Jocua 11:16 - JAM DE NHIALIC 2011

¹⁶ Ku Jocua acï piny jɔ peec ëbɛ̈n, piny ë kuur, ayï kur thäär kedhie të lɔ Araba të lɔ wöuwic, ayï të lɔ rut. Ku peec piny de Gocen, ayï Jɔ̈ɔ̈ric ëbɛ̈n, ayï Jordan yɔu.

Jocua 11:16 ပူးပေါင်းရင်းမြစ်များ

Diɛt 105:44

Ago keek gäm piny de juöör kɔ̈k, ku tɔ keek nöm duumken,

Diɛt 78:55

Acï juöör ceŋ wut bɛ̈n cieec ɣɔn lee ë kɔcke ke ke bɔ̈, go pinyden tɛ̈k dhiëën ke Yithriɛl, ku gëm ɣöötken kɔc ke.

Edhekiɛl 17:23

në kuur bɛ̈ɛ̈r de Yithriɛl nɔm abï cil ë kër ku ŋol ë mïth ku abï jɔ aa tim de thidar piɛth. Diɛt ëbɛ̈n abïk aa nyuc në yenɔm ëtɛ̈ɛ̈n, ku yökkï ɣööt në atïmde yic.

Edhekiɛl 36:8

Ku në kur ke Yithriɛl nïïm tiim abïk bɛ ciɛl ku abïk yïth cil, ku lokkï në mïth në biäk de kɔckiën ke Yithriɛl. Wek bï bɛ̈n pinydun në ee nïnkë yiic.

Nyöŋ 1:7

Cuɔckï röt ku lakï piny ë kuur de kɔc ke Amor, ku lɔ ɣään thiɔ̈k ëtɛ̈ɛ̈n në Araba ku Jordan yɔu kedhie, ku kur nïïm ku lɔ të lɔ aköl athɛ̈i ku të lɔ wöuwic, ku të lɔ Wɛ̈ɛ̈rdïït ɣer yɔu ku piny de Kanaan kekë Lebanɔn lɔɔr abä ɣet wɛ̈ɛ̈r dït yɔu, wɛ̈ɛ̈r ë Yuparat.

Jocua 10:40

Jocua ë piny bɛ̈n peec ëbɛ̈n, ë meliik ke wuöt nu piny ë kuur bɛ̈n tiaam, ku tiɛɛm wuöt thöny, ku wuöt ke wɛ̈ɛ̈r yɔu, ayï wuöt nu të lɔ wöuwic. Acïn raan cïk bɛ̈n puɔ̈l, acïk raan bɛ̈n nɔ̈k ëbɛ̈n cït man wään cïï Bɛ̈nydït Nhialic de Yithriɛl ye lɛ̈k en.

Jocua 10:41

Acï Jocua ke bɛ̈n tiaam gɔl në Kadec Barniya alɔ gut Gadha, ku dɔm në piny ë Gocen ëbɛ̈n alɔ gut Gibiɔn.

Jocua 11:15

Bɛ̈nydït acï lööŋkë gäm awundɛn Mothe, go Mothe ke lɔ gäm Jocua, go Jocua ke lɔ döt. Ku looi këriëëc ëbɛ̈n, kë cïï Bɛ̈nydït thɔ̈n Mothe.

Jocua 11:2

ayï meliik nu piny ë kuur, kur nu të lɔ rut, ayï meliik nu në Araba në Jordan yɔu në Baar ë Galili baŋ të lɔ wöuwic, ayï meliik nu në kur thäär, ayï wɛ̈ɛ̈r thok të thiääk kekë Dor të lɔ aköl athɛ̈i.

Jocua 11:21

Në aköölkë yiic, Jocua ë Anakim bɛ̈n riɔ̈ɔ̈k në gɔl ë piny ë kuur, ku ë Ɣebron, ku Debir, ku Anab. Ku riëëk keek piny ë kuur de Juda yic ëbɛ̈n, ayï piny ë kuur de Yithriɛl. Acïï Jocua ke bɛ̈n riɔ̈ɔ̈k taitai ayï pɛ̈ɛ̈nydïtken.

Jocua 12:8

Ku piiny ë tek, ee piny ë kuur, ku liööŋ, ku wak në Araba, ku kur nïïm, ku jɔ̈ɔ̈r. Ku aaye piny de kɔc ke Ɣit, ku kɔc ke Amor, ku kɔc ke Kanaan, ku kɔc ke Peridh, ku kɔc ke Ɣib, ku kɔc ke Jebuth.

Jocua 9:1

Na ɣɔn, aa lɔ meliik ee kënë piŋ kedhie, meliik nu në wɛ̈ɛ̈r de Jordan kɔ̈u në wuöt ke piny ë kuur, ku meliik nu në kur ke wakic yiic, në Wɛ̈ɛ̈rdïït ɣer yɔu alɔ guut Lebanɔn. Meliik ke kɔc ke Ɣit kekë kɔc ke Amor, ku Kanaan, ku Peridh, ku Ɣib, ku Jebuth.