Jɔn 8:12 - JAM DE NHIALIC 2011

¹² Go Yecu kɔc yɔ̈ɔ̈k, an, “Yɛn ee ɣɛɛr ë piny nɔm: raan kuany a cök acïï bï cath tëcol, ku bï dɛ ɣɛɛrëpiny de pïïr.”

Jɔn 8:12 ပူးပေါင်းရင်းမြစ်များ

Jop 33:28

Apën ɛn lɔ paan ë thuɔɔu, ku yɛn ŋoot ke ya pïïr.

Diɛt 18:28

Bɛ̈nydït, gämë yɛn ɣɛɛr, ku cop mɔ̈ɔ̈th në yalɔ̈ɔ̈m.

Diɛt 49:19

ke yen abï dhil lɔ tëde kuarken cök në thuɔɔu të cïï akɔ̈l bï bɛ tïŋ nyin.

Diɛt 97:11

Ɣɛɛr ee riau tëde kɔc piɛthpiɔ̈ɔ̈th, ku miɛtëpiɔ̈u kekë kɔc lɔ piɔ̈ɔ̈th wai.

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 50:10

Week wedhie wek kɔc ee Bɛ̈nydït riëëu, ku yak wël ke awunde gam, kueer cath wek thïn aduëër yic cuɔl, ku yak Bɛ̈nydït ŋɔ̈ɔ̈th, kankï röt në Nhialicdun.

Yith 9:2

Kɔc ɣɔn cath ë mɔ̈ɔ̈thic acïk ɣɛɛrdït tïŋ. Aake rɛ̈ɛ̈r piny de atïïp ke thuɔɔu, ku ënɔɔnë ariɛɛu ë ɣɛɛr keek.

Ɣodh 6:3

Gamku Bɛ̈nydït, themku buk dhil ŋic ëgɔk. Ku aŋicku ëgɔk nɔn bï Yen dhil tïc cït man cïï akɔ̈l duëër rëër ke cïï thok bɔ̈. Abï bɛ̈n tëde wook cït nyieer ke deŋ, ku cït deŋ yaak ee piny liëër.

Malakai 4:2

Ku na week, wek kɔc ee rinkï riëëu, wek bä yiɛ̈n piathëpiɔ̈u ku rëër lɔ dïu cït man ye akɔ̈l thok bɛ̈n. Wek bï nïïm lääu, ku miɛtkï piɔ̈ɔ̈th cït man ë dɛɛu cï luöny bei kɛl.

Math 5:14

Wek ee ɣɛɛrëpiny ë tiɔp nɔm. Pänydït cï yïk ë kuurdït nɔm acïï duëërë lëu në thiën.

Luk 2:32

Abï aa many bï juöör aa nyuööth, ku bï aa dhuëëŋ de jurduön Yithriɛl.”

Jɔn 12:35

Go Yecu ke yɔ̈ɔ̈k an, “E döŋ ke ye tëthiinakäŋ, të nu ɣɛɛrëpiny ë weyiic. Cathkï të ŋuɔɔt wek ë we de ɣɛɛrëpiny, ke we cïï cuɔlëpiny bï mook: raan cath ë cuɔlëpiny akuc të le yen thïn.

Jɔn 12:36

Të ŋuɔɔt wek ë we de ɣɛɛrëpiny, jakï ɣɛɛrëpiny gam, ke we bï aa mïth ke ɣɛɛrëpiny.” Kakë aake lueel Yecu, ku jiël, go thiaan ë keek.

Jɔn 12:46

Yɛn aa bɔ̈ ë piny nɔm, ke ya ye ɣɛɛrëpiny, ke raan gam ɛn, ke cïï bï rëër tëcol.

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 3:19

Gääk cï tääu ë kɔc yiëth kï, ɣɛɛrëpiny ëbɛ̈n ë piny nɔm, go kɔc cuɔlëpiny nhiaar awär ɣɛɛrëpiny, ë luɔi rɛɛcë luɔiden.

Jɔn 7:17

Të kɔɔrë raan nɔn bï en këde piɔ̈nde looi, ka bï këdiën wɛ̈ɛ̈t dhil ŋic, nɔn ë bï yen tëde Nhialic, ku nɔn jaam ɛn në këde yenhdï.

Jɔn 9:5

Të ŋuɔɔt ɛn ke ya nu ë piny nɔm, ke yɛn ee ɣɛɛr ë piny nɔm.”

Luɔi 13:47

Yen aye kë cï Bɛ̈nydït thɔ̈n wo an: ‘Yïn cä tääu bä ya këɣeer bï Juöör aa riaau, ku bä ya këde kunydewëi aɣet të le piny thar guut.”’

Luɔi 26:23

an, bï Kërtho këtuc dhil guum, ku bï aa raan bï rɔt kɔn jɔt ë kɔc cï thou yiic, ago kɔc guiëër jam de ɣɛɛrëpiny, ayï Judai ayï Juöör.

2 Pet 2:17

Kɔckë ayek yith cïn yiic pïïu, ku yek luäät kuɛɛth amaŋ, kɔc cï duëër adur täu keek aɣet athɛɛr.

2 Pet 2:4

Ku të kënë Nhialic tuucnhial pɔ̈l tuuc ɣɔn loi kërac, ku acï keek cuat ë adhum thuthic mɛc keek ë joth ke cuɔlëpiny abïk tɔ̈u ëtɛ̈ɛ̈n aɣet kööl bï löŋden guiir.

1 Jɔn 1:6

Na luelku an, yok abärɔ mat në yen, ku ciɛthku tëcol, ke wo ye lueth töör, ku cuku yic ee looi:

Juda 1:13

Acïtkï apiöŋ de wɛ̈ɛ̈r apiöŋ ee rɔt miɔɔk, abïk ayärden gut cït man ë amoth. Acïtkï kuɛl ee tai, luɔi cï Nhialic duëëradur col ëcut tɔ̈ɔ̈u bï aa këden aɣet athɛɛr.

Juda 1:6

Ayï tuucnhial tuuc ɣɔn reec tɔ̈u ë ciɛɛŋic ciɛɛŋ ë ciɛkë ke thïn, ku jɔkï paandɛn ee kek rëër thïn pɔ̈l, keek aake cïï Nhialic mac tëcol në jonh bï tɔ̈u athɛɛr bïk kööl dïït ee guiëërëlöŋ tiit.

Nyuuth 21:24

Ku juöör abïk aa cath ë ɣɛɛrdeyic: ku meliik ke piny nɔm ayek dhuëëŋden bɛ̈ɛ̈i thïn ku riëëuden.