Jɔn 6:39 - JAM DE NHIALIC 2011

³⁹ Ku kënë ee këde piɔ̈n ë raan ë toc ɛn an, në käŋ kedhie ka cï gäm ɛn, acïn töŋ bä mɔ̈ɔ̈r, ku abä bɛ jat nhial ëkööl rial wadäŋ.

Jɔn 6:39 ပူးပေါင်းရင်းမြစ်များ

Jeremia 23:4

Yɛn bï bäny bï keek tit lɔc. Kɔckï acïkï bï riɔ̈ɔ̈c ku cïkkï pɛ̈u wei, ku acä ke bï bɛ luöi këtuc. Acä lueel, Yɛn Bɛ̈nydït.”

Math 10:15

Wek yɔ̈ɔ̈k ëyic an, “Këtuc bï paan ë Thɔdom yök ku paan ë Gomoora ëkööl ë guiëërëlöŋ, acïï bï kit kekë këtuc bï pänydïïtë yök.

Math 18:14

Yen acït Wuöörduön nu paannhial, aliu ë yepiɔ̈u luɔi bï mɛnh tök määr ë mïththiikë yiic.

Luk 12:32

“Du riɔ̈c, yïn luny koor: anu ë Wuöördun piɔ̈u luɔi bï en we miɔɔc ë ciɛɛŋ.

Jɔn 12:48

Raan reec ɛn, ku cïï wëlkï gam, acath ke raan bï löŋde guiir: jam cä lueel, yen abï löŋde guiir ëkööl rial wadäŋ.

Jɔn 17:12

Të wään nuö yɛn wo keek ëtök ë piny nɔm, acä ke muk apiɛth ë rinku: kɔc cï gäm ɛn acä ke tiit, ku acïn raan tök ë keek cï määr, ee wën ë määr ë käŋ ëtök, ke këcïgɔ̈ɔ̈r bï aa yic.

Jɔn 17:2

Acït man cï yïn e gäm riɛl ë tiɔp nɔm ëbɛ̈n, ke bï kɔc gäm pïïr athɛɛr, kɔc cï gäm en kedhie.

Jɔn 17:24

“Yïn Wäär, kɔc cï gäm ɛn, yɛn de piɔ̈u luɔi bï kek aa tɔ̈u në yɛn ëtök të nuö yɛn thïn, ke ke bï dhuëëŋdï tïŋ, dhuëëŋ cï gäm ɛn, nɔn cï yïn a nhiaar ɣɔn ŋootë piny ke kënë cak.

Jɔn 17:6

Yɛn ë kɔc nyuöth rinku ëgɔk, kɔc wään cï gäm ɛn ë piny nɔm: aake ye kɔcku, ku yïn aa gëm ke yɛn, ku acïk jamdu muk,

Jɔn 17:9

“Yɛn läŋ në biäkden: yɛn cïï läŋ në biäk de kɔc ke piny nɔm, ee biäk de kɔc wään gämë yɛn, luɔi ee kek kɔcku.

Jɔn 18:9

(Aa luel ee kënë luɔi bï jam wën cï lueel aa yic an, “Në kɔckë yiic kɔc cï gäm ɛn, acïn töŋ cä tɔ mär.”)

Jɔn 5:28

Duökï gäi në kënë: kööl abɔ̈, kööl bï kɔc nu ë rɛ̈ŋ yiic rölde piŋ kɔc kedhie,

Jɔn 6:37

Kɔc kedhie kɔc cï Wäär gäm ɛn, abïk bɛ̈n tëde yɛn, ku raan bɔ̈ tëde yɛn acä bï cieec anandï.

Jɔn 6:40

Këde piɔ̈n ë Wäär kï, an, bï raan ëbɛ̈n raan tïŋ Wënde, ku gɛm, ka bï bɛ pïïr athɛɛr, ku abä jat nhial ëkööl rial wadäŋ.”

Jɔn 6:44

Acïn raan duëër bɛ̈n tëde yɛn, të kënë ye dhil tɔ bɔ̈ në Wääda raan ë toc ɛn, ku abä jat nhial ëkööl rial wadäŋ.

Jɔn 6:54

Raan ee rïïŋdï cuet, ku dek riɛmdï, ee cath ke pïïr athɛɛr, ku abä jat nhial ëkööl rial wadäŋ.

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

1 Kor 6:14

Ku Nhialic ë Bɛ̈nydït jat nhial, ku abï wo jat nhial aya në riɛldïït ë yencin.

2Tim 2:19

Na cak kɔc e looi aya, ke këërkëër ë wec Nhialic akääc, ke cïï wiëëk, acï gäär kɔ̈u cöökë an, “Bɛ̈nydït aŋic kɔc cï aa kɔcke.” Ku cöökë aya an, “Raan ëbɛ̈n raan ee Kërtho cɔɔl rin ë nyaai ë luɔi de këracic.”

Jakop 5:15

Ku lɔ̈ŋ nu gäm thïn yen abï raan tök kony, go Bɛ̈nydït jat nhial, ku na de karɛc cï looi, ka bï kë päl en.

1 Pet 1:5

wek kɔc cï gël ë riɛl ë Nhialic në gäm, bäk kunydewëi yök, kuny cï thök ë guiɛɛk, ke bï tïc ëkööl rial wadäŋ.

Juda 1:1

Yɛn Juda, lïm ë Yecu Kërtho, ku ya mänhë ë Jakop. Awerek en gäär kɔc cï cɔɔl, kɔc nhiɛɛr Nhialic Wääda, ku cïke muk ë Yecu Kërtho yic:

1 Tham 25:29

Cakaa de raan kɔɔr bïï yïn nɔ̈k, ke wëi ke Bɛ̈nydï abïk yïn tiit në kɔc pïïr ë tök, në riɛl de Bɛ̈nydït Nhialicdu. Ku wëi ke kɔc ke aterdu abï keek riëër wei cït man ë dön nu ë thieec thok.