Jɔn 9:22 - JAM DE NHIALIC 2011

²² Kakë aake lueel wun kekë man, në riɔ̈ɔ̈c riɔ̈ɔ̈c kek ë Judai: Judai aake cï kethook mat an, të de yen raan gam en an, ee Kërtho, ka bï ciɛɛc biic ɣön ë Nhialic.

Jɔn 9:22 ပူးပေါင်းရင်းမြစ်များ

Kɛ̈ŋ 29:25

Riɔ̈ɔ̈c acït wïn ë dɛ̈p, ee raan tɔ diɛɛr në kë bï lueel në biäkde, ku aŋäth ë Bɛ̈nydïtic yen ee kuɔɔny.

Yith 51:12

Aye Bɛ̈nydït lueel an, “Yɛn ee raan ë tɔ we ril. Eeŋö ya wek riɔ̈ɔ̈c në mɛnh ë raan, kɔc cie ceŋ cï wäl?

Yith 51:7

“Piɛŋkï kë luɛɛl, wek kɔc ŋic piathëpiɔ̈u, kɔc tɔ̈u ë wëëtdï në kepiɔ̈ɔ̈th. Duökï ee riɔ̈ɔ̈c të lɛ̈ɛ̈t ë kɔc week ku karɛc luɛɛl ë wegup,

Yith 57:11

Aye Bɛ̈nydït lueel an, “Kek yiëthkë yek yïŋa, ka ayek week tɔ riɔ̈c, ka wek ee ya lɛ̈k lueth ku määrkï nïïm në Yɛn taitai? Cäk riëëu aa wek a riëëu pɔ̈l, në luɔi cän mim në kaamdït yic?

Luk 6:22

“Thieithieei week, të mɛɛnë kɔc week, ku të tɔ kek wek ë kɔc mɛɛn, ku të lɛ̈ɛ̈t kek week, ku të reec kek rinkun tɔkï ke nhiany, në baŋ de Wën ë Raan!

Jɔn 1:19

Jam ë lueel Jɔn kï, ɣɔn toocë Judai bäny ke ka ke Nhialic ku Lebii, toockï keek Jeruthalem lek thiëëc an, “Ee yïn ŋa?”

Jɔn 16:2

We bïï kɔc cieec ë ɣööt ke Nhialic yiic, yeka kööl abɔ̈, kööl bï raan näk week e lueel ë yepiɔ̈u an, looi ka ke Nhialic.

Jɔn 19:38

Na wën, aacï kakë wan, ke Jothep de Arimathia, raanpiööcë Yecu, ku aaye thiaan në riɔ̈ɔ̈c wään cï en aa riɔ̈ɔ̈c ë Judai, ke jɔ Pilato lɔ̈ŋ an, bï guöp de Yecu jɔt: go Pilato gam. Go bɛ̈n, bï ku jɔt guöp de Yecu.

Jɔn 20:19

Na ɣɔn thëën, ë köölmanë guöp, yen aye kööl tueŋ ë akööl kadhorou yiic, të cï ɣöt gäär, ɣön cï kɔcpiööcë guëër thïn, në riɔ̈ɔ̈c riɔ̈ɔ̈c kek ë Judai, ke Yecu bɔ̈ ku kɛ̈ɛ̈c ë ciɛɛlic, yöök keek, an, “Ë mät tɔ̈u ke week.”

Jɔn 7:13

Ku acïn raan ee jam ë këde yen ë kɔc yiic, në riɔ̈ɔ̈c wën cï kek riɔ̈ɔ̈c ë Judai.

Jɔn 9:18

Ku reec Judai gäm në këde, nɔn ee yen cɔɔr, ku be piny tïŋ, agokï wun ku man raan wën cï tɔ daai cɔɔl.

Jɔn 9:21

Ku kë tɔ ye daai ënɔɔnë akucku, ayï raan ë liep yenyin, akucku, ee raan dït, jakï thiëëc, abï këde lueel yen ëtök!”

Jɔn 9:34

Gokï bɛ̈ɛ̈r yöökkï an, “Yïn aa dhiëth ë këracic liŋliŋ, ku bä wook wɛ̈ɛ̈t?” Agokï ciɛɛc biic.

Jɔn 9:35

Ago Yecu piŋ nɔn cï kek e ciɛɛc biic, go yök, ku thiëëc an, “Gam Wën ë Raan?”

Luɔi 4:18

Gokï ke cɔɔl, ku yöökkï keek an, duökï jam be ya guiir ku duökï kɔc be ya wɛ̈ɛ̈t ëliŋliŋ në rin ke Yecu.

Luɔi 5:13

Ku në kɔc kɔ̈k yiic acïn raan cï ŋeeny bï mat kekë keek: aye ke leec ë kɔc lei.

Luɔi 5:40

Gokï löŋde gam: na wën, aa cïk tuuc cɔɔl, ke ke duikï, ku thɔnkï keek aläl an, Duökï jam be ya guiir në rin ke Yecu: ku jɔkï ke pɔ̈l.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”