenadh, Kenadh mänhë Kalep thiinë.