Jocua 14:12 - JAM DE NHIALIC 2011

¹² Ka yïn, gämë ya piny ë kuur cït man wään cïï Bɛ̈nydït ye than kööl ɣɔn bïï wok thok. Acuk bɛ̈n lɛ̈k yïn nɔn nu jööt ke Anakim në pɛ̈ɛ̈nydït cï gël aril. Go lueel an, Bɛ̈nydït abï tɔ̈u ke yɛn ka abä ke cuɔp wei cït man cïï Bɛ̈nydït ë lueel.”

Jocua 14:12 ပူးပေါင်းရင်းမြစ်များ

2 Mel 19:4

Rabcaka bɛ̈ny ë rem de tɔŋ de Athiriya alɛ̈ɛ̈t Nhialic pïïr. Ku Bɛ̈nydït Nhialicdu abï ee lɛ̈ɛ̈të piŋ ku bïï kɔc luel ke luöi këtuc. Ku läŋë në biäk de kɔckuɔn cï döŋ apïr.”

2 Lëk 14:11

Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

Diɛt 44:3

Kɔcku aake cïï piny rum në abätäu, acie cinken kek ë tɔ ke tiëm. Ee ciin cuënydu, kekë köŋdu. Ku many de Yïn nyin, në luɔi nhiɛɛr Yïn keek.

Diɛt 60:12

Të tɔ̈u ë Nhialic në biäkda wok bï tiam, Yen abï kɔc ke aterda tiaam.

Kuɛ̈n 13:28

Ku töŋ jɔ nu, kɔc de piny arilkï arëët, ku arëërkï në wuöt dit arëët, pɛ̈ɛ̈nydït cï gël apiɛth. Ku ke jɔ rac arëët, ee luɔi cïï wok kuat de jööt cɔl Anak lɔ yök ëtɛ̈ɛ̈n ayadäŋ.

Kuɛ̈n 13:33

Ku jööt acuk keek tïŋ ëtɛ̈ɛ̈n aya, kuat de Anak. Agoku röt bɛ̈n biɔɔn ku tïŋku röt cït man ë gɔt tei, ku tïŋkï wook ayadäŋ cït gɔt.”

Kuɛ̈n 21:34

Go Bɛ̈nydït lɛ̈k Mothe an, “Duk riɔ̈c në yen. Abä tɔ luöikï kë cït kë wään bäk kɔn luöi Thiɣon, meliŋ de kɔc ke Amor, ɣɔn cieŋ Ɣecbon.

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Nyöŋ 1:28

Ee tënou yen bï wok lɔ? Mïthëkɔckuɔ acïk wook tɔ pɛ̈l röt wei? Ayek lueel an, Ril kɔc ku bɛ̈ɛ̈r awärkï wook ku pɛ̈ɛ̈nydïtken adïtkï ku adekï kɛ̈ldït ɣet nhial ya. Ayï kɔc ke Anakim acuk kek tïŋ ëtɛ̈ɛ̈n.

Nyöŋ 9:1

Go lueel an, “Piɛŋkï kënë, kɔc ke Yithriɛl, ee köölë we kɔɔr bäk tem, ke we lɔ ë wɛ̈ɛ̈r de Jordan nɔm lɔŋtui, bäk piny lɔ nööm, piny de juöör dït ku rilkï awär week. Pɛ̈ɛ̈nydïtken adïtkï, ku acï ke gël ë kɛ̈ldït bär lɔ nhial.

Nyöŋ 9:3

Ku ënɔɔnë, abäk tïŋ ë wenyïïn wapäc, luöi bïï Bɛ̈nydït Nhialicdun cath ë wenïïm tueŋ cït many dɛ̈p. Abäk keek tiaam, të la wek ke we lɔ tueŋ, aguɔkï keek cuɔp wei, ku riäärkï keek nyïïn ëthiäu, cït man cïï Yen e lueel.

Pilipoi 4:13

Yɛn ee këriëëc lëu ë luɔi ëbɛ̈n në yen, yen raan ë ya gäm riɛl.

Ɣeberuu 11:33

Gämdɛn de yic aŋäth yen aa tɔ kɔc kɔ̈k në keyiic thäär ë wuöt, abïk tɔɔŋ ke meliik tiaam, ku loikï löŋ lɔ wai ee löŋ ŋiëc tiiŋic. Gokï ka cï Nhialic kɔn lɛ̈k keek yök, në biäk de gäm de yic aŋäth acïk kɔ̈ɔ̈r bɛ̈n dɔm thook.

Jocua 15:14

Ago Kalep mïth ke Anak cuɔp wei wut, cop dhiën ë Cecai, ku dhiën ë Aɣiman, ku dhiën ë Talmai.

Bäny 1:20

Go Ɣebron, gäm Kalep, cït man cï Mothe ye than piny, ago Kalep wɛ̈ɛ̈t ke Anak kadiäk cop kɔc ɣɔn rɛ̈ɛ̈r ëtɛ̈ɛ̈n.

1 Tham 14:6

Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”