Jɔn 9:24 - JAM DE NHIALIC 2011

²⁴ Gokï raan wën ee cɔɔr bɛ cɔɔl raanrou, ku yöökkï an, “Leec Nhialic, raanë aŋicku nɔn ee yen raan ë kërac looi.”

Jɔn 9:24 ပူးပေါင်းရင်းမြစ်များ

Edhr 10:11

Ënɔɔnë, gamkï awɛ̈ɛ̈ckun në Bɛ̈nydït nɔm, Nhialic de kuarkun, ku yak këde piɔ̈nde looi, tɛkï weyiic në juöör ceŋ ee pinyë ku pälkï duet ke juöör ë cäk ke thiaak.”

Yith 66:5

Piɛŋkï kë lueel ë Bɛ̈nydït, wek kɔc ee riɔ̈ɔ̈c në yen ku yak riëëu: “Në biäk ya wek piɔ̈ɔ̈th adöt në yɛn, kɔc kɔ̈k në kɔckun yiic amankï week, ku acïn këden yic thïn në week. Ayek we dɔl gup, ku luelkï an, ‘Tɔ Bɛ̈nydït nyooth dïtde ku kony week, agoku week tïŋ ke we mit piɔ̈ɔ̈th.’ Ku keek gupken abïk gup yäär.

Mak 15:27

Ku jɔkï kɔc piäät kaarou në yen ëtök, kɔc ë käŋ rum, tök ë baŋ cuënyde, ku tök ë baŋ cam.

Luk 15:2

Na wën, ke Parithai kekë kɔc ee löŋ gɔ̈ɔ̈r ke ke jɔ ŋun ë këyäc, luelkï an, “Raanë ee kɔc ee kërac looi dɔm tɔ ke ye kɔcke, ku ye cam ke keek ëtök!”

Luk 19:7

Na wën, aa cïk e tïŋ ke ke ŋun ë keyäc kedhie, luelkï an, “Acï rɔt lɔ tɔ ye kaman ë raan ee kërac looi.”

Luk 7:39

Na wën, ke Parithai wën cï Yecu cɔɔl, të cï en e tïŋ, ke jɔ lueel ë yepiɔ̈u an, “Raanë tëë ye tiët, adï cï tiiŋë ŋic, tiiŋ ë jak en, ku adï cï täude ŋic, ee tiiŋ ee kërac looi!”

Jɔn 14:30

Ëlë, yɛn cïï bï bɛ jam wo week arëët: bɛ̈ny ceŋ pinyë nɔm abɔ̈, ku acïn këdɛn nu tëde yɛn,

Jɔn 16:2

We bïï kɔc cieec ë ɣööt ke Nhialic yiic, yeka kööl abɔ̈, kööl bï raan näk week e lueel ë yepiɔ̈u an, looi ka ke Nhialic.

Jɔn 18:30

Gokï bɛ̈ɛ̈r, luelkï an, “Tëë cïï ye raan rac, adï kënku yiɛ̈n yïn.”

Jɔn 19:6

Na wën, aacï bänydït ke ka ke Nhialic ku bäny ke rem de Luaŋdït e tïŋ, ke ke cöt an, “Piäätë, piäätë!” Go Pilato ke yɔ̈ɔ̈k an, “Nämkï week, ku piäätkï. Acïn awäny cä yök tëde yen.”

Jɔn 5:23

Ke kɔc ë ke bï Wënde aa riëëu kedhie, cït man ee kek Wääda riëëu aya, raan ë toc e.

Jɔn 8:46

Eeŋa në weyiic raan duëër a jɔ̈ɔ̈ny në baŋ de kërac? Ku na luɛɛl yic, eeŋö cä wek a gam?

Jɔn 8:49

Go Yecu bɛ̈ɛ̈r an, “Yɛn cïn guöp jɔŋ rac, ku yɛn riëëu Wäär, ku wek reec a riëëu.

Jɔn 9:16

Go Parithai kɔ̈k lueel an, “Raanë aacïï bɔ̈ tëde Nhialic, ee kööl ë Thabath rɛɛc döt.” Ku lueel kɔc kɔ̈k an, “Raan ë kërac looi duëër göök cït ë kakë looi adï?” Go teer rɔt cak ë keyiic.

Jɔn 9:25

Go bɛ̈ɛ̈r an, “Nɔn ee yen raan ee kërac looi, ku nɔn cïï en ee yen, aa ja kuc: ee cöök tök yen aŋiɛc an, wään yɛn aaye cɔɔr, ënɔɔnë yɛn daai.”

Romai 8:3

Kë cï löŋ dhal ë luɔi, në kɔ̈c kɔ̈ɔ̈c en në baŋ de guöp, acïï Nhialic ŋiëc looi, wään tooc en Wënde guöp, ke cath ke guöp cït guöp deyic kërac, ku aa tuuc në baŋ de kërac, ago kërɛɛc nu ë guöpic gɔ̈k.

2 Kor 5:21

Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

Jocua 7:19

Go Jocua lɛ̈k en an, “Mɛnhdï luel yic në Bɛ̈nydït Nhialic de Yithriɛl nɔm, tɔ leec, ku gam awäc.”

Nyuuth 11:13

Ku ë thaar manë guöp ke piny nieŋ rɔt arëët, go pänydït biäk tök wïïk biäk wën thiëër kek, ku näk aguum kadhorou de kɔc në nieŋ cï piny rɔt niɛŋ: na wën, ke kɔc cï döŋ ke ke riɔ̈c, agokï Nhialic de paannhial leec nɔm.