Jɔn 7:37 - JAM DE NHIALIC 2011

³⁷ Na wën, ëkööl thöökë dhuëëŋ, yen aye kööl dït, ke Yecu kääc ku cööt an, “Të de yen raan cï yal, në bɔ̈ tëde yɛn, bï bɛ̈n dek.

Jɔn 7:37 ပူးပေါင်းရင်းမြစ်များ

Neɣe 8:18

Gɔl në kööl tueŋ de dhuëëŋ agut cï kööl ë thök de dhuëëŋ, awerek de löŋ de Nhialic aa yek cool ë kueen kek en yic. Aake loi dhuëëŋ në nïn kadhorou yiic, na ɣɔn në kööl ë bɛ̈t ke ke jɔ lɔ̈ŋ de amatnɔm looi, cït man ë kë cï löŋ lueel.

Diɛt 143:6

Yɛn ee yacin täär yïn ë lɔ̈ŋ, cït man de piny cï riɛl piɔ̈ndï ë yal ë yïn.

Diɛt 42:2

Piɔ̈ndï ë yal ë Nhialic, ë yal në Nhialic pïïr. Ee nɛn, yen bän Nhialic tïŋ nyin?

Diɛt 63:1

Nhialic, Yïn ee Nhialicdï, Yïn kaar. Guöpdï ëbɛ̈n akɔɔr Yïn, yɛn cï yal në Yïn cït man ë piny ril cïn yic pïïu, piɔ̈ndï ë yal në Yïn.

Kɛ̈ŋ 1:20

Piɛŋkï, pɛlënɔm acöt në kuɛɛriic, ku ɣään ke ɣööciic.

Kɛ̈ŋ 8:1

Piɛŋkï, pɛlënɔm acöt. Ku yöŋ de käŋiic acï yeröl jat nhial.

Kɛ̈ŋ 8:17

Yɛn nhiaar raan ee yɛn kɔɔr ëbɛ̈n, ku raan ee yɛn kɔɔr ëbɛ̈n, ee ya yök.

Kɛ̈ŋ 8:3

Ee cööt në röldït në kal ë wut thok lueel an,

Kɛ̈ŋ 9:3

Ku tooc duet wutic lek kɔc cɔɔl an,

Diɛt ke 5:1

Yɛn cï lɔ domdï, nyan mit ë yapiɔ̈u, nyandiën thiaak. Yɛn mɛ̈ɛ̈t walkiën ŋïr yiic kekë mer. Yɛn cam miökdiën ë kiëc, kekë athïn de kiëc. Yɛn dek mɔ̈ndï kekë ca. Cämë, monydiën nhiaar, ku dɛ̈kkë arëk abä wiɛɛt ë nhiëër!

Yith 12:3

Cït man ye pïïu piɛth raan cïï rou nɔ̈k tɔ mit piɔ̈u, yen aye kɔc ke Nhialic piɔ̈ɔ̈th miɛt të cïï yen ke kony wëi.”

Yith 40:2

Rit kɔc ke Jeruthalem piɔ̈ɔ̈th. lɛ̈kë keek nɔn cïï kek gum arëët të cï bɛ̈ɛ̈r, ku keek ënɔɔnë acï ke päl awɛ̈ɛ̈cken, acä ke luöi këtuc acïn kë cä päl keek në awɛ̈ɛ̈cken yiic kedhie.”

Yith 40:6

Röl adhiau an, “Luel jam!” Guɔ lop an, “Ee jamou yen bä lueel?” “Luel an mɛnh ë raan ëbɛ̈n acït wal, pïïrden acït gaak ye wal moc.

Yith 44:3

“Yɛn bï piny nɛ̈k rou miɔɔc në pïïu, ku ta pïïu tɔ wat piny ril. Yɛn bï wëikï wäl në mïthkun gup, ku athiɛɛidï në kuatdun gup.

Yith 55:1

Aye Bɛ̈nydït lueel an, “Bäkkï, wedhie wek kɔc nɛ̈k rou, pïïu kï! Bäkkï, wek kɔc cïn nïïn wëu, ɣackï rap ku cämkï! Bäkkï! Ɣackï mɔ̈u ku ca, acïn kë bïk jɔt tëdun!

Yith 55:3

“Piɛŋkï ënɔɔnë, kɔckï ku bäkkï tëdï, bäkkï tëdï ku wek bï dɛk pïïr! Yɛn bï man bï tɔ̈u athɛɛr looi wo week ku gäm week athiɛɛi wään cän gutguut lɛ̈k Debid.

Yith 58:1

Aye Bɛ̈nydït lueel an, “Wuɔukï në röldït, cït të duëër röldun cuööp. Lɛ̈kkï kɔckiën ke Yithriɛl awɛ̈ɛ̈cken!

Jeremia 16:19

Bɛ̈nydït ee Yïn ee Raan ee ya gël ku gämë yɛn riɛl, Yïn cï kuɔny në akööl ke nuan, juöör abïk aa bɛ̈n tëde de Yïn ë piny thar ku luelkï an, “Kuarkuɔ aake de nïïm yiëth alueth, ayek yiëth cïn naamden.

Jeremia 2:2

bä ee jamë lɔ lɛ̈k raan ëbɛ̈n raan tɔ̈u në Jeruthalem. An, “Yɛn ee täuduön adöt wään ee yïn meth tak, nhiëër dïït ë nhiɛɛr yïn Ɛn ɣɔn tueŋ thiɛɛk wok röt, yïn aaye Ya kuany cök në jɔ̈ɔ̈ric, piny kënë com.”

Edhekiɛl 47:9

Të ye nyin wɛt thïn, tɛ̈ɛ̈n abï dɛk läi ëbɛ̈n ku rec. Ku nyin de pïïu abï pïïu ke Wɛ̈ɛ̈r de Amilɔ tɔ piɛth, ku të bï yen wɛt thïn abï pïïr bɛ̈ɛ̈i.

Lebai 23:36

Në nïniic kadhorou wek bï miɔ̈c gäm Bɛ̈nydït miɔ̈c ee looi ë mac. Ku kööl ë bɛ̈t luɔikï lɔ̈ŋ ɣeric de amatnɔm, ku gämkï Bɛ̈nydït miɔ̈c ee nyop ë mac, ee kööl thiöökë lɔ̈ŋ de amatnɔm, duökï lui thïn.

Lebai 23:39

Yeka, gɔl në köölë thiëër ku dhïc de pɛɛi ë dhorou, të cä wek rɛɛp kë pinydun thöl në tëm, jakï dhuëëŋ luɔi Bɛ̈nydït në nin kadhorou. Kööl tueŋ ee kööl de lɔ̈ŋ, ku kööl de bɛ̈t ee kööl de lɔ̈ŋ aya.

Maika 6:9

Aye Bɛ̈nydït lueel an, “Piɛŋkï, wek kɔc ke amatnɔm de pänydït, arɔ̈ŋ bäk dɛ pɛlënɔm në rïïu riëëu wek Ɛn.

Dhek 9:15

Bɛ̈nydït de rɛm abï kɔcke gël, ka abïk kɔc ke ater riɔ̈ɔ̈k. Abïk aa kïïu tɔŋ cï ka cï mɔ̈u wit, ku lëukï kɔc ke ater riɛm, riɛm bï kuëër cït man ye riɛm de miɔ̈c näk wɛt piny në yïk nɔm.

Kuɛ̈n 29:35

Në kööl ë bɛ̈t we bï amatnɔm de lɔ̈ŋ looi, ku cïn raan lui.

Math 11:28

Bäkï të nuö yɛn, wek kɔc nɛ̈k luɔi ril wedhie, ayï kɔc cï duɔɔny ë kathiek ɣɛ̈ɛ̈ckï, ke we bä gäm lɔ̈ŋ bä wek lɔ̈ŋ.

Math 3:3

Ku raanë ee raan wään lueel tiët Yithaya an: “Röl ë raan cöt ë jɔ̈ɔ̈ric, an, ‘Luɔikï kueer ë Bɛ̈nydït, Takï kuɛɛrke lɔ cit!’”

Math 5:6

Thieithieei ë kɔc ee cɔk nɔ̈k ku ye rou ke nɔ̈k në baŋ de piathëpiɔ̈u, abï ke tɔ kueth.

Jɔn 1:23

Go lueel an, “Yɛn ee röl ë raan cöt ë jɔ̈ɔ̈ric, Riëckï kueer ë Bɛ̈nydït, acït man cï ë tiët Yithaya ye lueel.”

Jɔn 14:6

Go Yecu lueel an, “Yɛn aye kueer, ku yɛn aye yic, ku yɛn aye pïïr: acïn raan bɔ̈ tëde Wääda, të kën en tëëk tëde yɛn.

Jɔn 4:10

Go Yecu bɛ̈ɛ̈r, lueel an, “Tëë yï ŋic miɔ̈c de Nhialic, ku ŋic raan wën thɛɛr yöök yïn an, “Miɔc ɛn ë ka dɛk, adï cï lip tëde yen, ku adï cï yï gäm pïïu pïïr.”

Jɔn 4:11

Go tik lueel an, “Bɛ̈ny, yïn cïn kën ee yïn gem, ku yith amec thar, bä pïïu pïïrë yök tënou?

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 5:40

ku wek ee rɛɛc bɛ̈n tëde yɛn, bäk pïïr bɛ̈n yök.

Jɔn 6:35

Go Yecu ke yɔ̈ɔ̈k an, “Yɛn ee kuïn ë pïïr: raan bɔ̈ tëde yɛn, acïn cɔŋ bï ye bɛ nɔ̈k, ku raan gam ɛn, acïï bï bɛ yal anande.

Jɔn 6:37

Kɔc kedhie kɔc cï Wäär gäm ɛn, abïk bɛ̈n tëde yɛn, ku raan bɔ̈ tëde yɛn acä bï cieec anandï.

Jɔn 6:55

Rïïŋdï yen aye këcam yic, ku riɛmdï yen aye këdek yic.

Jɔn 7:28

Go Yecu cööt ë Luaŋdïtic, të wën wëët en kɔc an, “Wek ŋic ɛn ayï të ë bä yɛn thïn aya aŋiɛckï, ku yɛn aacïï bɔ̈ në këde yenhdï, ku raan ë toc ɛn, yen aye raan yic, raan kuöckï.

1 Kor 10:21

We cïï dëk bï lëu në bïny de Bɛ̈nydït kekë bïny de jɔɔk rac ëtök: we cïï duëër rɔm ëtök ë pam ee kɔc cam, pam ë Nhialic kekë pam ë jɔɔk rac.

1 Kor 10:4

ku aake ye dek ë pïïu töŋë pïïu ke wëi: kuur ë wëiyë kuur ë ke kuany cök yen aaye kek dek ë ye: ku kuurë yen aye Kërtho.

1 Kor 11:25

Ku yen ee nɔ̈m nööm en bïny aya, të cï kɔc thök ë cäm, ku lueel an, “Bïnyë ee löŋ cï piac mac ë riɛmdï yic: yak kënë looi, të de yen të dɛ̈k wek ë ye, në täŋ bä wek ɛn aa tak.”

1 Kor 12:13

Wook wodhie, wo cï baptith ë guöp tökic në Wëidït töŋë, nɔn ee wok Judai, ku nɔn ee wok Girikii, nɔn ee wok lïïm, ku nɔn ee wok kɔc ee cath ë këde yenhden, ku wo cï tɔ dëk në Wëidït töŋë wodhie.

Epethiei 5:18

Ku duökï röt ee tɔ wit mɔ̈u, ee mumënɔm bɛ̈ɛ̈i, yak röt tɔ thiäŋ ë Wëidït.

Nyuuth 21:6

Go ya yɔ̈ɔ̈k an, “Ë thök! Yɛn ee tueŋ ku ya ciëën, göl ë käŋ ku thök ë käŋ. Raan cï yal abä miɔɔc ë awaŋ de pïïu ke pïïr në dhuëëŋ.

Nyuuth 22:1

Na wën, ke tunynhial nyuth ɛn kiir ë pïïu ke pïïr, kiir ee pïïuke lɔ kïr cït man ë kuruthalo, ke bɔ̈ bei ë thöönydïtic thöönydïït ë Nhialic kekë Nyɔŋamääl, tëëk ë kueerdeyic cil.

Nyuuth 22:17

Wëidït ku Nyɔŋamääl aluelkï, an, “Bä!” Ku raan pïŋ, ë lueel, an, “Bä!” Ku raan cï yal, ë bɔ̈, ayï raan de piɔ̈u keek, ë nöm pïïu ke pïïr youyou.