Jocua 11:15 - JAM DE NHIALIC 2011

¹⁵ Bɛ̈nydït acï lööŋkë gäm awundɛn Mothe, go Mothe ke lɔ gäm Jocua, go Jocua ke lɔ döt. Ku looi këriëëc ëbɛ̈n, kë cïï Bɛ̈nydït thɔ̈n Mothe.

Jocua 11:15 ပူးပေါင်းရင်းမြစ်များ

2 Lëk 30:12

Ku Nhialic aa tɔ̈u ayadäŋ kekë Juda, go keek gäm piɔ̈n tök, bïk këde piɔ̈nde looi, gokï jam de melik kekë bänyke riëëu.

Kuɛ̈n 33:50

Në riaaŋ de Mowapic lɔŋ de wɛ̈ɛ̈r de Jordan ke lɔŋ de Jeriko, Bɛ̈nydït ë Mothe gäm “Ë wël kë bïï ke lɛ̈k kɔc ke Yithriɛl an,

Kuɛ̈n 33:52

wek bï kɔc ceŋ ëtɛ̈ɛ̈n lɔ cuɔp biic kedhie, riäkkï kuurden ayï yiëth kɛn cïk deer kɔ̈th në joth, ku ɣäänkɛn ke läm.

Math 23:23

Amawoou në week, wek kɔc ë löŋ gɔ̈ɔ̈r ku Parithai, kɔc de yäc aguk! We ye wal juaar, yï mint, ku anith, ku kumin, ku we ye ka ke löŋ pɔ̈l, ka cït guiëërëlöŋ, ku kokdepiɔ̈u, ku gäm, ka de naamden awärkï wɛl awën, kake adï cäk ke dhil aa looi, ku cäkï kak awën ee pɔ̈l ayadäŋ.

Luk 11:42

“Amawoou në week, wek Parithai! We ye wal juaar, yï mint, ku rue, ku wäl ëbɛ̈n, gämkï Nhialic töŋ wën thiëër kek, ku yak guiëërëlöŋ wööc yic kekë nhiëër ë Nhialic. Kakë adï cäk ke dhil aa looi, ku cäkï kakë awën ee pɔ̈l ayadäŋ.

Luɔi 20:20

Ku aŋiɛckï aya nɔn cïn en jam cä pɛ̈n week, jam duëër we muk, yɛn aaye week guiëër wël ku wɛ̈ɛ̈t week ë kɔc nïïm ayï ɣööt yiic.

Luɔi 20:27

Luɔi cän week lɛ̈k löŋ de Nhialic ëbɛ̈n, acïn kë cä mɔ̈ny week.

Nyöŋ 12:32

“Luɔikï këriëëc cä lɛ̈k week ëbɛ̈n, duökï de ka bäk ŋuak thïn ku duökï de kë bäk bɛ̈ɛ̈i bei thïn.

Nyöŋ 31:3

Bɛ̈nydït Nhialicdun abï lɔ lɔɔk ë wenïïm tueŋ. Abï ë juöörkë riɔ̈ɔ̈k në wenyïïn, ku wek bï pinyden nööm. Ku Jocua ayadäŋ abï lɔ lɔɔk në wenïïm tueŋ, cït man cï Bɛ̈nydït ye lueel.

Nyöŋ 31:5

Ku abï Bɛ̈nydït keek tääu në yïcin, ku abäk ke dhiɛl luöi ka cï lɛ̈k week ëbɛ̈n.

Nyöŋ 31:7

Ku ëtɛ̈ɛ̈n Mothe ë Jocua bɛ̈n cɔɔl ku yöök në kɔc ke Yithriɛl nïïm kedhie an, “Tɔ rɔt ril ku tɔ rɔt ee jöt, në baŋ bï yïn dhiɛl jäl wekë ë kɔckë, lak piny wään cïï Bɛ̈nydït lɛ̈k kuarkun an bïï gäm keek. Ku abä dhiɛl tɛ̈k keek ke ye këden.

Nyöŋ 4:2

Duökï jam lɛ̈k weekë ŋuak nyin në däŋ pei, ku duökï de biäk bɛ̈ɛ̈ikï bei thïn. Riëëukï lööŋ ke Bɛ̈nydït Nhialicdun, lööŋ cä ke gäm wek.

Nyöŋ 4:5

“Wek cä keek wɛ̈ɛ̈t ë lööŋ kedhie, cït man cïï Bɛ̈nydït Nhialicdï ya yɔ̈ɔ̈k an luɔi. Riëëukï keek në ee piny bäk lɔ rumë ku cieŋkï.

Nyöŋ 7:2

Të le Bɛ̈nydït Nhialicdun ë kɔckë tääu në we cin ku tiamkï keek, ke abäk keek dhil nɔ̈k kedhie. Duökï määth loi në keek, ku duökï keek nyuth kokëpiɔ̈u.

Jocua 1:7

Rit yïpiɔ̈u arëët, ku tɔ rɔt ril. Ku them ëgɔk nɔn bï yïn löŋdï döt ëbɛ̈n, löŋ cïï Mothe awundï gäm yïn. Ku du päl, ke yï bï ya tiam në këriëëcic ëbɛ̈n.

Jocua 11:12

Pɛ̈ɛ̈nydïtkë acïï Jocua ke bɛ̈n peec kedhie, ayï meliiken ku nɛ̈k kɔc nu thïn kedhie, cït man wään cïï Mothe, awun de Bɛ̈nydït ye lueel.

Jocua 11:14

Ku kɔc ke Yithriɛl aake cï këriëëc piɛth peec ëbɛ̈n, ayï këriëëc pïïr në ee pɛ̈ɛ̈nydïtkë yiic, ku nömkï kaken. Ku acïk kɔc bɛ̈n nɔ̈k kedhie, abïï ciɛ̈n raan töŋ dɔ̈ŋ ke pïïr.

Jocua 11:16

Ku Jocua acï piny jɔ peec ëbɛ̈n, piny ë kuur, ayï kur thäär kedhie të lɔ Araba të lɔ wöuwic, ayï të lɔ rut. Ku peec piny de Gocen, ayï Jɔ̈ɔ̈ric ëbɛ̈n, ayï Jordan yɔu.

1 Tham 15:11

“Yɛn cï rɔt gɔ̈k në baŋ cän Thaulo tɔ ye melik, në baŋ cïï yen rɔt yal wei, ku cïï lööŋkiën cä lɛ̈k en döt.” Go Thamwɛl piɔ̈u jiɛth ago ruu ke läŋ Bɛ̈nydït ee wɛ̈ɛ̈rë yic ëbɛ̈n.