Jɔn 7:42 - JAM DE NHIALIC 2011

⁴² Kënë këcïgɔ̈ɔ̈r lueel, an, Kërtho abɔ̈ në käu de Debid, ku bïï bei ë Betheleɣem, paan ɣɔn nu Debid thïn?”

Jɔn 7:42 ပူးပေါင်းရင်းမြစ်များ

1 Lëk 2:51

Wëndɛn de rou acɔl Thalma ee yen ë gɔl Betheleɣem, ku wëndɛn de diäk cɔl Ɣarep ee yen ë gɔl Bethgader.

Diɛt 132:11

Yïn cï awunduön Debid luöi gutguut, gutguut cï bï dak nɔm ciëën: an, “Yɛn bï wën töŋdu tɔ ee melik, ku abï bääny muk në yïcök.

Diɛt 89:4

‘Kuatdu abïk aa bäny ëceŋ, abä ke tɔ ye meliik në yïcök aɣet athɛɛr.’”

Yith 11:1

Acït man ye tim cï yep lɔ̈ɔ̈k nyok, yen acït mei de Jethe abï käude rɔt jɔt, ka melik cï piac dɔm abï bɛ̈n bei në käu de Debidic.

Jeremia 23:5

Aye Bɛ̈nydït lueel an, “Akööl abïkï, akööl bän mɛnh piɛthpiɔ̈u ë dhiën ë Debid kuany ke ee melik. Melik abï käŋ ë pɛlënɔm, ku looi yic ku piathëpiɔ̈u ë piny yic ëbɛ̈n.

Maika 5:2

Aye Bɛ̈nydït lueel an, “Ku yïn Bethleɣem Eparatha. Na cakaa nɔn yïn wun koor ë dhiën ë Juda, Yɛn bï bɛ̈nydï bɛ̈ɛ̈i bei në yïyic, raandiën bï Yithriɛl mac, raan cïï kuatden rɔt gɔl ɣɔn thɛɛr.

Math 1:1

AWEREK de kuën ë dhiënh cï Yecu Kërtho dhiëëth, ee Wën ë Debid, wën ë Abraɣam.

Math 2:5

Agokï bɛ̈ɛ̈r an, “Ee Betheleɣem de Juda, yen acï tiët gɔ̈ɔ̈r ɣɔn alë an,

Math 2:6

‘Ku yïn Betheleɣem, yïn koor ë bäny ke Juda yiic, Bɛ̈nydït abï bɛ̈n bei në yï yic, Bɛ̈ny bï kɔckiën ë Yithriɛl aa tiit.”’

Luk 2:11

Konyduön ë wëi acï dhiëëth ee köölë Pänydït de Debid, yen Kërtho Bɛ̈nydït.

Luk 2:4

Ku jël Jothep aya piny de Galili pänydït cɔl Nadhareth, le Juda, Pänydït de Debid, cɔl Betheleɣem, luɔɔi ee yen raan dhiën ë Debid.

Jɔn 7:27

Ku raanë aŋicku të bï yen thïn: ku na miäk bɔ̈ Kërtho, acïn raan ŋic të bï en bɛ̈n thïn.”

1 Tham 16:1

Ago Bɛ̈nydït lɛ̈k Thamwɛl an, “Bä Thaulo dhiëëu aɣet cï nɛn? Acä rɛɛc acï bï bɛ aa meliŋ de Yithriɛl. Ka yïn nöm miök de olip, ku lɔ Bethleɣem tënu raan cɔl Jethe, në baŋ cän wëndɛn tök lɔc në wɛ̈ɛ̈tke yiic bï aa melik.”

1 Tham 16:18

Go lïmdɛn tök e lueel ëtɛ̈ɛ̈n an, “Jethe, raan wun ë Bethleɣem ade nɔm wëndɛn ŋic gut aläl. Ee wën läk, ku ee ŋeny de tɔŋ, ku aril, ku aŋic jam. Bɛ̈nydït atɔ̈u ke yen.”

1 Tham 16:4

Ago Thamwɛl kë cïï Bɛ̈nydït lɛ̈k en looi, go jäl ke lɔ Bethleɣem. Na wën aa tïŋ ë röördït ke wut, ke ke lɛth ë riɔ̈ɔ̈c keek. Gokï loor nɔm lek luɔp, an, “Ee këpiɛth yen ciɛɛth yïn bɛ̈ny?”

1 Tham 17:58

Go Thaulo ye luɔp an, “Dhuŋë, ye mɛnh ë ŋa?” Go Debid bɛ̈ɛ̈r an, “Yɛn ee wën ë lïmduön Jethe, raan wun ë Bethleɣem.”