Jɔn 5:44 - JAM DE NHIALIC 2011

⁴⁴ Duɛ̈ɛ̈rkï gäm lëu wäkdï, wek kɔc ë lɛc gam lɛc aa wek röt leec wapäc, ku cäkï lɛc ee kɔɔr lɛc bɔ̈ tëde Nhialic etök?

Jɔn 5:44 ပူးပေါင်းရင်းမြစ်များ

2 Lëk 6:8

go Bɛ̈nydït wäär yɔ̈ɔ̈k an, ‘Yïn de nɔm yic luɔi kɔɔr yïn ë yïpiɔ̈u bä Yɛn yiɛ̈k ɣöt,

Jeremia 13:23

Duëër raan ë Kuc kïn de yen guöp waar, duëër kuac kïtke nyaai? Na lëukï, ke week wek kɔc ee karɛc looi, wek duëër yith ŋic ë luɔi.

Math 23:5

Ayek luɔiden looi ëbɛ̈n ke ke bï tïŋ ë kɔc, ayek wɛlkɛn yek cieŋ tɔ lääu yiic, ku tɔkï lupɔɔken dït thook.

Luk 19:17

Go yɔ̈ɔ̈k an, ‘Apiɛth, yïn ee lïm piɛth: nɔn cï yïn këthiinakäŋ ŋiëc döt, ke yïn bï aa bɛ̈ny ceŋ pɛ̈ɛ̈nydït kathiëër.’

Jɔn 12:43

aake nhiaar lɛc de kɔc awär lɛc de Nhialic.

Jɔn 17:3

Ku kënë yen aye pïïr athɛɛr an, Ŋïny bï kek yïn ŋic, yïn Nhialic yic, yïn yïtök, ku ŋickï Yecu Kërtho raan ë yïn ë toc en.

Jɔn 3:20

Raan ëbɛ̈n raan ë kërac looi, ee ɣɛɛrëpiny maan, ku ye rɛɛc bɛ̈n tëɣer, ke luɔide cïï bï aa jɔ̈ɔ̈ny.

Jɔn 5:41

“Yɛn cïï lɛc ee gam tëde kɔc.

Jɔn 8:43

Eeŋö cä wek jamdï ŋic? Ee luɔi cä wek jamdï lëu në pïŋ.

Romai 2:10

Ku dhuëëŋ ku riëëu ku mät, kek abï tɔ̈u në raan ë këpiɛth looi, gɔl ë Judai, mɛ̈t Girikii thïn aya.

Romai 2:29

Raan ee ya Judai nɔm, tën ee yen Judai ë ye yäc thïn, ku cuɛ̈l ee këde raan piɔ̈u, ee këde wëi, acie këde jam tei. Lɛcde acïï bɔ̈ tëde kɔc, abɔ̈ tëde Nhialic.

Romai 2:7

Kɔc kɔɔr dhuëëŋ ku riëëu ku luɔi cïï kek bï dhiap, kɔc ë këpiɛth looi në liɛɛr ë kepiɔ̈ɔ̈th, kek abï gäm pïïr thɛɛr.

1 Kor 4:5

Yen cïn en kë yak jɔ̈ɔ̈ny të ŋoot akööl dït wei, të ŋootë Bɛ̈nydït ke kën bɛ̈n, raan bï ka cï thiaan tëcol bɛ̈ɛ̈i tëɣer, ku bï lööŋ ee lueel ë kɔc piɔ̈ɔ̈th tɔ tiëc, ee köölë yen abïï raan ëbɛ̈n lɛc yök tëde Nhialic.

2 Kor 10:18

Acie raan lec rɔt etök yen piɛth ëgɔk, ee raan leec Nhialic yen apiɛth.

Pilipoi 2:3

Duökï käŋ ee looi në ater ayï lɛ̈cderɔt, yak röt kuɔɔr piny, ë ŋɛk ë ye ŋɛk riëëu awär riëëu riëëu en rɔt.

1 Theth 2:6

ku acïn lɛc cuk kɔɔr tëde kɔc, ayï tëde week, ayï tëde kɔc kɔ̈k, acakaa wek ë cuk duɛ̈ɛ̈r miɛn, luɔi ee wok tuuc ke Kërtho.

1 Tim 1:17

Ku ënɔɔnë, Melik tɔ̈u aɣet athɛɛr ya, ke cïï dhiap, ku cïï duëërë tïŋ, Yen Nhialic de nɔm pɛl etök, ë riëëu ku dhuëëŋ ë ke ye tɔ̈u në Yen aɣet wadäŋ thɛɛr. Amiin.

Ɣeberuu 3:12

Ka week mïthëkɔckuɔ, yak röt tiit apiɛth ke bï ciën raan töŋ ee kërac looi në weyiic. Raan cïn gäm në yepiɔ̈u, raan ee rɔt dak ciëën në gäm de Nhialiny pïïric.

Jakop 2:1

Wek mïthëkɔckuɔ, duökï gäm de Bɛ̈nydan Yecu Kërtho, Bɛ̈nydïït de dhuëëŋ ee muk në kuëny aa wek kɔc kuany yiic.

1 Pet 1:7

ke thëm cïï gämdun them, luɔi ee yen këpiɛth aläl awär adhääp bï riääk, acakaa yen ë them ë mac, ka bï yök aye këde lɛc ku dhuëëŋ ku riëëu ëkööl bï Yecu Kërtho rɔt nyuɔɔth.

Juda 1:25

Nhialic pelnɔm, cïn Nhialic ee kek rou, ku ye Konydan ë wëi në Yecu Kërtho Bɛ̈nydïïtda, ë dhuëëŋ ë ye tɔ̈u ke yen, ku dït, ku riɛl, ku bɛ̈ɛ̈ny, ɣɔn thɛɛr ya ayï ënɔɔnë, aɣet athɛɛr ya. Amiin.

1 Tham 15:30

Go Thaulo bɛ̈ɛ̈r an, “Yɛn cï kërac looi, yïn läŋ bä ya riëëu guöp në kɔcdïtkuɔ nïïm ku kɔc ke Yithriɛl nïïm. Bäär ciëën wokë yɛn, aguɔ Bɛ̈nydït Nhialicdu lɔ lam.”

1 Tham 2:30

Yɛn, Bɛ̈nydït Nhialic de Yithriɛl, Yɛn cï gutguut looi ɣɔn thɛɛr wokë kɔc paandu ku dhiëndun, nɔn bän yïn looi ke yï ye bɛ̈ny de kake Nhialic anandu. Ku ënɔɔnë acä lueel, nɔn cän yen bï bɛ looi ë kööl däŋ! Ku kë bä looi, Yɛn bï kɔc ee Yɛn riëëu guöp riëëu, ku Yɛn bï kɔc ee Yɛn biɔɔn guöp luöi këtuc.