Jocua 13:14 - JAM DE NHIALIC 2011

¹⁴ Ku Mothe acïn piny cï gäm dhiën de Lebi. Cït man cï ë Bɛ̈nydït ye lɛ̈k Mothe, kë bïk nööm ke ee biäkden ee miɔ̈c näk ye nyop në yïïŋ de Bɛ̈nydït Nhialic de Yithriɛl nɔm.

Jocua 13:14 ပူးပေါင်းရင်းမြစ်များ

Edhekiɛl 44:28

“Bäny ke kake Nhialic adekï bääny de bäny de kake Nhialic ke ee biäkden, acä gäm kɔc ke Yithriɛl bï aa gam në rɛm thook kedhie, rɛm bï lɔ̈ɔ̈k bɛ̈n. Acïkï nïïm bï dɛ ka mukkï piny de Yithriɛl, ee Yɛn ë këdɛn kɔɔrkï ëbɛ̈n.

Edhekiɛl 44:29

Miɔ̈c ë rap, ku miɔ̈c de kërac, ku miɔ̈c de awäc, abïï bäny ke kake Nhialic ke cam, abïk käŋ aa nööm tëde Yithriɛl ëbɛ̈n, ka cï tɔ̈ɔ̈u pei ke ke ye kakï.

Nyöŋ 10:9

Yeka kën ë dhiën de Lebi piny nööm cït man ë dhiën kɔ̈k, kë cïk yök ee diɛk në luöi, cïï kek aa bäny ke kakë Nhialic, cït man cïï Bɛ̈nydït Nhialicdun ye lueel.)

Nyöŋ 12:12

Jakï piɔ̈ɔ̈th miɛt ëtɛ̈ɛ̈n në Bɛ̈nydït lɔ̈ɔ̈m week në mïthkun, ku lïïmkuön röör ku diäär, ku Lebai rëër ë wuötkuniic, ku aŋiɛckï nɔn cïn ë Lebai nïïm wuöt ke naamden.

Nyöŋ 12:19

Ku abäk dhil ŋic aya, nɔn cä wek Lebai bï päl wei, në run rɛ̈ɛ̈r wek pinydun.

Jocua 13:13

Ku kɔc ke Yithriɛl kën kɔc ke Gecur cuɔp wei, ayï kɔc ke Maaka, ka aŋootkï ke ke rɛ̈ɛ̈r në kɔc ke Yithriɛl agut cï ee köölë.

Jocua 13:15

Na ɣɔn, ke Mothe ë gëm piny biäk dhiën ë Ruben cït man ë kuën ë ɣöötken, tɔkï ee pinyden.

Jocua 13:33

Ku Mothe acïn piny ë cï gäm kɔc ke Lebai. Acï bɛ̈n lɛ̈k keek nɔn ye miɔ̈c ye gäm Bɛ̈nydït Nhialic de Yithriɛl këden.

Jocua 18:7

Ku Lebai acïï ke bï gäm piny në week ëtök. Luɔi luui kek Bɛ̈nydït ke ke ye Bäny ke kake Nhialic yen aye biäkden. Ku cït man ŋiɛc wek en, dhiën ë Gad, kekë dhiën ë Ruben, ku biäk töŋ de Manatha, acïk piinyken nööm në Jordan lɔŋ të lɔ aköl amiäk. Piny ɣɔn gëmë Mothe keek, awun de Bɛ̈nydït.”