Jocua 10:13 - JAM DE NHIALIC 2011

¹³ Ago Akɔ̈l kɔ̈ɔ̈c ë lik nhial, ku cïï pɛɛi cath abï jur kɔc ke ater kɔn peec. Kënë acï gɔ̈ɔ̈r në awerek de Jacar yic. Akɔ̈l ëbɛ̈n kɔ̈ɔ̈c cil ke cïï lɔ piny në kööl töŋë ëbɛ̈n.

Jocua 10:13 ပူးပေါင်းရင်းမြစ်များ

2 Tham 1:18

Ku lueel nɔn bïï ë kɔc ke Juda wɛ̈ɛ̈t ee dinë. (Ku acï gɔ̈ɔ̈r në awerek de Jacar yic.)

2 Mel 20:10

Go Ɣedhekia bɛ̈ɛ̈r an, “Ee kë piɔlic yen luɔi duëër atiëp ë kɔ̈u miit në akɛɛth kathiëër. Acie yen, aŋuän puk atiëp rɔt ke lɔ ciëën në akɛɛth kathiëër.”

Ethta 8:13

Kë cï gɔ̈ɔ̈r acïï bɛ̈n tääu awereek juëc yiic, ku yïnë wuöt juëc, ke ye löŋ lëk ë kɔc ë wuötiic kedhie, ku bï kɔc ke Judai röt coc në ee köölë, bïk röt kuön kɔc ke aterden.

Jop 9:7

Aduëër akɔ̈l pɛ̈n bɛ̈n ë thok ku cïï kuɛl tɔ ruel.

Diɛt 148:3

Lɛckï, wek yï akɔ̈l wekë pɛɛi, lɛckï, wek kuɛl riau.

Diɛt 19:4

Ku kë luelkï aye piŋ ë pinynɔm ëbɛ̈n, jamden ee piny guut thar. Nhialic acï tënhial looi ke ye paan de akɔ̈l,

Yith 24:23

Pɛɛi abï nyin cuɔl, ku akɔ̈l acï bï bɛ ruɛl, në luɔi bï Bɛ̈nydït de rɛm aa melik. Abï Jeruthalem mac në kuur ë Dhiɔn nɔm, ku röördït abïk dhuëëŋde tïŋ.

Yith 38:8

Në kë ye kɔc tëëk ë yenɔm ɣɔn yïk ë melik Aɣadh, Bɛ̈nydït abï atiëp tɔ cot rɔt ciëën në akɛɛth kathiëër.” Go atiëp rɔt pɔ̈k ciëën në akɛɛth kathiëër.

Jowɛl 2:10

Piny ee rɔt nieeŋ në kenïïm tueŋ, ku lɛthë tënhial. Akɔ̈l kekë pɛɛi acïk cuɔl, ku kuɛl acïkï be riau.

Jowɛl 2:31

Akɔ̈l abï cuɔl, ku pɛɛi abï thiɛth cït riɛm, të kën ë kööldïït de riɔ̈ɔ̈c guɔ bɛ̈n, kööl ë Bɛ̈nydït.

Jowɛl 3:15

Akɔ̈l kekë pɛɛi acïk cuɔl, ku kuɛl acïkï be riau.

Ɣabakuk 3:11

Të moc ë winh ë dhaŋduön ŋic riŋ ku ariauriau de tɔŋduön ee lɔ bërët, akɔ̈l kekë pɛɛi ayek kɔ̈ɔ̈c ke ke cïï cath.

Kuɛ̈n 21:14

Yen kë lueel ë Këcïgɔ̈ɔ̈r de Tɔɔŋ ke Bɛ̈nydït ka an, pänydït de Waɣep anu piny de Thupa, ku wëk ke lil de Arnon.

Kuɛ̈n 31:2

“Kum kɔc ke Midian, në biäk cïï kek kɔc ke Yithriɛl thɛl ë läm de yiëthiic. Ku na lɔ ee kënë looi yïn bï jɔ thou.”

Math 24:29

Na ëlë ënɔnthiinë, të cï këtuc ë aköölkë thök, ke akɔ̈l abï cuɔl, ku pɛɛi acïï bï ruɛl, ku kuɛl abïk löny nhial, ku riɛl dït ke tënhial abï ke niɛŋ.

Math 5:45

Yen abä wek aa wɛ̈ɛ̈t ke wuöörduön nu paannhial, yen aye akölde tɔ bɔ̈ bei ë kɔc nïïm kɔc rac ayï kɔc piɛth, ku ye deŋde tɔ tueny të nu kɔc piɛthpiɔ̈ɔ̈th ayï kɔc racpiɔ̈ɔ̈th.

Luk 18:7

Ku cïï Nhialic kɔckɛn cï lɔc bï kony, kɔcke guöp, kek kɔc ee cool ë cɔl en akööl ku wakɔ̈u, acakaa yen ë cool ë gum käŋ në këden?

Luɔi 2:20

Akɔ̈l abï rɔt puk aye cuɔlëpiny, ku bï pɛɛi rɔt puk aye riɛm, Të ŋoot ëkööldïït ë Bɛ̈nydït ke kën bɛ̈n, kööl bï tïc ëgɔk:

Jocua 10:11

Ku të wën riŋ ë kɔc ke Amor ke ke kɔt në kɔc ke Yithriɛl në Bethɣaron, Bɛ̈nydït ë deŋ dïït ë kɔɔi bɛ̈n tɔ tuëny keek agut cï Adheka. Kɔc juëc në keyiic acïï deŋ ë kɔɔi ke bɛ̈n nɔ̈k awär kɔc ë nɛ̈k kɔc ke Yithriɛl.

Jocua 10:14

Acïn kööl cï kɔn ciët ee köölë, ku acïn kööl däŋ cï bɛ̈n bɛ cït en agut cï wälë, të ɣɔn ë gam ë Bɛ̈nydït raan thok. Go Bɛ̈nydït tɔŋ biök kekë Yithriɛl.

Nyuuth 21:23

Ku pänydït acïï akɔ̈l ee kɔɔr, ayï pɛɛi, lek ruɛl thïn: dhuëëŋ de Nhialic yen aaye pinyde riaau, ku nyɔŋamääl yen aye maanyde.

Nyuuth 6:10

Agokï cööt ë röl dït luelkï, an, “Ee nɛn, yïn Bɛ̈nydït, ɣeric ku ye yic, en bï yïn löŋ guiir, ku bä riɛmda guöör ë kɔc rɛ̈ɛ̈r ë piny nɔm në biäk cï kek wo nɔ̈k?”

Nyuuth 6:12

Na wën, ke ya jɔt anyin, të wën kuek en adöŋ ee kek dhetem bei, go piny rɔt niɛŋ arëët, go akɔ̈l cuɔl ëcut, cït cuaal cï cuëëc ë nhïm col, ku jɔ pɛɛi ciët riɛm liŋliŋ.

Nyuuth 8:12

Na wën, ke tunynhial ee kek ŋuan koth kaaŋde, ku jɔ baŋ töŋ de akɔ̈l yup, baŋ wën ee kek diäk, ku yup baŋ töŋ de pɛɛi, ku baŋ töŋ de kuɛl, baŋ wën ee kek diäk, ago baŋ töŋ ë keek ago cuɔl, baŋ wën ee kek diäk, go piny cuö ɣer aköl ë baŋ töŋ de baŋ wën ee kek diäk, ayï wakɔ̈u ayadäŋ.

Bäny 16:28

Na wën ke Thamthon ë läŋ Bɛ̈nydït an, “Bɛ̈nydït Nhialic be Yïnɔm tak në yɛn, Nhialic ee Yïn aläŋ, në ee kaam töŋë, ke ya bï rɔt guöör në kɔc ke Pilithiin në kë cï kek nyïïnkï tuök bei.”

Bäny 5:2

Nhialic abï wo thieei. Acï ë Yithriɛl dhel ë yepiɔ̈u luɔi bï yen thɔ̈ɔ̈r: go kɔc röt gam lekkï në miɛtëpiɔ̈u.