Jɔn 6:40 - JAM DE NHIALIC 2011

⁴⁰ Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

Jɔn 6:40 ပူးပေါင်းရင်းမြစ်များ

Yith 52:10

Bɛ̈nydït abï riɛldɛn ɣeric luɔɔi, abï kɔcke kony në juöör nïïm ëbɛ̈n, ku piny thar ëbɛ̈n abï kuɔɔny ë Nhialic tïŋ.

Yith 53:2

Aa ye kë de piɔ̈n de Bɛ̈nydït luɔi bï awunde cil cït tim abïï dɛk mei në tiɔɔm ril yic. Acïn guöp dhuëëŋ ayï dik bïï Yen wook tɔ de kë yök ŋic në biäkde. Acïn kë ye kɔc diir në yeguöp, ku cïn kë bï wo wɛ̈l piɔ̈ɔ̈th En.

Kuɛ̈n 21:9

Go Mothe kërɛɛc ë maläŋ thɔ̈ɔ̈th, ku tɛ̈ɛ̈u në wai nɔm. Go raan cïï kërac kac en aa woi go ŋuɛ̈ɛ̈n.

Math 10:15

Wek yɔ̈ɔ̈k ëyic an, “Këtuc bï paan ë Thɔdom yök ku paan ë Gomoora ëkööl ë guiëërëlöŋ, acïï bï kit kekë këtuc bï pänydïïtë yök.

Math 25:46

Ku kɔckë abïk lɔ lek këdɛn tuc yök kë bï ceŋ athɛɛr, ku lɔ kɔc piɛthpiɔ̈ɔ̈th të nu pïïr athɛɛr.”

Mak 16:16

Raan gäm ku baptith abï kony wëi, ku raan reec gäm abï yiëk yeth gääk.

Luk 2:30

Kunyduön ë wëi acä tïŋ ë yanyin,

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 10:28

aguɔ ke miɔɔc në pïïr athɛɛr, ku acïkï bï määr athɛɛr, ku acïn raan bï kek gɔ̈p bei ë yaciin.

Jɔn 11:24

Go Martha pɔ̈k nɔm en an, “Aŋiɛc nɔn bï en rɔt bɛ jɔt ë jön jɔtë kɔc röt ëkööl rial wadäŋ.”

Jɔn 11:25

Go Yecu lueel an, “Yɛn ee jönërɔt, kekë pïïr: raan gam ɛn, na ciɛk thou, ka bï pïïr:

Jɔn 12:45

Ku raan tïŋ ɛn, ka tïŋ raan ë toc ɛn.

Jɔn 12:50

Ku löŋde aŋiɛc nɔn ee yen pïïr athɛɛr: ago ka luɛɛl ënɔɔnë, acït man cï Wäär e lɛ̈k ɛn, yen aa luɛɛl ɛn keek.”

Jɔn 14:17

yen aye Wëi yic: Raan cï duëërë dɔm ë kɔc ke piny nɔm, luɔi kën kek e tïŋ, ku cïkï ŋic aya: ku ŋiɛckï week, ee rëër ke week, ku abï nu ë weyiic.

Jɔn 14:19

Ë döŋ ke ye tëthiinakäŋ, ke kɔc ke piny nɔm ke ke cïï a bï bɛ tïŋ: ku wek ee ya tïŋ: pïïr piëër ɛn, yen abä wek pïïr aya.

Jɔn 17:2

Acït man cï yïn e gäm riɛl ë tiɔp nɔm ëbɛ̈n, ke bï kɔc gäm pïïr athɛɛr, kɔc cï gäm en kedhie.

Jɔn 3:36

Raan gam Wënde ee cath ke pïïr athɛɛr, ku raan reec Wënde gam, acïï pïïr bï tïŋ, agönh ë Nhialic ee rëër ë yeyeth.

Jɔn 4:14

ku raan ëbɛ̈n raan ë dek ë pïïu bä gäm en acïï bï bɛ aa yal anande, pïïu bä gäm en abïk aa nyin de pïïu ë yeyäc, awaŋ bï aa cool ë tul ɣet pïïr athɛɛr.”

Jɔn 5:24

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Jɔn 6:27

Duökï ee luui në këcam ee riääk, yak luui në këcam ee tɔ̈u aɣet pïïr athɛɛr, pïïr bïï Wën ë Raan gäm week: yen acïï Nhialic Wääda gäär guöp rinke.”

Jɔn 6:39

Ku kënë ee këde piɔ̈n ë raan ë toc ɛn an, në käŋ kedhie ka cï gäm ɛn, acïn töŋ bä mɔ̈ɔ̈r, ku abä bɛ jat nhial ëkööl rial wadäŋ.

Jɔn 6:44

Acïn raan duëër bɛ̈n tëde yɛn, të kënë ye dhil tɔ bɔ̈ në Wääda raan ë toc ɛn, ku abä jat nhial ëkööl rial wadäŋ.

Jɔn 6:54

Raan ee rïïŋdï cuet, ku dek riɛmdï, ee cath ke pïïr athɛɛr, ku abä jat nhial ëkööl rial wadäŋ.

Jɔn 8:56

Kuɛɛrëdun Abraɣam aa mit piɔ̈u në tïŋ duëër en kööldï tïŋ, ago tïŋ, ku jɔ piɔ̈u a yum.”

Romai 5:21

luɔi bï dhuëëŋdepiɔ̈u piny cieŋ ayadäŋ në piathëpiɔ̈u aɣet pïïr athɛɛr në Yecu Kërtho Bɛ̈nydïïtda, cït man cï ciɛɛŋ cieŋë kërac piny aɣet thuɔɔu.

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

Ɣeberuu 11:1

Gäm de yic aŋäth ë tiët ë kë bï rɔt dhil looi, ku nɔ̈m de kë kën ë kɔn tïŋ aye yic.

Ɣeberuu 11:27

Në biäk de gäm de yic aŋäth, Mothe paan ë Rip bɛ̈n nyääŋ piny, ku cï riɔ̈c në agönh ë melik, aaye Nhialic ŋɔ̈ɔ̈th Raan kën tïŋ guöp.

1 Pet 1:8

Ee raan nhiaar, na cakaa yen ë kɛ̈nkï tïŋ: ku ye raan cäk gam, na cakaa yen ë cäkï woi guöp ënɔɔnë, aguɔkï piɔ̈ɔ̈th miɛt në miɛt cïï themë thok, ku de yic dhuëëŋ dït,

1 Jɔn 2:25

Ku kënë ee kë cï kɔn lueel, an, bï gäm wook, yen pïïr athɛɛr.

Juda 1:21

ku yak röt mɔ̈k ë nhiëër ë Nhialicic, abäk kok de Bɛ̈nydan Yecu Kërtho piɔ̈u aa tiit ayɔ̈k wek pïïr athɛɛr.