Jɔn 8:41 - JAM DE NHIALIC 2011

⁴¹ Wek ee luɔi ë wuöördun looi.” Gokï lueel an, “Wo cie adhiëthlëër, wo de Wääda tök, Nhialic.”

Jɔn 8:41 ပူးပေါင်းရင်းမြစ်များ

Bɛ̈n 4:22

Ku abä dhiɛl guiëër melik ëgɔk an, ‘Acïï Bɛ̈nydït lueel an Yithriɛl yen aye wën kɛ̈idï.

Yith 63:16

Yïn ee wääda. Kuɛɛrëdan Abraɣam ku Jakop akënkï wook ŋic, ku Yïn Bɛ̈nydït, yïn ee wäärda, raan ee wo kony ë ceŋ.

Yith 64:8

Ku yïn ee wääda, Bɛ̈nydït. Wok cït tiɔp tei ku yïn ee cuëny de töny. Ee yïn aa cak wook,

Jeremia 3:19

Aye Bɛ̈nydït lueel an, “Yithriɛl yïn kaar bä yï gam ke yï wëndï ku gäm yïn piny bï yïn piɔ̈u miɛt, piny wär piiny ke juöör në piath. Akaar bä Yɛn aa cɔɔl an Wäär, ku du rɔt bï bɛ yal wei tëde Yɛn.

Jeremia 31:20

“Yithriɛl Yïn ee wënhdiën läk, mɛnh nhiaar aläl. Të yan yïn lueel rin, yïn ya tak ë nhiëër. Piɔ̈ndï ee lɔ biic tënu yïn, Yɛn bï piɔ̈u kok.

Ɣodh 1:2

Të ɣɔn gɔl ë Bɛ̈nydït jam kekë kɔc ke Yithriɛl në kueer de Ɣodhiya, kë ë kɔn lɛ̈k en kï an, “Lɔ thiak tiiŋ akɔɔrröör, ke bï yï dhiëth mïth kɔ̈k adhiëthlëër. Në biäk cïï kɔckï ya nyääŋ piny, ku lamkï Baal.”

Malakai 1:6

Go Bɛ̈nydït de rɛm bäny ke kake Nhialic luɔp an, “Meth cïï wun ee riëëu? Ku raan ee bɛ̈ny luööi cïï bɛ̈nyde ee riëëu? Na Ya Wuöördun, ke rïïu riëëu wek Ɛn akou? Ku na Ya Bɛ̈nydïtdun, ke riɔ̈ɔ̈cduön ya wek riɔ̈ɔ̈c në Yɛn akou? Wek ë Ya dhɔ̈l guöp wek bäny ke kake luɔidï. Ku wek ee lop an, ‘Cuk Yï dhɔ̈l, ee dhääl yïn dï?’

Malakai 2:11

Juda ë löŋ dhoŋ kɔ̈u. Kërac arëët acï Yithriɛl looi, ku looi Jeruthalem aya. Juda ë tëɣeric tɔ rac, ɣöndɛn nhiɛɛr, aake cï duet ee yiëth kɔ̈k lam thiaak.

Jɔn 8:38

Yɛn ee käŋ lueel ka cä piŋ tëde Wäär: ku week aya, wek ee käŋ looi ka cäk piŋ tëde wuöördun.”

Jɔn 8:44

Wek ee mïth ke jɔŋdït rac wuöördun, ku kɔ̈ɔ̈r kɔɔrë wuöördun kërac, yen aa yak kɔɔr ayadäŋ. Yen aaye nɛ̈k të ɣɔn ciɛkë käŋ, ku reec ceŋ në yicic, luɔi liiuwë yic tëde yen. Të töör en lueth, ee këde en lueel, nɔn ee yen alueeth, ku ye wun lueth.

Nyöŋ 14:1

Go Mothe jam an, “Wek ee kɔc ke Bɛ̈nydït Nhialicdun. Ka të dhiëëu wek raan cï thou, duökï wegup ee ŋuɔt, ku nɔn mɔ̈tkï wenïïm në biäk tueŋ, cït man ye kɔc kɔ̈k ye looi.

Nyöŋ 32:6

Yen kueer bä wek Bɛ̈nydït aa luööi ka, wek kɔc dhän cie tak? Ee wuöördun, ee Aciëŋdun, raan ë loi week ku tɔ we ee jur.

1 Jɔn 3:12

Ku cuku bï ciët Kain, raan ë bɔ̈ tëde jɔŋdïït rɛɛcë, raan cï mɛnhkënë nɔ̈k. Ku eeŋö ë nɛ̈k en? E luɔi rɛɛcë luɔide, ku piɛth luɔi de mɛnhkënë.