Jocua 11:17 - JAM DE NHIALIC 2011

^17-18 Piny gɔl rɔt në kuur de Ɣalak të lɔ wöuwic në Edom lɔ̈ɔ̈m, agut cï Baalgad të lɔ rut, në bäny ë Lebanɔn në kuur de Ɣermon. Jocua acï cieŋ ke piɔ̈t ke meliik ceŋ ee pinyë, ku acï ke bɛ̈n tiaam, ku nɛ̈k keek kedhie.

Jocua 11:17 ပူးပေါင်းရင်းမြစ်များ

Cäk 32:3

Go Jakop kɔc tuɔɔc ë yenɔm tueŋ, tuc ke Ethau mänhë, në piny cɔl Thiyer. Lek wun cɔl Edom.

Diɛt 89:12

Yïn cï të lɔ rut cak kekë të lɔ wöuwic, Kuur de Tabor kekë kuur de Ɣermon ayek Yïn leec rin.

Nyöŋ 1:7

Cuɔckï röt ku lakï piny ë kuur de kɔc ke Amor, ku lɔ ɣään thiɔ̈k ëtɛ̈ɛ̈n në Araba ku Jordan yɔu kedhie, ku kur nïïm ku lɔ të lɔ aköl athɛ̈i ku të lɔ wöuwic, ku të lɔ Wɛ̈ɛ̈rdïït ɣer yɔu ku piny de Kanaan kekë Lebanɔn lɔɔr abä ɣet wɛ̈ɛ̈r dït yɔu, wɛ̈ɛ̈r ë Yuparat.

Nyöŋ 2:1

Na wën ke wo puk röt ciëën të lɔ jɔ̈ɔ̈ric ë kueer lɔ Wɛ̈ɛ̈r Thith, cït man cï Bɛ̈nydït ɛn nyuööth agoku kaamdït agök tɛ̈ɛ̈k, ke wo wïïl wonïïm në kueer ë Edom lɔ̈m.

Nyöŋ 3:9

(Kuur ë Ɣermon acɔl Thirion në thoŋ e kɔc ke Thidon, ku aye kɔc ke Amor cɔl an, Thenir.)

Nyöŋ 33:2

Bɛ̈nydït aa bɔ̈ në kuur de Thinai nɔm, aa jöt cït man ë akɔ̈l në Edom, go kɔcke riaau në kuur de Paran nɔm. Aa cath kekë aguum ke tuucnhial ɣeriic, ku muk many dɛ̈p në ciin cuënyde.

Nyöŋ 7:24

Abï Meliikken tääu ë wecin. Abäk keek nɔ̈k, ka kɔc abïk nïïm määr ë keek. Acïn raan töŋ bï week tɔ kääc, wek bï raan ëbɛ̈n riɔ̈ɔ̈r nyin.

Jocua 1:4

Pinydun abï rɔt gɔl në jɔ̈ɔ̈ric agut cï Lebanɔn, aɣet cï wɛ̈ɛ̈r ë Yuparat. Abï piny ë kɔc ke Ɣit nööm ëbɛ̈n, lee në Wɛ̈ɛ̈rdïït ɣer nu aköl athɛ̈i.

Jocua 11:3

Ku tɔ thok lɔ tëde kɔc ke Kanaan nu të lɔ aköl amiäk ku të lɔ aköl athɛ̈i ayadäŋ, kɔc nu në Jordan lɔŋë, ayï lɔŋ däŋë, ayï kɔc ke Amor, ayï kɔc ke Ɣit, ayï kɔc ke Peridh, ayï kɔc ke Jebuth nu piny ë kuur, ayï kɔc ke Ɣib, kɔc rɛ̈ɛ̈r në kuur ë Ɣermon thar në piny ë Midhepa.

Jocua 13:5

Ayï piny de Gebalai, ku piny de Lebanɔn ëbɛ̈n alɔ guut të lɔ aköl amiäk. Gɔl në Baalgad në kuur ë Ɣermon kɔ̈u të lɔ wöuwic, ku winy Ɣamath thok.