Jɔn 8:55 - JAM DE NHIALIC 2011

⁵⁵ ku akɛ̈nkï ŋic: ku aŋiɛc yɛn, ku na luɛɛl en an, akuöc ke yɛn bï ya alueeth cït week: ku aŋiɛc, ku ya jamde döt.

Jɔn 8:55 ပူးပေါင်းရင်းမြစ်များ

Jeremia 4:22

Aye Bɛ̈nydït lueel an, “Kɔckï apiɔlkï piɔ̈ɔ̈th, akuckï Yɛn. Acïtkï mïth piɔl piɔ̈ɔ̈th, acïnkï ŋïny de käŋ. Keek ayek atëët ke luɔi de kërac, ku ayek löny në luɔi de këpiɛth.”

Jeremia 9:3

Ayek röt kiëët në tör de lueth, ruëëny ë nyin de yicic yen amac piny. Aye Bɛ̈nydït lueel an, “Kɔckï ayek kërac looi ku cuthkï ë luɔi, ku acïkï Yɛn ee ŋic nɔn Yan Nhialicden.”

Ɣodh 5:4

Kërɛɛcdɛn cïk looi yen apën keek puŋ puk kek röt Nhialicden. Acïï dhööm ke thiɔ̈ɔ̈ŋ piɔ̈ɔ̈th, ka acïk ŋïny de Bɛ̈nydïtden rɛɛc.

Math 11:27

Käŋ kedhie acï Wäär ke tääu ë yacin, ku acïn raan ŋic Wënde, ee Wäär etök, ayï Wäär acïn raan ŋic en, ee Wënde etök, ku raan nu ë Wënde piɔ̈u nɔn bï en ë nyuöth en.

Luk 10:22

“Käŋ kedhie acï Wäär ke yiɛ̈n ɛn: ku acïn raan ŋic wënde, nɔn ee yen ŋa, ee wun etök, ku acïn raan ŋic wun, nɔn ee yen ŋa, ee wënde etök, ku raan nu ë Wënde piɔ̈u luɔi bï en ë nyuöth en.”

Jɔn 1:18

Acïn raan cï Nhialic kɔn tïŋ ëkööl tök, ee Wën töŋdɛn cï dhiëëth etök, Wën nu ë Wun yɔu, yen aa nyuuth en.

Jɔn 15:10

Të dɔ̈t wek lööŋ cä thɔ̈n week, ke we bï rëër ë nhiëërdï yic, cït man cän lööŋ cï wäär a thɔn döt, aguɔ rëër ë nhiëërde yic.

Jɔn 15:21

Ku abïk kakë kedhie luöi week në biäk de rinkï, në kuny kuc kek raan ë toc ɛn.

Jɔn 16:3

Ku kakë abïk ke luöi week, në kuny kuc kek Wäär, ayïk ɛn.

Jɔn 17:25

“Wäär, Raan piɛthpiɔ̈u, yïn kuc kɔc ke piny nɔm, ku yïn ŋiɛc, ku ŋic kɔckë nɔn ee yïn ë toc ɛn.

Jɔn 6:46

Acïn raan cï Wääda tïŋ tei, ee raan bɔ̈ tëde Nhialic etök, yen acï Wääda tïŋ.

Jɔn 8:19

Agokï thiëëc an, “Nu Wuur ënou?” Go Yecu bɛ̈ɛ̈r an, “Kuc ɛn ayï Wäär: tëë we ŋic ɛn, adï ŋiɛckï Wäär aya.”

Jɔn 8:29

Ku raan ë toc ɛn, yen arëër wok ëtök, Wäär akën a nyääŋ piny atök, luɔi aa yɛn cool ë loi kamit në yepiɔ̈u.”

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Jɔn 8:51

Wek yɔ̈ɔ̈k ë yic an, të dötë raan wëlkï, ka cïï thuɔɔu bï tïŋ anande.”

Jɔn 8:52

Go yɔ̈ɔ̈k ë Judai an, “Ënɔɔnë aŋicku nɔn de yïn guöp jɔŋ rac. Abraɣam ë thou, ayï tït, ku ye lueel an, të dötë raan wëlkï, ka cïï thuɔɔu bï thiëëp anande.

Luɔi 17:23

Wään tɛ̈ɛ̈k ɛn kueer, yɛn ë käŋ tïŋ ka lamkï, aguɔ yïïŋ tök yök aya, yïïŋ de läm, acï gäär kɔ̈u wël, an, ‘Këde Nhialic kucku.’ An, Raan yak lam ke kuöckï, yen a guiëër week ënɔɔnë.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

1 Jɔn 1:6

Na luelku an, yok abärɔ mat në yen, ku ciɛthku tëcol, ke wo ye lueth töör, ku cuku yic ee looi:

1 Jɔn 2:22

Eeŋa ye alueeth? Cie raan ee jai, an, cïï Yecu ee Kërtho? Raan man Kërtho ka, raan ee jai ë Wääda kekë Wënde.

1 Jɔn 2:4

Raan luel en, an, ŋic, ku cïï lööŋke ee döt, ka ye alueeth, ku yic aliu tëde yen:

1 Jɔn 5:10

Raan gam Wën ë Nhialic ke jam lueel cäätɔɔ acath kekë yen: raan reec Nhialic gam ka ye Nhialic tɔ ye alueeth, luɔi ë reec en jam lueel Nhialic në këde Wënde.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.