Jocua 1:15 - JAM DE NHIALIC 2011

¹⁵ Agut të bï Bɛ̈nydït keek kɔn tɔ rum piny nu në wɛ̈ɛ̈r de Jordan kɔ̈u baŋ të lɔ aköl athɛ̈i ëbɛ̈n. Piny cïï Bɛ̈nydït Nhialinydun gäm keek, ku tɔ keek lɔ̈ŋ. Ku ëtɛ̈ɛ̈n, wek bï wenïïm jɔ dɔ̈k, bäk bɛ̈n piɔ̈ɔ̈t pinydun eenë në wɛ̈ɛ̈r de Jordan kɔ̈u baŋ të lɔ aköl amiäk. Të cï Mothe awun ë Bɛ̈nydït gäm week.”

Jocua 1:15 ပူးပေါင်းရင်းမြစ်များ

1 Kor 12:26

Ku të töök ë kë töŋ ë raan guöp, ke ka ke guöp kedhie ke ke jɔ töök në yen ëtök, ku të bï kë tök ë raan guöp gäm dhuëëŋ, ke ka ke guöp kedhie ke ke jɔ piɔ̈ɔ̈th miɛt në yen ëtök.

1 Kor 13:5

acïï kë cïï piɛth ee looi, acïï ka ke yenguöp ee kɔɔr, acie dap gɔ̈th, acïn kërɛɛc ee tak,

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Galatai 6:2

Ë ŋɛk ë ye ŋɛk kony në kë nuan en, yen abä wek löŋ de Kërtho aa tiiŋic.

Nyöŋ 3:18

“Guɔ week yɔ̈ɔ̈k ɣɔn ë aköölkë an, ‘Bɛ̈nydït Nhialicdun acï week gäm ee pinyë bäk nööm. Ku kɔckuön lëu tɔŋ kedhie, kɔc cï röt kiëët në biäk de tɔŋ. Abïk kiir kɔn teem tueŋ, në mïthëkɔcken nïïm kɔc ke Yithriɛl.

Nyöŋ 3:20

Agut kööl bï Bɛ̈nydït mïthëkɔckun tɔ lɔ̈ŋ, cït man cä wek lɔ̈ŋ. Ku keek aya acïk piny cï Bɛ̈nydït Nhialicdun gäm keek nööm në Jordan nɔm lɔŋtui, ëtɛ̈ɛ̈n ŋɛk ë we yiic abïï jɔ lɔ ciëën piny wään cä gäm week.’

Nyöŋ 9:1

Go lueel an, “Piɛŋkï kënë, kɔc ke Yithriɛl, ee köölë we kɔɔr bäk tem, ke we lɔ ë wɛ̈ɛ̈r de Jordan nɔm lɔŋtui, bäk piny lɔ nööm, piny de juöör dït ku rilkï awär week. Pɛ̈ɛ̈nydïtken adïtkï, ku acï ke gël ë kɛ̈ldït bär lɔ nhial.

Pilipoi 2:4

Ë ŋɛk cïï ka ke yenguöp ee ŋic kapäc, e ye ka ke kɔc kɔ̈k ŋic ayadäŋ.

Jocua 1:1

Ɣɔn cïï Mothe awun de Bɛ̈nydït thou, ke lëk ë Bɛ̈nydït Jocua wën ë Nun, raan ë ye Mothe kuɔny,

Jocua 1:14

Diäärkun ë ke dɔ̈ŋ eenë, ayï mïthkun, ayï ɣɔ̈kkun. Ku takï remduön ë tɔŋ nöm tɔɔŋken, ku temkï wɛ̈ɛ̈r në kɔc ke Yithriɛl nïïm tueŋ, bïk keek lɔ kuɔny.

Jocua 1:16

Na wën, ke pukkï nɔm Jocua an, “Këriëëc cï lɛ̈k wook ëbɛ̈n, abuk looi. Ku agut të cïn wo tuɔɔc thïn, wok bï lɔ.

Jocua 22:1

Ku ëtɛ̈ɛ̈n, Jocua ë dhiën de Ruben bɛ̈n cɔɔl ëbɛ̈n, ku cɔɔl dhiën ë Gad kekë biäk de dhiën ë Manatha tɔ̈u të lɔ aköl amiäk.