Jɔn 8:44 - JAM DE NHIALIC 2011

⁴⁴ Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Jɔn 8:44 ပူးပေါင်းရင်းမြစ်များ

Cäk 3:15

Ku Yɛn bï ater tääu në kaamdun we tik, ku në kaam de kɔ̈thku ku kɔ̈thke. Abäk keek aa kac ŋur, ku abïk week aa yup nïïm.”

1 Mel 22:22

Go Bɛ̈nydït luɔp an, ‘Adï?’ Go wëi lueel an, ‘Yɛn bï lɔ ku bä aa wëi tör lueth në tït ke Aɣap thook ëbɛ̈n.’ Go Bɛ̈nydït lueel an, ‘Lɔ mathë. Yïn bï tiam.’”

1 Lëk 21:1

Catan akɔɔr bï kɔc ke Yithriɛl yiɛ̈n nuɛɛn, go Debid tɔ kuen kɔc.

Jop 1:11

Ënɔɔnthiinë, riɛnyë Yïciin tueŋ da, ku jak këriëëcdɛn tɔ̈u ke yen, abï Yï lat ë Yïnyin!”

Math 12:34

Wek mïth ke karɛc, duɛ̈ɛ̈rkï kapiɛth aa lueel adï, ku yak kɔc rac piɔ̈ɔ̈th? Kë ye piɔ̈u thiɔ̈ɔ̈ŋ nɔm yen aye thok lueel.

Math 13:15

Kɔckë acïk piɔ̈ɔ̈th guɔ cuai, ku ayek piŋ ë pïŋ ë miŋ ë keyïth, ku acïk kenyïïn niɛɛn, Ke ke cïï bï aa daai ë kenyïïn, ku cïkï bï aa piŋ ë keyïth, ku cïkï wël bï yök yiic ë kepiɔ̈ɔ̈th, Agokï kepiɔ̈ɔ̈th puk, Aguɔ keek tɔ dem.

Math 13:38

ku dom yen aye piny nɔm, ku kɔ̈th piɛth kek aye mïth ke ciɛɛŋ, ku wɛl röör kek aye mïth ke jɔŋ dïït rac,

Jɔn 6:70

Go Yecu pɔ̈k nɔm keek an, “Kɛ̈n week lɔc wathiëër ku rou, ku raan tök ë weyiic ee jɔŋdït rac!”

Jɔn 7:17

Të kɔɔrë raan nɔn bï en këde piɔ̈nde looi, ka bï këdiën wɛ̈ɛ̈t dhil ŋic, nɔn ë bï yen tëde Nhialic, ku nɔn jaam ɛn në këde yenhdï.

Jɔn 8:38

Yɛn ee käŋ lueel ka cä piŋ tëde Wäär: ku week aya, wek ee käŋ looi ka cäk piŋ tëde wuöördun.”

Jɔn 8:41

Wek ee luɔi ë wuöördun looi.” Gokï lueel an, “Wo cie adhiëthlëër, wo de Wääda tök, Nhialic.”

Jɔn 8:55

ku akɛ̈nkï ŋic: ku aŋiɛc yɛn, ku na luɛɛl en an, akuöc ke yɛn bï ya alueeth cït week: ku aŋiɛc, ku ya jamde döt.

Luɔi 13:10

ku yöök an, “Yïn, raan cï yic thiäŋ ke ruëëny ku de yïguöp aciɛɛn, yïn wën ë jɔŋdït rac, raan man piathëpiɔ̈u ëbɛ̈n, cïï bï pɔ̈l anandu në yal ee yïn kuɛɛr ke Bɛ̈nydït tɔ yal röt, kuɛɛr lɔ cit?

Luɔi 24:9

Go Judai gam aya, luelkï an, kakë ayïnkï ya.

Luɔi 5:3

Go Petero lueel an, “Anania, eeŋö cï Catan yï thiɔ̈ɔ̈ŋ piɔ̈u aya, bä Wëidït ɣer bɛ̈n tɔ̈ɔ̈r lueth, ku cï biäk tök both në wëu ke dom?

2 Kor 11:3

Ku yɛn riɔ̈c, luɔi bï en dɛ të bä wek piɔ̈ɔ̈th riääk, cït man cï kërac Ɣawa math në ruëënyde, aguɔkï piɔ̈ɔ̈th cuö bɛ aa tök, ku cäkï piɔ̈ɔ̈th be lɔ wai në Kërtho.

1 Pet 5:8

Yak röt tiit, yak yïn: raan de ater ke week, yen aye jɔŋdït rac, ee cool ë ciɛɛth piny, cït man ë köör ee kïïu, ke ye raan bï cuääl kɔɔr.

2 Pet 2:4

Ku të kënë Nhialic tuucnhial pɔ̈l tuuc ɣɔn loi kërac, ku acï keek cuat ë adhum thuthic mɛc keek ë joth ke cuɔlëpiny abïk tɔ̈u ëtɛ̈ɛ̈n aɣet kööl bï löŋden guiir.

1 Jɔn 1:8

Të luel wok en, an, cïn kërɛɛc cath ke wook, ke wok ee röt math, ku acïn yic cath ke wook.

1 Jɔn 2:21

Acie kuny kuöc wek yic, yen ë gäär ɛn week, ee luɔi ŋiɛc wek yic, ku aŋiɛckï nɔn cïn en luenh ee bɛ̈n tëde yic.

1 Jɔn 2:4

Raan luel en, an, ŋic, ku cïï lööŋke ee döt, ka ye alueeth, ku yic aliu tëde yen:

1 Jɔn 3:12

Ku cuku bï ciët Kain, raan ë bɔ̈ tëde jɔŋdïït rɛɛcë, raan cï mɛnhkënë nɔ̈k. Ku eeŋö ë nɛ̈k en? E luɔi rɛɛcë luɔide, ku piɛth luɔi de mɛnhkënë.

1 Jɔn 3:15

Raan ëbɛ̈n raan man mɛnhkënë, ka ye raan ee kɔc nɔ̈k: ku aŋicku, an, acïn raan ee kɔc nɔ̈k cath ke pïïr athɛɛr.

Juda 1:6

Ayï tuucnhial tuuc ɣɔn reec tɔ̈u ë ciɛɛŋic ciɛɛŋ ë ciɛkë ke thïn, ku jɔkï paandɛn ee kek rëër thïn pɔ̈l, keek aake cïï Nhialic mac tëcol në jonh bï tɔ̈u athɛɛr bïk kööl dïït ee guiëërëlöŋ tiit.

Nyuuth 12:9

Go ŋuäldït ciɛɛc biic, yen aye kërɛɛc thɛɛr, cɔl Jɔŋdït Rac ku cɔl Catan, jɔŋ ee piny math nɔm ëbɛ̈n, ë ciɛɛc biic le ë piny nɔm, ku ciec tuuckɛnnhial në yen ëtök.

Nyuuth 13:14

Ku ye kɔc rɛ̈ɛ̈r ë piny nɔm math në baŋ de göök gɛ̈iyë cï gäm en bï ke looi ë lɛ̈n rac nɔm, ee kɔc rɛ̈ɛ̈r ë piny nɔm yɔ̈ɔ̈k, an, bïk këdäŋ cuëëc kë cït guöp lɛ̈n rɛɛc wään cï yiëk tëtök në abätäu, ku acï pïïr.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.

Nyuuth 21:8

Ku na ariɔ̈c, ku kɔc reec gäm, ku kɔc nhiany piɔ̈ɔ̈th, ku kɔc ee kɔc nɔ̈k akurkï, ku kɔc ee diäär kɔɔr, ku kɔc ee thuëth, ku kɔc ee yiëth lam, ku aluɛth kedhie, këden ee täu bï kek tɔ̈u ë baar ë dëp ë macic ku thulpuric, yen aye thon ee kek rou.”

Nyuuth 22:15

Ku jɔ̈k, ku kɔc ee thuëth, ku kɔc ee diäär kɔɔr, ku kɔc ee kɔc nɔ̈k akurkï, ku kɔc ee yiëth lam, kek atɔ̈ukï biic, ayï raan ëbɛ̈n raan nhiaar lueth ku ye lueth töör.

Nyuuth 9:11

Ku adekï melik nu ë kenïïm, yen aye tunynhial de adhum thuth cïï thar tiëc, rinke acɔl Abadon ë thoŋ ë Ɣeberuu, ku cɔlke Apoliɔn ë thoŋ de Girikii.